Menntamál - 01.10.1946, Síða 27

MENNTAMÁL
129
að leysa úr á prófinu. Þess vegna má búast við því, að
það hafi viðsjárverðar afleiðingar, ef verkefni til lands-
prófs í einhverri grein eru þannig samin, að mest reyni
á kunnáttu nemendans um ómerkilega eða einskis verða
hluti, en forðast sé sem rækilegast að spyrja um nokkurt
aðalatriði eða reyna á skilning nemandans. Ekki á þetta
sízt við um þær námsgreinar, þar sem námsbækurnar
eru svo umfangsmiklar, að engin leið er að komast yfir
þær allar, eigi að gera hverju einu sæmileg skil, svo að
kennurum er einn kostur nauðugur að hlaupa yfir sumt,
en fara lauslega yfir annað. Þannig er t. d. ástatt með sög-
una. Einmitt í slíkri námsgrein er það hvað hættulegast, að
landsprófsverkefni séu um of miðuð við lítilf jörleg auka-
atriði, en gengið sé fram hjá aðalatriðum. Og verkefnin,
sem lögð voru fyrir í sögu við landsprófið s. 1. vor, sýna
það ótvírætt, að sú hætta er fyrir hendi og að þeim mönn-
um, sem verkefnin sömdu, hefur ekki með öllu tekizt að
sneiða hjá henni. Þess vegna er á þetta minnzt hér, svo
að betur megi til takast næsta sinni.
Ólafur Þ. Kristjánsson.
Melaskólinn
nýi í Réykjavík hefur nýlega tekið til starfa, þótt enn sé ekki búið
að gera allt húsnæði hans kennsluhæft. Rúm 800 börn sækja skólann
í vetur, en gert er ráð fyrir, að barnafjöldinn í skólanum verði um
1200, þegar hann er fullgerður, og verður það vonandi fyrir næsta
vetur. — Mynd af Melaskólanum og smágrcin um hann var í Mennta-
málum 1944, bls. 94.
Fréttir
af félagsmálum kennara og skólastarfseminni er Menntamálum
nauðsynlegt að fá sem oftast og sem víðast að. Eru kennarar, skóla-
nefndarmenn og aðrir lesendur blaðsins beðnir að hjálpa til í því
efni eftir mætti.