Æskan - 01.11.1971, Page 78
JÓLAUNDIRBÚNINGURINN
er nú í fullum gangi og allir vilja gera sitt bezta til að jólin verði
sem ánægjulegust. Ef allir eiga að geta notið jólanna, þarf að
dreifa heimilisstörfunum á fjölskylduna, eftir því sem unnt er.
Það er óréttlátt, að húsmóðirin ein vinni öll heimilisverkin
yfir hátíðina og geti hvorki notið andlegs né líkamlegs fóðurs,
meðan aðrir á heimilinu eiga frí og bíða eftir að fá allt rétt
upp í hendurnar. Reyndar er nokkuð stór hópur fólks, sem þarf
að vinna um jól, s. s. fólk, sem vinnur að búskap og við ýmiss
konar þjónustu. I>ar eð börn eru í leyfi frá skólum, eiga þau að
hjálpa til, t. d. við matargerð.
Tveir menntaskólapiltar í Reykjavík óska eftir auðveldum
mataruppskriftum, en þó eitthvað ólíkum þvi, sem venjulegt er.
Þessir piltar segjast tvö undanfarin jól hafa gefið móður sinni
frí frá matreiðslunni einn dag í jólaleyfinu og stjórnað sjálfir í
eldhúsinu. Þetta ættu fleiri að gera.
Ensk ostakaka
250 g hveiti
125 g smjörliki
100 g s.vkur
1 egg
1 tsk. lyftiduft
2 tsk. borðedik
Fylling:
100 g rifinn ostur 45%
1- 2 egg
% msk. sitrónusafi
% tsk. kanill
2 tsk. sykur
2- 3 msk. rúsinur
Ensk ostakaka.
1. Búið til venjulegt hnoðað deig og
geymið í isskáp i 1—2 klst.
2. Rífið ostinn á grófu rifjárni og blandið
saman eggjuin, sitrónusafa, kanil, sykri
og rúsinum.
3. Breiðið deigið þykkt út, smyrjið mót,
stráið brauðmylsnu i það og klæðið
mótið með deiginu.
4. Smyrjið ostasósunni jafnt í mótið, eins
og sést á myndinni.
5. Bakið i 40 mín. við 225° hita.
Súkkulaðiterta
180 g smjör
50 g sykur
40 g súkkulaði
250 g liveiti
1. Bræðið súkkulaðið yfir gufu.
2. Blandið sykri og liveiti saman og
myljið smjörlikið saman við.
3. Vætið i með súkkulaðibráðinni og
linoðið deigið jafnt.
4. Geymið deigið á köldum stað i 1—2
klst.
5. Skiptið deiginu i þrjá hluta. Breiðið
hvern hluta út fyrir sig.
6. Hafið smjörpappír undir og ofan á
deiginu, svo að það festist ekki við
borð eða kefli.
Súkkulaðiterta
7. Fjarlægið efra hréfið, mótið köku með
diski og bakið kökurnar á neðra hréf-
inu.
8. Bakið i 12—15 min. við 200—225°C.
Kælið botninn og fjarlægið pappirinn.
9. Búið til krem. Sjóðið saman 2V4 dl
mjólk, 50 g sykur og 60 g súkkulaðl.
Hrærið 2 eggjarauður með 1 msk. af
kartöflumjöli og bætið því út í
súkkulaðimjólkina. Þeytið stöðugt á
meðan kremið liitnar og suðan kemur
upp.
10. Kælið kremið og látið það á milli
tertubotnanna.
11. Sykurbráð: Sjóðið 60 g súkkulaði, 100
g af sykri, 1 msk. af smjöri og 1 dl
af vatni í 1—2 min. Hellið bráðinni
yfir tertuna og skreytið eftir eigin
vild með afhýddum möndlum eða með
marsipan.
Eplakaka
800 g epli
150 g brauðmylsna
50 g sykur
3 dl rjómi
1 tsk. vanillusykur
3 msk. rifsberjahlaup
eða jarðarberjahlaup
1. Afhýðið og sjóðið eplin í örlitlu vatni.
2. Blandið brauðmylsnu og sykri saman.
3. Látið brauðmylsnu og mauk i lögum
í skál á meðan maukið er heitt.
4. Kælið maukið. Þeytið rjómann og
blandið vaniilu i hann.
5. Sprautið rjómanum yfir skálina og
setjið rifsberjahlaup í toppum á rjóm-
ann.
Kökuna má cinnig bera frarn á
tertufati. Eplakaka er ýmist höfð með
kaffi á jólahorðið eða höfð sem ábæt-
isréttur.
76