Morgunblaðið - 16.05.2006, Blaðsíða 23
MORGUNBLAÐIÐ ÞRIÐJUDAGUR 16. MAÍ 2006 23
DAGLEGT LÍF Í MAÍ
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
GÓÐ HEILSA
GULLI BETRI
Magi og melting
Acidophilus
FRÁ
www.nowfoods.com
SKÝR tjáskipti eru lykillinn að góðu
kynlífi, að því er m.a. kemur fram á
heilsuvef MSNBC. Niðurstöður
könnunar sem vefurinn stóð fyrir
benda til þess að feimni eða blygð-
unarkennd komi einmitt í veg fyrir
það að fólk gefi skýr skilaboð í rúm-
inu jafnvel þótt rekkjunautarnir hafi
verið hjón í mörg ár.
Fjórir af hverjum tíu reyndust
hafa beðið elskhuga sinn um eitthvað
í rúminu undanfarinn mánuð. Donald
S. Strassberg, sálfræðingur og pró-
fessor við Háskólann í Utah, telur að
hinir sex af hverjum tíu þori bara
ekki að segja hvað þeir vilja. Ástæð-
una telur hann að slíkt sé ekki við-
urkennt og það sé fólk alið upp við.
Fólk sé hrætt við að móðga, verða
dæmt eða sýna veikleika.
Strassberg segir fólk þurfa að hafa
í huga að einföld beiðni eða spurning
getur hljómað eins og gagnrýni og
rithöfundurinn Lou Paget segir við
MSNBC að sumum konum finnist
eitthvað vera að ef elskhugi þeirra vill
prófa eitthvað nýtt. Bæði leggja
áherslu á að fólk þurfi að koma að
kynlífinu með opnum huga því gott
kynlíf geri sambandið betra.
Góð tjáskipti
og gott kynlíf
Reuters
Margir eru feimnir við að segja frá
því ef þá langar að prófa eitthvað
nýtt í kynlífinu með maka sínum.
KYNIN
Margir eru að dytta að viðarhúsgögn-unum í garðinum sínum þessa dag-ana. Helgi Sigurðsson málarameist-ari hjá Byko er sérfróður um allt
sem lýtur að almennu viðhaldi á viðarhús-
gögnum.
„Ef húsgögnin eru upprunalega vönduð, úr
gegnheilum við og þau ekki máluð heldur olíu-
borin þá á að vera hægt að halda þeim við með
tiltölulega lítilli vinnu.
Þau eru þá þrifin að vori með sérstöku hreinsi-
efni fyrir tréhúsgögn og síðan er borin á þau
harðviðarolía sem þýðir að flögnunarhætta er
lítil sem engin. Á eftir er þurrkað yfir með mjúk-
um klút. Það á aldrei að bera mikið á, bara eins
og viðurinn tekur við og því er umfram olían
fjarlægð með bómullarklút.“
Ef átt er við húsgögn úr við sem hefur verið
bæsaður eða litaður með olíu sem ekki myndar
filmu nægir að þvo þau vel á vorin og bera á olíu
með lit til að viðhalda litnum og þurrka svo yfir
með klút. Ef litur er í olíunni grána húsgögnin
síður.
Ljós viður
Margir eiga viðarhúsgögn sem upprunalega
voru úr ljósum við en hafa verið máluð með
filmumyndandi efni sem farið er að flagna af.
Helgi segir að besta ráðið sé í slíkum tilfellum
að hreinsa allt af húsgögnum með málningar-
leysi. „Þá er farið eftir leiðbeiningum og máln-
ingin skafin af þegar leysir hefur fengið að vinna
á efninu sem fjarlægja á. Síðan er pússað yfir
með sandpappír. Þegar búið er að hreinsa allt
efni af þá er hægt að byrja upp á nýtt og bera á
olíu sem síðan er þurrkuð af með klút. Ágætt er
að gera það tvisvar ef búið er að fjarlægja með
leysiefnum allt af húsgögnunum. Þetta tekur
tíma en margborgar sig þegar til lengri tíma er
litið. Viðarolía með smá lit í forðar því að geislar
sólar valdi gráma í viðinn. Liturinn í viðarolíunni
er hinsvegar ekki þekjandi.
Á vorin tekur það ekki nema dagspart að
hreinsa húsgögnin, ber á þau olíu og þurrka síð-
an af. Ef grámi hefur sest á húsgögnin er hægt
að pússa hann af með sandpappír áður en olían
er borin á.
Létta leiðin
Þeir sem vilja ekki eyða tíma í að gera upp við-
arhúsgögnin á veröndinni geta farið léttu leið-
ina. Þá er fjarlægt það sem hægt er af málning-
unni en svo eru húsgögnin einfaldlega máluð í
einhverjum lit. Kosturinn er að þetta tekur ekki
mikinn tíma en ókosturinn að þá flagnar máln-
ingin líklega að vori og þá þarf að mála upp á
nýtt.
Viðarhúsgögnin tekin í gegn
SUMAR
Morgunblaðið/Ómar
Helgi Sigurðsson málarameistari segir að ef vönduð viðarhúsgögn séu
þrifin að vori og borin á þau góð olía geti þau enst ár eftir ár.
Það þarf alls ekki að henda húsgögnum á haugana þótt þau séu farin að
láta á sjá. Með smávinnu er hægt að láta þau líta út sem ný.
Með hækkandi sól og góð-viðrisdögum freista hjól-reiðar margra enda eru
hjól vinsæl leiktæki meðal barna.
Hjólin eru tekin fram um leið og
vorið ilmar í lofti og hjólað er
gjarnan af krafti langt fram á
haust. En ánægjustundum þessum
fylgja oft slys og því eru reiðhjóla-
hjálmarnir nauðsynleg öryggis-
tæki til að koma í veg fyrir alvar-
leg höfuðhögg við fall af hjóli. Þó
allir ættu að tileinka sér notkun
hjálma ef sest er upp á hjól, er
börnum yngri en 15 ára skylt að
nota hjólreiðahjálma við hjólreið-
ar, samkvæmt umferðarlögum. Við
kaup á hjólreiðahjálmi er vert að
ganga úr skugga um að hjálmurinn
sé CE-merktur, en auk þess að
henta til notkunar á reiðhjóli,
henta reiðhjólahjálmarnir einnig
vel til notkunar á línuskautum,
hlaupahjóli, hjólabretti, sleða og
skautum, segir m.a. á heimasíðu
Lýðheilsustöðvar, þaðan sem leið-
beiningar um rétta stillingu hjálm-
anna eru fengnar.
Hjálmarnir þurfa að sitja rétt
Þegar stillingu er lokið er hugað að
því hvort hjálmurinn sitji vel á höfði
barnsins með því að taka um hann.
Hjálmurinn situr rétt þegar hann
færist aðeins um nokkra millimetra
þegar prófað er að hreyfa hjálminn
fram og aftur á höfði barnsins.
Aftara bandið mætir fremra band-
inu. Staðsetning spennunnar, sem
tengir böndin saman, þarf að vera
fyrir neðan kjálkaliðinn. Bandið,
sem fer undir hökuna, á að falla það
þétt að henni að einungis 1–2 fing-
ur komist þar á milli. Aftan á hjálm-
inum er skrúfa. Hún er til að herða
bandið, sem er inni í hjálminum, að
höfðinu þannig að hjálmurinn sé vel
skorðaður.
Hjálmurinn ver enni barnsins og
mikilvægt er að hjálmurinn sé sett-
ur beint niður á höfuð barnsins.
join@mbl.is
Fréttir
í tölvupósti