Samvinnan - 01.08.1985, Blaðsíða 24

SJÁVARÚTVEGUR SAMVINNUMANNA

Sambandsfrystihúsin
hafa unnið að því
að tryggja fulla
atvinnu í hinum
ýmsu útvegsbæjum.
hefur hvergi verið gengið of langt og
ennþá er mikið verk óunnið. Það þarf
að bæta tækni, bæta vinnuaðstöðu og
aðra aðstöðu starfsfólks, bæta hrá-
efnisgeymslur á nokkrum stöðum og
víðast hvar þarf að auka frystigeymsl-
ur og sums staðar þarf að bæta þær.
Sambandsfrystihúsin hafa unnið að
því að tryggja fulla atvinnu í hinum
ýmsu útvegsbæjum. Það hefur verið
gert með því að bæta hráefnisöflunina.
Ýmislegt hefur valdið því, ekki síst
utanaðkomandi aðstæður, að teflt hef-
ur verið á tæpasta vað og er ekki alls
staðar séð hvernig úr rætist.
# Lokaorð.
Ég veit að mörg ykkar komuð hingað
til þess að heyra mig segja frá sókn
samvinnuhreyfingarinnar í sjávarút-
vegsmálum. Ég veit að mörg ykkar
áttu von á að heyra mig segja frá
annars konar sókn en ég hef gert.
Sókn á hendur þeirra sem við erum í
samkeppni við. Sambandið hefur ekki
sótt á á þeim vettvangi. Ég hef hér
skýrt frá því að innan samvinnuhreyf-
ingarinnar fer fram stöðug og heil-
brigð þróun í sjávarútvegsmálum,
stöðug viðleitni til þess að verða við
óskum félagsmanna um atvinnuör-
yggi, en engin sókn á annarra hendur.
Samvinnuhreyfingin hyggur ekki á
neina sókn í sjávarútvegsmálum sem
verði á kostnað annarra. Samvinnu-
hreyfingin væntir þess að geta haldið
áfram sókn til bættra lífskjara, sókn til
bættra afurða og hærra afurðaverðs,
bættrar lífsafkomu þeirra sem starfa
við sjávarútveginn og bættrar afkomu
sjávarútvegsins í heild. Framundan er
löng og torsótt leið að þessum mark-
miðum. Og vissulega mættu fleiri taka
þátt í þeirri sókn í stað þess að vera
stöðugt kvartandi og kveinandi, kenn-
andi öðrum um allt sem erfiðleikum
veldur.
Atvinnuleysi á Vesturlöndum er nú
víðast yfir 10%. Sú staða getur einnig
hæglega komið upp hér á landi. Sjá-
varútvegurinn á við geysilega erfið-
leika að stríða. Verði sjávarútvegur-
inn fyrir verulegum áföllum breiðist
það óhjákvæmilega út um allt þjóðfé-
lagið með geigvænlegum afleiðingum.
Það er því hart að þurfa að búa við það
að þeir sem harðast berjast gegn því
og náð hafa bestum árangri skuli
verða fyrir stöðugu aðkasti. Við það
hefur samvinnuhreyfingin mátt búa
um hríð. ♦
24