Samvinnan - 01.08.1985, Blaðsíða 26

Eitt tré fyrir
hverja konu
Aaðalfundi Sambandsins á liðnu sumri, sem var hinn 83. í röðinni, var
staða kvenna innan samvinnuhreyfingarinnar aðalumræðuefnið.
Framsögumaður var Dagbjörg Höskuldsdóttir og í framhaldi af
erindi hennar skiptu fundarmenn sér niður í sex umræðuhópa. Fundurinn
samþykkti nokkrar tillögur um málið, þar sem samvinnufélaögin voru m.a.
hvött til að taka til gagngerrar athugunar hvert á sínu svæði, hvernig auka
mætti þátttöku kvenna í samvinnuhreyfingunni, starfsaldur heimavinnandi
kvenna skuli metinn til launahækkana og í samvinnuhreyfingunni skuli gilda
reglan „sömu laun fyrir sömu vinnu“. í lok fundarins gerðust þau tíðindi að
kona var í fyrsta sinn kjörin í stjórn Sambandsins, Valgerður Sverrisdóttir,
og tvær í varastjórnina, Dagbjört Höskuldsdóttir og Helga Valborg
Pétursdóttir. A
Um kaffileytið síðari daginn
gengu fundarmenn út fyrir
byggingarnar að Bifröst, og
þar gróðursetti hver kona í
hópi aðalfundarfulltrúa sitt
tré. Þetta var gert í tilefni af
því, að 70 ár eru liðin frá því
að konur fengu kosningarétt
til alþingis á fslandi og að
kvennaáratugi er senn lokið.
26