Menntamál - 01.10.1946, Qupperneq 7
MENNTAMÁL
109
frá störfum við barnaheimilin, til dæmis ef þær
gifta sig?“
„Og ég geri alveg ráð fyrir því,“ segir ungfrú Val-
borg og brosir hýrlega. „Reynslan í Bandaríkjunum bendir
að minnsta kosti eindregið í þá átt. Þar giftast tiltölu-
lega miklu fleiri stúlkur úr þessum hópi en nokkrum öðr-
um, sem starfar að uppeldismálum eða kennslu. En það
væri svo sem enginn skaði skeður, þótt svipað kæmi fyrir
hér á landi. Takmark okkar, sem að þessum skóla standa,
er að stuðla að því af fremsta megni, að upp megi rísa
sívaxandi hópur vel menntaðra kvenna, sem leyst geti
af hendi með prýði þau vandasömu störf, sem barnaupp-
eldið krefst, hvort sem þær inna þau af hendi sem starfs-
stúlkur á barnaheimilum eða sem mæður á einkaheimilum.
Hvort tveggja starfið er næsta mikilsvert fyrir framtíð
þjóðarinnar.“
Valborg Sigurðardóttir, skólastjóri hins nýja skóla, er
fædd að Ráðagerði á Seltjarnarnesi 1. febrúar 1922. For-
eldrar hennar voru frú Ásdís Þorgrímsdóttir og hinn góð-
kunni og áhugasami skólamaður, Sigurður Þórólfsson, er
stofnaði Hvítárbakkaskólann 1905. Valborg lauk stúdents-
prófi í Reykjavík 1941. Vorið eftir lauk hún prófi í for-
spjallsvísindum hér við háskólann og fór þá um haustið
(1942) til Bandaríkjanna til frekara náms. Hún las upp-
eldis- og sálarfræði, fyrst við Minnesota-háskólann, en
síðar við Smith College í Northampton í Massachusetts.
Þar tók hún meistarapróf í þessum fræðum síðastliðið
vor. Nú er hún komin heim aftur og tekin við forstöðu
hins nýja skóla, sem frá er sagt hér að framan. Mennta-
mál óska henni og skóla hennar allra heilla.