Vikan - 18.07.1985, Síða 5

5 Byggt & búið Byggt & búið Byggt & búið Byggt & búið
Sá sem undirbýr garðveislu á Islandi er eins og þátttakandi í rúss-
neskri rúllettu. Það er aldrei að vita upp á hverju veðurguðimir taka og
ef þeir eru ekki hliðhollir er maður dauðadæmdur. Sá sem fer að sofa í
blíðskaparveðri kvöldið fyrir veisludaginn getur vaknað upp morguninn
eftir í grenjandi rigningu. Þetta getur líka farið á hinn veginn eins og
raunin hefur orðið í þetta sinn.
Á þessa leið mælti Ármann Reynisson, framkvæmdastjóri Ávöxtunar
sf., þegar hann bauð gesti sína velkomna til garðveislu þann 15. júní
síöastliðinn.
Annaðhvort var Ármann svona stálheppinn með veður eða hann er í
einhverju sérstöku sambandi við æðri máttarvöld eins og einn veislu-
gestanna vildi meina. Að minnsta kosti var veðrið í Reykjavík eins og
best verður á kosið þetta kvöld, blankalogn og sólskin. Það var sem sagt
engum vorkunn að vera undir beru lofti enda var ekki í kot vísað.
Garðurinn hjá Armanni er sérlega hlýlegur og skemmtilega hannaður.
Stóru útigrilli hefur verið komið fyrir á hentugum stað og Gissur Isleifs-
son á Lækjarbrekku sá um að enginn færi svangur frá borði. Létt tónh'st
var leikin „undir borðum”. Þaö var enginn annar en Reynir Jónasson
sem lék á dragspilið á sinn undurblíða hátt og þaö spillti ekki matar-
lystinni.
Þegar allir höfðu snætt nægju sína var að sjálfsögðu tekið lagið af lífi
og sál og Reynir þandi dragspiliö. Kvöldsólin skein glatt ennþá en það
var orðið örlítið svalara í veðri. Menn létu það samt ekkert á sig fá —
Islendingar hafa alltaf getað sungið sér til hita.
Menn ættu að gera þetta miklu oftar, sagði einn gestanna. Og þetta er
líka hægt að gera miklu oftar, bætti hann við. Það er bara svo oft að
menn skella skuldinni á veðrið og láta það halda aftur af sér við að gera
eitthvað sniðugt. Þetta er kannski heila málið, hugsaði blaðamaðurinn á
leiðinni heim. Við skellum alltaf skuldinni á veðrið. Að vísu var veðrið í
Reykjavík þetta kvöld hafið yfir allan vafa. En hvemig væri að allir
Islendingar sameinuðust um eitt og segðu: Veðrið er eiginlega aldrei
vont — bara mismunandi gott.
Þá yrðu haldnar fleiri skemmtilegar garðveislur á Islandi.
Texti: Bjarki B.
Myndir: Ragnar Th.
raun og veru ekki horn heldur
skemmtilega hannaður bogi.
6
Raddböndin þanin eftir matinn og
Reynir undirleikari leiðir sönginn.
7
Klappað i takt. Guðlaug Jónsdóttir
og Ásgeir Ebenezersson í
Vörumarkaðnum. Lengst til hœgri
er Reynir Vilhjálmsson.
29. tbl. Vikan 5