Menntamál - 01.10.1946, Page 17

MENNTAMÁL
119
Guðmundur frá Mosdal sextugur
Guðmundur Jónsson frá
Mosdal, myndskeri og
kennari á ísafirði, er
fæddur í Villingadal á
Ingjaldssandi við Önund-
arfjörð 24. sept. 1886.
Faðir hans fórst í snjó-
flóði veturinn áður en
Guðmundur fæddist, og
ólst hann upp í Mosdal í
Önundarfirði. Guðmundur
var snemma hneigður til
smíða og þó einkum
þeirra, er nettleik þurfti
við og handlagni. Hann
lærði skurðlist hjá Stefáni
Eiríkssyni og tók próf hjá honum í þeirri grein 1916.
Síðan fór hann til ísafjarðar, kenndi þar tréskurð og hélt
jafnframt námskeið í þeirri grein víða á Vestfjörðum.
Á árunum 1919—1921 var hann erlendis, í Danmörku,
Noregi og Svíþjóð, og lagði stund á tréskurð, bókband
og fleira. Hann byrjaði að kenna handiðju við barna-
skólann og unglingaskólann á ísafirði 1923, og varð fast-
ur kennari við barnaskólann 1929 og er það enn. Jafn-
framt kenndi hann fjölda manns tréskurð utan skólanna.
Guðmundur er hvort tveggja: kunnáttumaður um allt,
er að útskurði lýtur, og hinn mesti hagleiksmaður, hvar
sem höndum verður við komið. Eftir hann liggur því
mörg listasmíð, kjörgripir, sem þótt hafa gersemar til
gjafa.