Menntamál - 01.10.1946, Blaðsíða 20

122
MENNTAMÁL
„Skotar telja sig þá eina af hinum norrænu þjóðum?“
„Það gera þeir, þótt þeir séu vitanlega ekki ein af Norð-
urlandaþjóðunum eða skandínavísku þjóðunum, sem svo
eru kallaðar. En þeir vilja gjarnan auka sem mest tengsl-
in milli sín og Norðurlandamanna, því að þeir telja sig
eiga margt sameiginlegt með þeim í háttum og menningu.“
„Já, mér hefur alltaf fundizt skozkum ættasögum svipa
um margt til fornsagna okkar, t. d. um mannlýsingar,
langvinnar ættadeilur og þóttalega viðkvæmni, ef mönn-
um þótti virðingu sinni í nokkru misboðið. — En var
þessi ráðstefna fjölmenn?"
„Það komu 7 fulltrúar frá hverju af fjórum Norður-
landanna, en einn frá Islandi. Úr Skotlandi var 21 full-
trúi. Auk þess voru nokkrir áheyrnarfulltrúar, þar á með-
al tveir frá Englandi, og margt áheyrenda. Allir helztu
menn fræðslumálanna í Skotlandi voru þarna, ýmist sem
fulltrúar eða þeir fluttu erindi.“
„Þingið hefur verið haldið í virðulegum húsakynnum?“
„Það var haldið í háskólanum í Aberdeen, King’s
College, en sá háskóli er einhver allra elzti háskólinn í
Bretlandi.“
„Og var einhver sérstakur virðingamaður í forsæti?“
„Forseti skozku kennarasamtakanna stýrði fyrsta og
síðasta fundinum. En annars var sú skipun á höfð, að
fulltrúarnir skiptust á um að vera forsetar eftir löndum.“
„íslenzki fultrúinn hefur þá verið forseti eins og aðrir?“
„Já, einn daginn.“
„Og hvaða mál voru einkum tekin til meðferðar?“
„Viðfangsefni ráðstefnunnar var að bera saman
fræðslukerfi þeirra þjóða, sem þátt tóku í henni, og enn
fremur kennsluaðferðir og ýmislegt fleira í skólamálum
þeirra. Var málunum skipt í sex liði: yfirlit yfir skóla-
kerfi, barnaskólanám, gagnfræða- og menntaskólanám,
iðnnám og tækninám, námsflokkar og sjálfsfræðsla og
menntun kennara.“