Morgunblaðið - 16.05.2006, Blaðsíða 19

MORGUNBLAÐIÐ ÞRIÐJUDAGUR 16. MAÍ 2006 19
MINNSTAÐUR
Fréttir í tölvupósti
AKUREYRI
LANDIÐ
Flúðir | Það er svo sannarlega hægt
að segja að íþrótta- og æskulýðs-
starf hafi breyst í Hrunamanna-
hreppi með tilkomu íþróttahússins á
Flúðum sem var byggt 1991. Þar eru
stundaðar margskonar íþróttir, svo
sem frjálsar íþróttir, blak, fimleikar
og knattspyrna en mest fer þó fyrir
körfuboltanum.
Hrunamenn eiga marga afreks-
menn í körfuknattleik, sem hafa
unnið sæta sigra innan HSK á liðn-
um árum, einnig víðar svo sem á Ís-
landsmótum. Má nefna að fjórar
stúlkur, sem ólust upp með bolt-
anum hér urðu nú fyrir nokkru Ís-
landsmeistarar í körfubolta kvenna
en þær kepptu með Haukum í Hafn-
arfirði. Vert er að geta þess að
Freyja Fanndal Sigurjónsdóttir sem
á heima hér í sveitinni var verðlaun-
uð á dögunum af liði sínu, Breiða-
bliki, sem mikilvægasti liðsmaður í
kvennaliði þess í körfubolta.
Nú á dögunum gáfu þau Helga
Karlsdóttir og Guðjón Birgisson,
garðyrkjubændur á Melum, nýja
keppnisbúninga sem ætlaðir eru
yngstu iðkendum körfuknattleiks-
deildarinnar og vildu með því leggja
sitt af mörkum til að styrkja það
mikilvæga æskulýðsstarf sem fram
fer í íþróttahúsinu. Keppnislið frá
Hrunamönnum hafa náð góðum ár-
angri í vetur, t.a.m. hlaut 9. flokkur
kvenna silfurverðlaun í Íslandsmóti,
auk þess sem 10. flokkur kvenna
hlaut sömu verðlaun í Bikarkeppni
Körfuknattleikssambands Íslands.
Magga heiðruð
Margir hafa lagt hönd á plóg til að
svo vel tækist til í körfuboltastarfinu
á undanförnum árum en hlutur
Möggu Brynjólfsdóttur, bónda í
Túnsbergi, er þó hvað stærstur og
var hún heiðruð í lokahófi körfu-
knattleiksdeildarinnar fyrir
skömmu.
Enginn vafi er á að bygging
íþróttahúsa er einhver arðsamasta
framkvæmd sem við Íslendingar
getum gert. Það sjáum við best í
gróskumiklu íþróttastarfi, yngri og
eldri.
Morgunblaðið/Sigurður Sigmundsson
Íþróttir Krakkarnir í yngstu flokkum körfuboltans í íþróttahúsinu á Flúðum ásamt gefendum nýju búninganna.
Árangursríkt uppeldisstarf
fer fram í íþróttahúsinu
Eftir Sigurð Sigmundsson
F
A
B
R
IK
A
N
2
0
0
6
SKIPULAGSMÁL
Í NÝJU LJÓSI
RSE boðar til málfundar í Háskólanum í
Reykjavík miðvikudaginn 17. maí kl. 15.00
Framsöguerindi:
Rökin fyrir einkaframtaki í skipulagsmálum
Dr. Mark Pennington, lektor í stjórnmálafræði við University of London
Pallborðsumræður
Ragnheiður Ríkharðsdóttir, bæjarstjóri Mosfellsbæjar
Þór Sigfússon, forstjóri Sjóvár
Þorkell Sigurlaugsson, framkvæmdastjóri þróunarsviðs HR
Egill Helgason, blaðamaður
Fundarstjóri: Birgir Tjörvi Pétursson, framkvæmdastjóri RSE
Fundurinn verður haldinn í stofu 131 b í Háskólanum í Reykjavík,
Ofanleiti 2 og stendur frá kl. 15.00-16.30
Dr. Mark Pennington er lektor í stjórnmálafræði við Queen Mary College,
University of London. Hann hlaut doktorsgráðu við London School of
Economics. Dr. Pennington hefur birt fjölda greina um stjórnmálahagfræði
á sviði umhverfismála í blöðum og tímaritum og hefur ritað tvær bækur um
skipulagsmál.
Nánar á www.rse.is Allir velkomnir!
Stjórn Lífeyrissjóðs verzlunarmanna boðar hér
með til sjóðfélagafundar, sem haldinn verður
þriðjudaginn 20. júní nk. kl. 17 á Grand Hóteli,
Sigtúni 38, Reykjavík.
Dagskrá fundarins:
Gerð grein fyrir tillögu stjórnar til breytinga á
samþykktum sjóðsins.
Sjóðfélagar og lífeyrisþegar sjóðsins eiga rétt til
setu á fundinum. Tillaga stjórnar liggur frammi
á skrifstofu sjóðsins auk þess sem hægt er að
nálgast hana á heimasíðu sjóðsins www.live.is.
Reykjavík 16. maí 2006
Stjórn Lífeyrissjó›s verzlunarmanna
Sími: 580 4000 • Netfang: skrifstofa@live.is
Sjóðfélagafundur
Öxnadalur | Veitinga-
húsið Halastjarnan, sem
er til húsa á bænum
Hálsi í Öxnadal, hóf um
síðustu helgi sumar-
starfsemi sína, en þetta
er þriðja sumarið í röð
sem veitingahúsið er
starfrækt. Að sögn Guð-
veigar Eyglóardóttur,
veitingakonu, hófst sum-
arið á Halastjörnunni í
byrjun mánaðarins með
helgaropnun en síðan
verður opið frá hádegi á
hverjum degi frá og með
1. júní næstkomandi.
Guðveig sagði að kapp
yrði lagt á að bjóða upp á
fallegan og góðan mat
unninn úr íslensku
gæðahráefni, s.s. lamba-
kjöti, mjólkurvörum,
fiski, grænmeti og ávöxt-
um. Auk kokkanna á
Halastjörnunni munu
fjölmargir gestakokkar
leggja sitt af mörkum við
matseldina. Um síðustu
helgi var t.a.m. hinn víð-
frægi kokkur Rúnar Marvinsson við
pottana.
Bryddað verður upp á fleiri nýj-
ungum í sumar, en Halastjarnan
hefur hafið samstarf við verslunina
Frúin í Hamborg á Akureyri. Mun
samstarfið ganga út á það að versl-
unin mun sjá fyrir húsgögnum í eitt
herbergja veitingastaðarins og
munu gestir geta keypt þá húsmuni
um leið og borðað er. Því er tilvalið
að koma á Halastjörnuna og fá sér
dýrindis máltíð og jafnvel kaupa
nokkra stóla eða borð með.
Í júlí og ágúst mun verða starf-
ræktur markaður á jörð Halastjörn-
unnar þar sem ræktendum gefst
kostur á því að selja uppskeru sína.
Guðveig sagði að þar væri upplagt
tækifæri fyrir stóra sem smáa rækt-
endur til að koma afurðum sínum á
framfæri sem og að njóta uppskeru
annarra. Einnig væru markaðs-
gestir hvattir til að koma með teppi
og yrðu nestiskörfur seldar á staðn-
um.
Geta keypt húsgögn
á meðan borðað er
Halastjarnan Guðveig Eyglóardóttir með nikk-
una fyrir utan Halastjörnuna.
UNGLIÐAR allra framboða á Ak-
ureyri taka höndum saman og
boða til umræðufundar um málefni
ungs fólks. Fundurinn verður
haldinn á Parken í dag, þriðjudag-
inn 16. maí kl. 20. Birgir Guð-
mundsson kennari í fjölmiðlafræði
mun stýra fundi.
Mun þetta vera í fyrsta sinn sem
ungliðahreyfingar taka höndum
saman á Akureyri og er stefnt á
frekari samvinnu á komandi ári og
fyrir alþingiskosningar. Ætlunin
er að ungt fólk myndi sér skoðanir
á eigin forsendum og taki afstöðu í
málefnum bæjarins og samfélags-
ins í heild, segir í frétt frá fund-
arboðendum.
Umræðu-
fundur unga
fólksins
ALMENNUR íbúafundur verður
haldinn á vegum Hverfisnefndar
Lunda- og Gerðahverfis í dag,
þriðjudaginn 16. maí kl. 20, í Lund-
arskóla.
Markmið fundarins er að kalla eft-
ir hugmyndum íbúa hverfisins að
verkefnum sem nefndin mun vinna
að. Verkefnin snerta öll hag íbúa
hverfisins. Einnig verða opnar um-
ræður um tengibrautir í hverfinu.
Fundarstjóri er Óskar Þór Halldórs-
son.
Íbúafundur
í Lunda- og
Gerðahverfi
♦♦♦