Morgunblaðið - 16.05.2006, Blaðsíða 10

10 ÞRIÐJUDAGUR 16. MAÍ 2006 MORGUNBLAÐIÐ
FRÉTTIR
UNNIÐ hefur verið að lagningu
reiðvegar meðfram Leirvogsá við
Mosfellsbæ, og til að umferð fari
ekki yfir þjóðveginn verður farin sú
leið að byggja reiðbrú undir brúna á
Vesturlandsvegi. Leirvogsá er ein
allra besta laxveiðiá landsins og sú
gjöfulasta síðustu árin, ef litið er til
afla á stöng, með yfir 800 laxa, en
veit er með tveimur stöngum í ánni.
Strax neðan brúar er gjöfulasti hyl-
ur árinnar, Brúarhylur, sem gefur
allt að helmingi aflans.
Þegar Tryggvi Jónsson, bæjar-
verkfræðingur í Mosfellsbæ, er
spurður hvort hagsmunir skarist
ekki við að setja reiðveg að hluta yfir
og við einn besta laxveiðistað lands-
ins, sagði hann þær raddir hafa
heyrst. „Stjórn veiðifélagsins var
ekki alltof hrifin af þessu og lagði til
að sett yrðu undirgöng undir Vest-
urlandsveginn, en það er ekki á
áætlun hjá Vegagerðinni.“ Segir
hann farið í framkvæmdina þar sem
umferð hestamanna yfir Vest-
urlandsveginn skapi hættu.
„Horft hefur verið til þess að
þetta fer yfirleitt ekki mikið saman,
reiðumferð og laxveiðin. Mest er um
útreiðar fram í júní, laxveiðin er að
byrja um miðjan júní, þá er reiðum-
ferð mikið til hætt. Menn féllust á að
það væri öryggisatriði að koma
þessu fyrir og þetta væri skásti kost-
urinn í stöðunni.“
Tryggvi segir að framkvæmdin
hafi átt að vera komin vel á veg og
jafnvel lokið. „Einhverra hluta
vegna hefur þetta dregist. Þetta er á
vegum Stóru reiðveganefndarinnar,
sem sér um reiðstíga á Reykjanes-
svæðinu. Við samþykktum þetta,
enda er í samræmi við aðalskipulag
hjá okkur, að þarna sé brú. En við
leggjum áherslu á að annað hvort
komi brúin upp nú fyrir veiðitímann
eða ekkert fyrr en að veiðitíma lokn-
um.“
Lögðust gegn framkvæmdinni
Í bréfi, dagsettu 5. nóvember
2005, gerði stjórn Veiðifélags Leir-
vogsár verulegar athugasemdir við
tillöguna um reiðveginn undir brúna
á þjóðveginum. Lagðist stjórnin
gegn framkvæmdinni og taldi að
með henni væri teflt í tvísýnu veiði-
skap í ánni. Þar segir m.a.: „Við brú-
arstöpulinn í Leirvogsá er einn feng-
sælasti veiðistaður á suðvesturhorni
landsins … Óttumst við að brúar-
framkvæmdin og aukinn umgangur
á þessum viðkvæma stað komi til
með að trufla veiðiskap og skiptir þá
engu hvort umferð er lítil eða mikil
yfir veiðitímann.“ Ennfremur segir
að á komandi sumri séu veiðimenn
að borga allt að 100 þúsund krónum
fyrir eina dagsstöng og sé veiði-
mönnum áskilinn réttur til að fara
yfir lönd veiðiréttarhafa og hafa frið
og ró til veiða.
Óttast að umferð
styggi veiðimenn
„Það var ekki á aðalskipulagi að
fara með þessa reiðbrú undir brúna
við ána, en Vegagerðin segir und-
irgöng ekki vera á áætlun og því hafi
þeir sótt fé í svokallaðan neyðarsjóð,
til að bæta öryggi vegfarenda, og
setja veginn þarna,“ segir Guð-
mundur Magnússon formaður Veiði-
félags Leirvogsár. Hann er ekki
sáttur við þessa lausn mála, segir að
hagsmunaðilum hafi verið tjáð að
þetta sé bráðabirgðalausn en hann
eigi eftir að sjá það. „Við óttumst að
umferðin geti styggt veiðimenn og
skemmt veiðistaði.“
Þá segir Guðmundur að veiðileyfi í
Leirvogsá hafi aldrei verið jafn dýr
og í sumar og þessi framkvæmd vegi
að þeim verðmætum sem felast í
veiðinni. Hann óttast jafnframt að
vegurinn verði ekki einungis fyrir
reiðmenn heldur muni bifhjólamenn
nota hann, en þeir fari mikinn á reið-
og göngustígum svæðisins með til-
heyrandi ónæði.
Að sögn Sigurðar Guðjónssonar,
framkvæmdastjóra Veiðimálastofn-
unar, var ekki leitað eftir umsögn
stofnunarinnar um framkvæmdina.
Morgunblaðið/Einar Falur
Brúarhylur í Leirvogsá, við Vesturlandsveginn, er einn gjöfulasti laxveiðistaður landsins. Reiðbrúin kemur undir
brúna hægra megin, yfir veiðistað sem kallast Stólpahylur.
Reiðbrú við einn besta
laxveiðistað landsins
Eftir Einar Fal Ingólfsson
efi@mbl.is
SKOTTÚRAR með börnin í frí-
stundastarf um kvöldmatarleytið
heyra brátt sögunni til í Grafarvogi
og fjölskyldum verður gert mögulegt
að eyða matartímanum saman. Með
þessu vill Grafarvogur skapa for-
dæmi fyrir samfelldum skóla- og frí-
stundadegi barna en borgarráð sam-
þykkti fjárveitingu til verkefnisins á
dögunum.
Ingibjörg Sigurþórsdóttir, fram-
kvæmdastjóri Miðgarðs, bendir á að
allar rannsóknir sýni að börnum sem
eru í góðum tengslum við foreldra
sína vegni almennt betur. Góðar
samverustundir séu ein helsta for-
senda þess. Eins og staðan er í dag
reynist hins vegar oft erfitt að ná
fjölskyldunni saman. Þegar foreldr-
arnir koma heim á daginn fer tíminn
þeirra í að keyra börnin í frístunda-
starf.
Hugað að þörfum fatlaðra
Ingibjörg segir að hugmyndin sé
að tómstundastarf 6 og 7 ára barna
færist að mestu leyti inn í frístunda-
heimilin. 8–9 ára börn myndu hins
vegar fá aðstoð frá starfsmönnum
frístundaheimila við að koma sér
milli staða og gætu síðan við 10 ára
aldur ferðast sjálf á milli. Með þessu
móti gætu börnin verið komin heim á
svipuðum tíma og foreldrarnir í stað
þess að vera kannski ein heima eða í
reiðileysi milli tvö og fimm á daginn.
Til þess að þetta takist þarf að
nýta íþróttaheimilin betur á daginn
og bæta samgöngur og segir Ingi-
björg að vilji sé til að ná samningi við
Strætó bs. um að vagn gæti gengið
milli helstu tómstundasvæða Grafar-
vogsins.
Með sameiningunni er einnig
stefnt að því koma til móts við þarfir
fatlaðra barna sem oft á tíðum geta
ekki verið ein heima þannig að þau
fengju kannski aðstoð við að komast
milli staða og við að taka þátt í tóm-
stundastarfi.
Mikill áhugi er fyrir þessu verk-
efni í Grafarvogi og nú þegar hafa
íþróttafélögin, tónlistarskólarnir,
skátafélagið, skautafélagið, frí-
stundaheimilin og allir grunnskól-
arnir fundað um málið.
Gert er ráð fyrir að verkefnið hefj-
ist strax í vor og standi yfir í til-
raunaskyni til 15. júní 2007.
Reykjavíkurborg gerir tilraun í Grafarvogi með samfelldan skóla- og frístundadag
Stefnt að því að börn og foreldr-
ar ljúki deginum á sama tíma
Morgunblaðið/ÞÖK
Stefnan er að Grafarvogur verði fyrirmynd í samfelldu skóla- og frístunda-
starfi. Frá vinstri: Jóhanna S. Vilbergsdóttir, skólastjóri Engjaskóla, Helgi
Viborg, deildarstjóri Miðgarðs, Ingibjörg Sigurþórsdóttir, framkvæmda-
stjóri Miðgarðs, og Stefán Jón Hafstein, formaður hverfisráðs.
Eftir Höllu Gunnarsdóttur og
starfsnemana Karenu Knútsdóttur
og Stellu Sigurðardóttur
halla@mbl.is
Jóhann Sólberg Þor-
steinsson fyrrverandi
mjólkurbússtjóri á
Sauðárkróki lést á
Landspítala – háskóla-
sjúkrahúsi 12. maí sl.
Jóhann Sólberg var
fæddur í Stóru-Gröf í
Skagafirði 6. mars 1910.
Hann lauk námi frá
Bændaskólanum á
Hvanneyri 1930. Hann
lærði mjólkurfræði í
Noregi og brautskráð-
ist frá Statens Meieri-
skole í Þrándheimi
sumarið 1938. Eftir
heimkomuna hóf hann
störf við Mjólkursam-
lagið í Borgarnesi, en
hélt síðan til Akureyr-
ar og starfaði þar við
Mjólkursamlagið í
fjögur ár. Árið 1945
tók hann við starfi
mjólkurbústjóra á
Sauðárkróki og gegndi
því til ársloka 1982.
Eftirlifandi eigin-
kona hans er Áslaug
Ester Sigfúsdóttir og
eiga þau þrjár upp-
komnar dætur og átta
barnabörn.
Andlát
JÓHANN SÓLBERG
ÞORSTEINSSON
RANNSÓKNIR hafa
sýnt að líkurnar á því að
einstaklingur muni
glíma við áfengissýki,
minnki um átta prósent
með hverju ári sem ung-
lingur frestar því að
hefja drykkju. Þetta
kom fram á blaðamanna-
fundi sem SAMFO –
Samstarf um forvarnir
hélt í Rimaskóla í gær. Á
fundinum var meðal
annars kynnt for-
varnarátaksins Ég ætla
að bíða, en það hefur
staðið yfir frá því haust-
ið 2005.
Ætla að bíða
Síðasta vetur hafa verið sýndar
sjónvarpsauglýsingar þar sem
unglingar hafa lýst því yfir að þeir
ætli að bíða með að hefja áfengis-
og vímuefnanotkun þangað til
nægum þroska hafi verið náð og
mun þeirri herferð verða haldið
áfram á næstunni. Verkefnið hef-
ur verið stutt af Reykjavíkurborg,
KB banka og 365 miðlum, og sagði
Marsibil Sæmundsdóttir, vara-
borgarfulltrúi R-listans og for-
maður forvarnarnefndar, að mik-
ilvægur þáttur í forvarnarstarfinu
væri að halda umræðunni gang-
andi.
Birta Baldursdóttir og Ástrós
Kristinsdóttir, nemendur í 8. t í
Rimaskóla sögðust báðar ætla að
bíða með að hefja áfengisneyslu,
ekki væri tími til þess að byrja
strax og þær vildu eiga góða fram-
tíð fyrir sér. Þær töldu að við-
horfið til herferðarinnar væri al-
mennt gott og að krakkar væru
meðvitaðri um skaðsemi vímu-
efnaneyslu en áður.
Líkur á áfengis-
misnotkun minnka
um 8% með hverju ári
sem drykkju er frestað
Árni Einarsson, framkvæmdastjóri Fræðslu-
miðstöðvar í fíknivörnum, kynnir niðurstöður
rannsóknar á unglingadrykkju.
BJÖRGUNARÞYRLUR Landhelg-
isgæslunnar voru ekki til taks við
leitina að ungum manni, Pétri Þor-
varðarsyni, sem leitað var að á Mý-
vatnsöræfum í gær og á sunnudag.
Nutu björgunarsveitir aðstoðar
þyrlu danska sjóhersins og síðar
varnarliðsins á Keflavíkurflugvelli.
Minni þyrla gæslunnar, TF-Sif,
er í Stafangri í Noregi, í nauðsyn-
legum endurbótum, og hefur verið
þar frá því fyrir páska. Sif er vænt-
anleg aftur til landsins 21. eða 22.
maí nk. Stærri þyrla gæslunnar,
TF-Líf, er í viðgerð en við athugun
á henni fyrir helgi kom í ljós bilun í
drifbúnaði. Búist er við að hún
verði flugfær á ný á morgun.
Þegar ljóst var að gæslan hafði
engar þyrlur til taks var óskað eftir
þyrlum í viðbragðsstöðu, bæði hjá
danska sjóhernum og varnarliðinu.
Samkvæmt upplýsingum frá
Landhelgisgæslunni var ekki
ákveðið að fá björgunarþyrlu frá
varnarliðinu á Keflavíkurflugvelli
fyrr en um miðjan dag í gær þar
sem viðbragðstími björgunarþyrlu
danska sjóhersins var skemmri.
Gæslan er með gagnkvæman samn-
ing við danska sjóherinn um aðstoð
við björgun. Þyrlu varnarliðsins
hélt til leitar eftir hádegi í gær.
Þyrlur gæslunnar
ekki til taks fyrir leit