Vikan - 02.12.1965, Blaðsíða 57
inni, en hvorir tveggja hefðu gott
af að virða Ölver fyrir sér. Hann
er meistaraverk og þó byggður
eftir auga þessa Hornstrendings,
því að það fór lítið fyrir teikni-
brettinu hjá Fai.
Upp úr 1910 er það fyrst að
einn maður tekur algera foryztu
í atvinnumálum Bolvíkinga, en
það var Pétur Oddsson. Hann
kom til Bolungavíkur svo bláfá-
tækur að fjölskyldu hans lá við
horfelli, en á örfáum árum efld-
ist hann svo, að hann varð lang-
stærsti atvinnurekandinn í þorp-
inu. Eignaðist flestar ióðir sem
iágu að sjó og átti einn eða
minnsta kosti hlut í flestum bát-
anna, og einnig langstærsti fisk-
kaupandinn og kaupmaðurinn.
Hann réði einnig miklu í félags-
málum og hreppsmálum, en þó
var þarna of þróttmikið fólk á
þeim tíma til þess að hann næði
því að verða allsráðandi í þeim
efnum.
Pétur var mikill mæðumaður
í einkalífi sínu, og reyndar í at-
hafnalífinu líka því að hann and-
aðist öreigi og kom þar til síð-
ust ár hans gengishækkun, verð-
fall á fiski, hækkandi útgerðar-
kostnaður og minnkandi afli.
Samhliða Pétri eru þarna alla
tíð hans, hinir og aðrir við höndl-
an og útgerð einstakra báta.
Bjarni Eiríksson hóf rekstur í
Víkinni 1919 og tók við eignum
Sameinuðu verzlananna. Bjarni
lét sér hægt og sá alltaf fótum
sínum forráð, en þó hafði hann
mikinn rekstur um tíma, bæði
útgerð, fiskkaup og verzlun.
Honum féll ekki starfinn, því
að maðurinn var hneigður til
bókarinnar og mitt í öllu út-
gerðarvafstrinu gaf hann sér
tíma til að afgreiða bækur á
bókasafni þorpsins, og lá þá vel
á honum, nema beðið væri um
Kapitólu eða Myrtur íhjólbörum,
þá brást hann illa við, því að
hann hélt mjög fram íslendinga-
sögunum. Það var alla tíð fram-
andi menningarblær í þessu
fiskiþorpi að Bjarna Eiríkssyni
og er hann mörgum minnisstæð-
ur.
Árið 1924 kemur sá maður til
sögunnar í Bolungavík, sem Bol-
víkingar syngja um eins og
Hjálpræðisherinn frelsara sinn.
Ei þvílíkan vínvið ég þekki,
sem þú herra Jesús ert mér, um
eilífð ég sleppi þér ekki, ég al-
veg er samgróinn þér.
Um hartnær þrjá áratugi hefur
Bolungavík og Einar Guðfinns-
son verið eitt og hið sama. Hann
á þarna allt á láði og legi og í
lofti og er sagt að hið fræga R,
sem skauzt inn í nafn þorpsins
á fimmta tug þessarar aldar eigi
að standa fyrir Rex til að minna
á að Bolungavík sé konungdæmi.
Átta árum eða svo eftir komu
sína til Bolungavíkur, en þang-
að kom Einar fátækur fjölskyldu-
maður eins og Pétur, settist hann
í eignir Péturs og flutti í hús
hans, Pétursborg nokkru síðar.
Og skipti nú mjög í tvö horn
um hamingju þessa húss og
þeirra tveggja höfðingja sem þar
hafa búið. Pétur Oddsson mátti
bera út úr húsi sínu í líkkistum,
börn sín öll og tengdafólk og
annað vandafólk, alls 21 lík og
deyja síðan einn í stóru húsinu
og fyrirtæki hans á gjaldþrots-
barmi. í þeim sömu stofum og
Pétur reikaði um einmana, sit-
ur nú Einar Guðfinnsson í elli
sinni og höfðingdómi umkringd-
ur vinum og vandamönnum og
fyrirtæki hans öll í blóma.
Það er langt of snemmt að
rekja sögu af Einari Guðfinns-
syni. Hann er ekkert á leið að
berja nestið, enda ekki sjötugur
enn, en þegar hann leggur upp
laupana mega Bolvíkingar út
með steypuna og líkast til væri
bezt að setja hann niður ofan til
í Ófærunni, svo að hann gæti
horft við hinum landnámsmann-
inum, Þuríði sundafylli.
Það er skemmst af Bolvíking-
um og Einari að segja, að síðan
í byrjun seinna stríðs hafa vax-
ið þar tvö höfuð á hverri skepnu.
Þeir hafa nú bannað hundahald
og eru famir að spila á pianó og
þeir sem áður svolgruðu brenni-
vín af stút, dreypa nú settlega á
koniaki úr krystalsskálum, og
þar sem fyrir hálfum mannsaldri
húktu óhrjálegar verbúðir eru
nú húsakynni slík, að Reykvík-
ingar roðna af skömm yfir kof-
um sínum, og þar sem áður stóð
hjallurinn með ýsuböndunum
stendur nú Mercedes Benz af nýj-
ustu árgerð. Þar sem áður var
bókasafnið þar er nú ekkert.
★
Vestfirzkir hestamenn
Framhald af bls. 35.
skiptalaust og heldur áfram
að bíta melgrasið á balanum
eins og henni komi málið ekki
við.
Jósafat stendur enn á fæt-
ur og er nú orðinn þungur á
svipinn. Hann horfir hugsandi
á Skjánu sína, og segir af
miklum þunga; en þó er geysi-
legt stolt í orðunum: — Mik-
ill fjörhestur ertu Skjóna mín.
Aðstoðarhundahreins-
unarstjórinn
Framhald af bls. 34.
Á grindarþverslá hafði Guð-
mundur raðað firnum af með-
alaglösum með skrautlegum
miðum og af ýmsum stærðum
og gerðum, og var hunda-
hreinsunarlyfið í einu þeirra
en vatn og eitthvert sull á
Valhúsgögn auglýsir
Mjög vandað stílhreint sófasett. Fæst með
þriggja og fjögra sæta sófa.
Svefnsófasett, einsmanns svefnsófi, ásamt
stólum, unnið úr bezta fáanlegu efni.
Tveggja manna svefnsófi, sérstaklega traust-
ur, en þó nettur. Hliðstæðir stólar fáanlegir.
Stækanlegur einsmanns svefnsófi. Allur frá-
gangur framúrskarandi.
Við bjóðum yður aðeins fyrsta flokks húsgögn.
Lítið inn til okkar áður en þér festið kaup
annarsstaðar. Kaupið húsgögn sem endast.
Valhúsgögn
Skólavörðustíg 23. - Síml 23375.
VIKAN 48. tbl. 57