Morgunblaðið - 16.05.2006, Blaðsíða 16
Moskva. AP. | Vladímír Ústínov, einn
helsti saksóknari Rússlands, hvatti í
gær þarlend yfirvöld til að herða barátt-
una gegn skipulagðri glæpastarfsemi,
sem hann telur ógn við þjóðaröryggi
landsins. Enn fremur telur Ústínov
nauðsynlegt að lögreglan og saksókn-
arar leggi aukna áherslu á að hafa
hendur í hári glæpaforingja, með þeim
orðum að slíkar handtökur séu alltof fá-
tíðar.
„Í dag verðum við að horfast í augu
við þá staðreynd að útbreiðsla og um-
fang skipulagðrar glæpastarfsemi í
Rússlandi hefur þróast í þá átt að vera
ógn við öryggi landsins,“ sagði Ústínov í
gær.
Að hans sögn eru skipulögð glæpa-
gengi útbreidd „í öllum stórum borgum
án undantekningar, ásamt því að hafa
náð fótfestu í flestum bæjum“. Þá sagði
hann endurskipulagningu hjá tollstjóra
ríkisins, þar sem nokkrum hátt settum
aðilum var vikið frá störfum nýlega,
sýna ítök glæpagengja í tollheimtu
landsins.
Í kjölfar ákvörðunar Pútíns
Gagnrýni Ústínovs kemur í kjölfarið
á þeirri ákvörðun Vladímírs Pútíns
Rússlandsforseta að fyrirskipa endur-
skipulagningu hjá ýmsum ríkisstofnun-
um, í því skyni að draga úr ítökum
glæpahringja í stjórn landsins. Segir
Pútín tíðni fjármálamisferla í Rússlandi
„óásættanlegt“ vandamál, sem verði að
leysa með herferð stjórnarinnar gegn
spillingu.
Segir glæpi
ógna öryggi
Rússlands
16 ÞRIÐJUDAGUR 16. MAÍ 2006 MORGUNBLAÐIÐ
ERLENT
GEORGE W. Bush Bandaríkjaforseti hyggst
senda þúsund bandarískra þjóðvarðliða til að
gæta landamæranna að Mexíkó en markmiðið
með ákvörðuninni er að stöðva flæði ólöglegra
innflytjenda norður til Bandaríkjanna. Gert
var ráð fyrir að Bush myndi tilkynna þetta í
sjónvarpsávarpi eftir miðnætti í gær að ís-
lenskum tíma sem allar helstu sjónvarpsstöðv-
ar í Bandaríkjunum sendu út.
Talið er að Bush vilji með ákvörðun sinni
reyna að tryggja stuðning við umbætur á inn-
flytjendalögum meðal þeirra íhaldsmanna sem
vilja að hart sé tekið á ólöglegum innflytj-
endum. Er meiningin sú að senda þjóðvarðliða
tímabundið til að gæta landamæranna að
Mexíkó, sem eru ríflega 3.000 km löng, á með-
an verið er að efla hina eiginlegu landamæra-
vörslu. Þá hugðist Bush leggja áherslu á mik-
ilvægi þess í ræðu sinni að innflytjendur
lærðu ensku og bæru sig eftir því að aðlagast
bandarískri menningu vilji þeir verða banda-
rískir ríkisborgarar.
Sem fyrr segir hafði Bush ekki flutt ræðu
sína þegar Morgunblaðið fór í prentun en
þessar fregnir hafði AP-fréttastofan fyrr í
gær eftir tveimur embættismönnum í Hvíta
húsinu.
Ákvörðunin um að senda þjóðvarðliðið á
vettvang er umdeild í röðum fulltrúa á Banda-
ríkjaþingi. Óttast sumir að verið sé að leggja
of mikið á sveitirnar, álagið verði of mikið sé
haft í huga að margir þjóðvarðliðar hafa þurft
að sinna herþjónustu í Írak síðustu mánuði og
ár.
Vicente Fox, forseti Mexíkó, hefur einnig
áhyggjur af málinu og hringdi hann í Bush á
sunnudag til að ræða stöðuna sem komin er
upp. Það væri ekki jákvæð þróun að vopnaðir
hermenn stæðu gráir fyrir járnum við landa-
mæri ríkjanna.
Vill tryggja
stuðning repúblikana
Dan Bartlett, ráðgjafi Bush, sagði hins
vegar í gær að ekki væri um „hervæðingu
landamæranna“ að ræða. Þjóðvarðliðar
myndu aðeins fá það hlutverk að styðja við
bak landamæravörðum, þeim yrði ekki falið
löggæsluhlutverk. Áður hafði Maria Tamb-
urri, talsmaður Hvíta hússins, greint frá því
að Bush hefði lagt mikla áherslu á það í sam-
tali hans og Fox að Bandaríkin litu á Mexíkó
sem vinaþjóð sína.
Bush vonast til þess að ákvörðunin, sem
hann tilkynnti um í nótt, verði til þess að
tryggja stuðning þorra repúblikana við inn-
flytjendalöggjöf sem hann hefur beitt sér
fyrir; en forsetinn vill að margir ólöglegir
innflytjendur fái tímabundið landvistar- og
atvinnuleyfi og jafnframt að þeir geti á end-
anum, ef þeir standast kröfur, fengið rík-
isborgararétt. Repúblikanaflokkurinn hefur
verið klofinn í þessu máli; aðilar í viðskipta-
lífinu vilja gjarnan hafa aðgang að ódýru
vinnuafli, á meðan aðrir vilja taka upp harð-
ari stefnu gagnvart ólöglegum innflytjend-
um.
Kosningamál í haust?
Talið er að allt að um tólf milljónir ólög-
legra innflytjenda séu í Bandaríkjunum og
koma þeir langflestir frá Mexíkó eða öðrum
ríkjum Rómönsku Ameríku. Málefni þeirra
hafa verið ofarlega á baugi nýverið, enda fara
fram þingkosningar í Bandaríkjunum síðar á
árinu þar sem öll þingsæti í fulltrúadeildinni
eru undir. Jafnframt verður kosið um þriðjung
sæta í öldungadeildinni og mörg ríkisstjóra-
embætti.
Repúblikanar hafa meirihluta í báðum deild-
um þingsins en óvinsældir Bush hafa verið
slíkar undanfarið, að jafnvel hefur verið talið
hugsanlegt að demókratar næðu meirihluta í
annarri eða báðum þingdeildum eftir kosning-
arnar.
Ekki lá fyrir í gærkvöldi hversu marga
þjóðvarðliða Bush hygðist senda til landamær-
anna, aðeins að þeir yrðu nokkur þúsund en
þó færri en 10.000.
Þjóðvarðliðar gæti landa-
mæranna að Mexíkó
Eftir Davíð Loga Sigurðsson
david@mbl.is George W. Bush
Bandaríkjaforseti
ræddi innflytjendamál í
sjónvarpsávarpi í nótt
ÞÚSUNDIR manna sem búa í nágrenni
eldfjallsins Merapi í Indónesíu hafa þurft
að yfirgefa heimili sín, vegna hættu á að
eldgos kunni að brjótast út í fjallinu. Á
sama tíma hefur hins vegar lítill hópur
bænda, sem búa í hlíðum fjallsins, neitað
að færa sig um set.
Segjast bændurnir byggja afkomu sína
á búskap og að þeir muni ekki fara fet
fyrr en stjórnvöld hafa boðið þeim fjár-
hagslegar bætur. Þá eru aðrir sem telja
að andar búi í toppi fjallsins og bíða þess
nú að þeir gefi merki um að gos sé að
brjótast út.
Eldfjallið er á miðju eyjarinnar Jövu,
fjölmennustu eyjarinnar í eyjaklasanum
Indónesíu. Sérfræðingar hafa fylgst með
fjallinu að undanförnu og á laugardag
ákváðu þeir að hækka viðbúnaðarstigið,
sem er nú á hæsta stigi. Að minnsta kosti
eitt þorp, sem er í þriggja kílómetra fjar-
lægð frá fjallinu, er þakið í ösku.
Er talið að allt að 34.000 manns kunni
að vera í hættu brjótist eldgos út í fjall-
inu. Alls er vitað um 68 eldgos í fjallinu,
sem er 2.914 metra hátt, frá árinu 1548
og hafa þúsundir manna látið lífið af
þeirra sökum. Reuters
Þúsundir
yfirgefa
heimili sín
Washington, London. AP. | Hugo
Chavez, forseti Venesúela, skoð-
aði sig um í miðborg London í gær
ásamt borgarstjóranum, Ken Liv-
ingstone, en Chavez var í tveggja
daga einkaheimsókn til Bretlands.
Hann átti fund með verkalýðs-
leiðtogum í London í gær og á
sunnudag talaði hann yfir kvöld-
verði sem Livingstone hélt honum
til heiðurs.
Chavez var einnig til umræðu
hinum megin við Atlantshafið í
gær, því að stjórnvöld í Wash-
ington ákváðu að banna vopnasölu
til Venesúela, vegna skorts á sam-
vinnu forsetans í hinni alþjóðlegu
baráttu gegn hryðjuverkum.
Engir fundir voru fyrirhugaðir
með Chavez og fulltrúum breskra
stjórnvalda en Chavez hefur verið
upp á kant við Tony Blair, for-
sætisráðherra Bretlands. Hefur
Chavez m.a. kallað Blair „peð
heimsvaldastefnunnar“ vegna
bandalags hans og George W.
Bush Bandaríkjaforseta, en Bush
hefur Chavez líkt við Adolf Hitler.
Hann hélt svo uppteknum hætti í
gær, þegar hann sakaði Bush um
að hafa framið þjóðarmorð og að
alþjóðlegur dómstóll ætti að
dæma Bandaríkjaforseta til fang-
elsisvistar. Þá varaði Chavez við
því að verðið á olíu ætti eftir að
fara yfir 100 dollara fatið yrði ráð-
ist gegn Írönum vegna kjarn-
orkuáætlunar þeirra.
Livingstone tók vel á móti Chavez
AP
Vel fór á með Chavez og Livingstone í gær.
Bagdad. AFP. | Saddam Hussein, fyrrver-
andi forseti Íraks, neitaði í gær að
leggja fram málsvörn, eftir að yfirdóm-
ari lagði fram formlegar kærur á hendur
leiðtoganum fyrrver-
andi að loknu þriggja
vikna hléi á réttar-
höldunum yfir hon-
um.
Rauf Rasheed
Abdel Rahman, yfir-
dómari í réttarhöld-
unum, las upp kær-
urnar í gær, en í
þeim er forsetinn
fyrrverandi m.a. sak-
aður um aftökur á 148 íbúum sjíta-
þorpsins Dujail árið 1982, eftir mis-
heppnað banatilræði á hendur honum.
Saddam, sem á yfir höfði sér dauða-
dóm verði hann fundinn sekur, líkt og
sjö meðsakborningar hans, var ósáttur
við kærurnar. „Ég get ekki svarað kær-
unum með jái eða neii,“ sagði Saddam í
gær. Hann taldi listann með ákærunum
of langan.
Þá sagði hann það vera vilja Íraka að
hann væri leiðtogi þeirra og að óviðeig-
andi væri að slíkar kærur væru lagðar
fram gegn forseta landsins.
Búist við að vitnaleiðslur
geti hafist á mánudag
Eftir að ákærurnar vegna morðanna í
Dujail hafa verið lagðar fram er búist
við að Saddam og sex aðrir sakborning-
ar verði ákærðir fyrir aðild sína að
Anfar-herferðinni svokölluðu, sem áætl-
að er að hafi leitt til dauða yfir 100.000
Kúrda.
Samkvæmt írösku réttarkerfi leggja
saksóknarar fyrst fram kærur á hendur
sakborningi, áður en dómari velur hvaða
kærur skuli teknar til formlegrar efnis-
meðferðar. Í kjölfarið fá verjendur svo
tækifæri til að svara ákærunum. Í þess-
um þætti réttarhaldanna mun hefjast
önnur umferð vitnaleiðslnanna. Búist er
við að þær geti hafist þegar á mánudag.
Neitaði
að leggja
fram
málsvörn
Saddam Hussein
♦♦♦