Morgunblaðið - 16.05.2006, Blaðsíða 45

MORGUNBLAÐIÐ ÞRIÐJUDAGUR 16. MAÍ 2006 45
MENNING
Skattskrár vegna álagningar 2005
sem og virðisaukaskattsskrár vegna tekjuársins 2004 verða lagðar
fram í öllum skattumdæmum þriðjudaginn 16. maí 2006.
Framlagning skattskráa er samkvæmt ákvæðum
2. mgr. 98. gr. laga nr. 90/2003 og 46.gr laga nr 50/1988.
Skrárnar liggja frammi hjá skattstjórum í hverju umdæmi,
hjá umboðsmönnum skattstjóra eða á sérstaklega auglýstum stöðum
í hverju skattumdæmi dagana 16. maí til 29. maí 2006
að báðum dögum meðtöldum.
16. MAÍ 2006
Skattstjórinn í Reykjavík, Gestur Steinþórsson.
Skattstjórinn í Vesturlandsumdæmi, Stefán Skjaldarson.
Skattstjórinn í Vestfjarðaumdæmi, Guðrún Björg Bragadóttir.
Skattstjórinn í Norðurlandsumdæmi vestra, Bogi Sigurbjörnsson.
Skattstjórinn í Norðurlandsumdæmi eystra, Gunnar Karlsson.
Skattstjórinn í Austurlandsumdæmi, Karl S. Lauritzson.
Skattstjórinn í Suðurlandsumdæmi, Hreinn Sveinsson.
Skattstjórinn í Vestmannaeyjum, Ingi Tómas Björnsson.
Skattstjórinn í Reykjanesumdæmi, Sigmundur Stefánsson.
Það er ágætis menningarlíf íReykjavík. Þó hún sé enginstórborg geta listunnendur
alltaf fundið eitthvað nýtt og
ferskt, sérstaklega þær fáu góðu
vikur þegar allskyns menningar-
og listahátíðir standa yfir.
En ein er sú list sem mér þykir
frekar lítið sinnt hér á landi, og
það er matargerðarlistin. Reykja-
vík verður seint kölluð mikil mat-
arborg.
Nú er ég ekki að segja að hér
megi ekki að finna marga ágætis
veitingastaði – þvert á móti býr
borgin að nokkrum heimsklassa
„rístóröntum“. En úrvalið er tak-
markað, og góðu, fínu veitinga-
staðirnir elda aðallega á evrópska
vísu. Sumir kokkarnir teygja á
forminu og gera tilraunir, en þeir
eru samt bundnir við þann ramma
sem hver staður hefur markað sér.
  
Það eru fjöldamargar gloppur ííslensku veitingaúrvali og þeir
staðir sem helgaðir eru matar-
menningu framandi landa eru
flestir óspennandi, að ég jafnvel
kalli þá sjoppulega. Þeir myndu
frekar kallast skyndibitastaðir en
geta borið með rentu titilinn veit-
ingastaðir.
Svo ég nefni nokkur dæmi um
ástandið: hér á landi er ekki að
finna neinn arabískan veitingastað,
þó finna megi takmarkað úrval af
skyndibita. Landinn fer á mis við
óviðjafnanlega matarmenningu
mið-austurlanda, sem spannar svo
mikið meira en „shawarma“. Leit-
un er að Íslendingi sem smakkað
hefur „pachlava“ (baklava), það
himneska bakkelsi, og drukkið
með því almennilegt te eða kaffi á
arabíska vísu.
  
Kínversku veitingastaðirnirstandast engan samanburð
við það sem gerist úti í heimi. Aft-
ur er það skyndibitinn sem ræður
ríkjum og má líkja úrvalinu við
það opnaður væri „íslenskur veit-
ingastaður“ í Peking sem seldi
bara bæjarins bestu.
Enn er ekki hægt að fá ekta pek-
ing-önd hér á landi og marga aðra
öndvegisrétti kínverskrar mat-
argerðarlistar. Það segir kannski
sína sögu að íslenskir Kínverjar
sjást sjaldan borða sjálfir á þessum
stöðum, því þeir eru betra vanir.
Eitthvað eru taílenskri mat-
argerðarlist gerð skárri skil, og
indverskri sömuleiðis, en samt má
gera betur og auka úrvalið svo
gott geti talist.
Ég man ekki eftir neinum aust-
ur-evrópskum veitingastað í
Reykjavík. Hér er ekki hægt að
finna „borsht“ eða „soliönku“ þær
öndvegissúpur, akfeitar spægipyls-
ur og flennistórar pönnukökur sem
einkenna rússneska matargerðar-
list. Hvergi er alvöru styrjukavíar
hafður til sölu og vodkaúrvalið hér
á landi er afskaplega dapurlegt
fyrir þann sem vit hefur á.
  
Og hverjum er svo um að kenna,að matarmenningin er eins og
hún er? Það er dýrt að fara út að
borða hér á landi, en að sama
skapi frekar fáir munnar að metta.
Það getur hæglega kostað eins eða
tveggja daga meðallaun fyrir par
að eiga huggulega kvöldstund á
veitingastað. Stundum gantast ég
með að evrópskir veitingastaðir
græði á góðu orðspori og hag-
stæðu verði og laði að flæði við-
skiptavina, á meðan íslenskir veit-
ingastaðir græði með því að rukka
þá fáu sem gesti sem villast inn um
nógu mikið til að standa undir
rekstrinum.
Er það ekki skrítið, að hjá svona
menningarlega sinnaðri og auð-
ugri þjóð skuli það ekki vera vani
hjá vísitölufjölskyldunni að
skreppa út að borða einu sinni eða
tvisvar í viku?
Það þarf að brjóta vítahring, og
þá kannski að verðin lækki, veit-
ingahúsagestum fjölgi og Reykja-
vík eignist loksins litríka mat-
armenningu.
  
Einn bankanna tók sig til fyrirskemmstu og sendi höfð-
inglegan afsláttarmiða til bóka-
kaupa inn á hvert heimili. Bank-
arnir, blessaðir séu þeir, hafa verið
duglegir að styðja við listirnar.
Kannski þeir geti gert matarmenn-
ingunni sama greiða, leikið sama
leik og þeir gerðu með bóksöl-
unum, bara í þetta skiptið með
veitingastöðunum?
Matarmenningarleysið
’Er það ekki skrítið, aðhjá svona menningarlega
sinnaðri og auðugri þjóð
skuli það ekki vera vani
hjá vísitölufjölskyldunni
að skreppa út að borða
einu sinni eða tvisvar í
viku?‘
Morgunblaðið/Einar Falur
Matsali á götuhorni í Wuhan-borg: Mikið vantar í litróf íslenskrar matar-
menningar og það litla sem er á boðstólum frá framandi slóðum spannar
oft lítið og einhæft svið matargerðar hvers lands.
asgeiri@mbl.is
AF LISTUM
Ásgeir Ingvarsson
ÞAÐ ER mögulegt að einhver í
Reykjanesbæ eða þar um kring
hafi náð útsendingu á bandaríska
útvarpsþættinum A Prairie Home
Companion sem væntanlega hefur
verið sendur út til herstöðvarinnar
í hrauninu. Að öðru leyti hefur
þessi þáttur og höfundur hans,
Garrison Keillor, ekki náð eyrum
landsmanna hingað til. Annað
kvöld mun verða breyting á því en
þá mun Garrison Keillor og hans
teymi taka upp útvarpsþáttinn í
Þjóðleikhúsinu og verður honum
jafnframt útvarpað beint á Rás 2
klukkan 20.00.
Það eru eflaust margir hér á
landi sem þekkja til þáttarins A
Prairie Home Companion en hann
er einn vinsælasti skemmtiþáttur í
bandarísku útvarpi og fór fyrst í
loftið fyrir rúmum þrjátíu árum.
Kvikmynd Roberts Altman, A
Prairie Home Companion, sem
forsýnd var í gær í Háskólabíói,
byggist á þessum útvarpsþætti en
Garrison Keillor skrifar handritið
að myndinni og leikur þar auk
þess sjálfan sig. Þátturinn er
sendur út vikulega til u.þ.b. 4,5
milljóna hlustenda og hann er
ávallt sendur út í beinni á laugar-
dagskvöldum nema í örfáum til-
vikum og er þátturinn í Þjóðleik-
húsinu eitt af þeim. Ætlunin með
þessu verkefni er að kynna hlust-
endum í Bandaríkjunum fyrir Ís-
landi og menningu hér og munu
nokkrir íslenskir tónlistarmenn
koma þar fram, þar á meðal Diddú
og karlakórinn Fóstbræður. Auk
þeirra verður þarna sérstök hljóm-
sveit þáttarins og Garrison Keillor
mun einnig fá til sín nokkra gesti
til viðtals.
Diddú og Fóstbræður
syngja fyrir banda-
ríska hlustendur
Útvarpsmaðurinn Garrison Keillor.
HÓPUR listamanna stendur fyrir
spjalli og öðrum uppákomum í
Skaftfelli menningarmiðstöð í dag
kl. 15.
Listamennirnir eiga það sameig-
inlegt að hafa nýlokið tveggja ára
vinnustofudvöl hjá Rijksakademie í
Amsterdam og heimsóttu allir Ís-
land fyrir ári síðan. Rijksakademie
er heimsþekkt listastofnun sem er
orðin eins konar samkomustaður
ungra listamanna úr öllum heims-
hornum, þar sem þeir geta átt sam-
félag, unnið að tilraunum og sett upp
sýningar. Þau eiga framtíðina fyrir
sér og því sérlega áhugavert að
fylgjast með þessum hópi í framtíð-
inni.
Hópurinn er framlag Nýlista-
safnsins til Listahátíðar í Reykjavík
í ár og mun sýningarstjórinn Amaia
Pica kynna sýninguna fyrir Aust-
firðingum ásamt því sem listamenn-
irnir munu spjalla um list sína og
hugmyndafræði og sýna brot úr
verkum.
Listamennirnir eru Amalia Pica,
Geirþrúður Hjörvar, Tine Meltzer,
Mieke van de Voort, Ryan Parteka.
Í dag kl. 16 verður einnig opnuð sýn-
ingin Sýning fyrir allt á síðustu
stundu, þar sem gestum og gang-
andi gefst tækifæri á að koma með
sín eigin verk á sýninguna og bæta
þeim við. Einnig má senda verk til
Skaftfells á Austurveg 42, 710 Seyð-
isfirði.
Annað kvöld kl. 20 mun Andri
Snær Magnason rithöfundur síðan
fjalla um bók sína Draumalandið,
sjálfshjálparbók handa hræddri
þjóð.
Erindi og uppákomur
í Skaftfelli á Seyðisfirði
LISTAHÁSKÓLI Íslands, Listahá-
tíð í Reykjavík og Leiklistarsam-
band Íslands bjóða í dag og á
morgun upp á
„Norðurlanda-
hraðlestina“ –
sviðsetta leik-
lestra á Litla
sviði Borgarleik-
hússins.
Lesin verða
þau verk sem til-
nefnd voru til
Norrænu leiklist-
arverðlaunanna í ár og er lesturinn
í höndum leikara Borgarleikhússins
og útskriftarhóps leiklistardeildar
LHÍ.
Norrænu leiklistarverðlaunin
verða afhent 31. júlí næstkomandi
og er það finnska leikskáldið og rit-
höfundurinn Kari Hotakainen sem
hreppir verðlaunin í ár fyrir verk
sitt Punahukka sem á íslensku út-
leggst sem Rauðir úlfar. Hotakain-
en hlaut árið 2004 bókmenntaverð-
laun Norðurlandaráðs fyrir bók
sína Juoksuhaudantie sem kom út í
íslenskri þýðingu Steinunnar Guð-
mundsdóttur sem Skotgrafarvegur.
Leiklist | Verkin sem tilnefnd voru til
Norrænu leiklistarverðlaunanna
Norðurlandahraðlestin
Í dag, þriðjudag, verða flutt
verkin Svefn eftir Jon Fosse frá
Noregi í leikstjórn Guðjóns Peder-
sen og Kynlíf, eiturlyf og ofbeldi
eftir sænska skáldið Mathias And-
erson í leikstjórn Péturs Einars-
sonar.
Á miðvikudag verða flutt Aska
Gosa eftir Danann Jokum Rohde í
leikstjórn Steinunnar Knútsdóttur
og Rauðir Úlfar Hotakainens í leik-
stjorn Guðjóns Pedersen.
Aðgangur að lestrunum er
ókeypis og hefst dagskráin kl. 17
báða dagana.
Kari Hotakainen
VALSKÓRINN heldur sína árlegu
vortónleika í Háteigskirkju í dag,
16. maí. Efnisskrá kórsins er jafnan
fjölbreytt blanda af íslenskum og
erlendum lögum.
Stjórnandi er Bára Grímsdóttir
og undirleikari Jónas Þórir. Kaffi-
veitingar verða í safnaðarheimilinu
eftir tónleika. Allir velkomnir og
frír aðgangur.
Vortónleikar Valskórs-
ins í Háteigskirkju
♦♦♦