Menntamál - 01.10.1946, Qupperneq 22

124
MENNTAMÁL
„Það vakti fögnuð áheyrenda, þegar ég skýrði frá því,
að núgildandi lög gerðu ráð fyrir, að kennarar hér á landi
fengju árlangt leyfi frá störfum með fullum launum
eftir 10 ára kennslu til þess að afla sér nýrrar menntunar
í starfi sínu. Bar fulltrúum saman um, að slíkt myndi
koma kennslustarfi mjög til góða. Einnig vakti það mikla
athygli, að sundnámsskylda skyldi vera í lögum hér á landi,
enda mun Island vera eina landið í Evrópu, þar sem sund-
skylda hefur verið leidd í lög.“
„Menn hafa yfirleitt verið ánægðir með ráðstefnuna
og árangur hennar?“
„Já, og verða það þó sennilega betur, þegar störfum
hennar er að fullu lokið. En það er til marks um álit
manna á ráðstefnunni og þýðingu hennar, að fyrirliði
sænsku fulltrúanna, prófessor During frá Gautaborg, sagði
í lok hennar, að samkvæmt orðum stjórnarvalda háskóla
síns og sænska ríkisins væru mjög sterkar líkur til, að
sams konar ráðstefna norænna skólamanna yrði haldin
í Svíþjóð að tveim árum liðnum. Tóku fundarmenn þeim
boðskap með fögnuði og létu ýmsir þeirra í ljós vonir um,
að síðar yrði slíkt mót haldið í þeirra landi.“
„Þú sagðir, að störfum ráðstefnunnar væri ekki að
fullu lokið. Hvað áttu við með því?“
„Svo er mál með vexti, að nefnd fulltrúa á ráðstefn-
unni tók saman nokkrar spurningar um hvert mál fyrir
sig. Skrifstofa British Council hefur svo unnið úr þess-
um spurningum heilt fyrirspurnakerfi um skólamálin, og
hafa fyrirspurnirnar verið sendar fulltrúum sérhvers
lands. Er svo til ætlazt, að þeim verði svarað sem skýr-
ast og rækilegast og svörin send til deildar B. C. í Aber-
deen. Þar verður svo úr þessum svörum unnin eins konar
skýrsla um fyrirkomulag og ástand skólamála í þeim sex
löndum, er þátt tóku í ráðstefnunni, og verður skýrslan
síðan send fræðslumálastjórnum allra landanna. Verður