Ægir - 01.11.2000, Side 19
22. þing SSÍ
Sjómenn búast til
verkfallsaðgerða
„Þing Sjómannasambands íslands bar þess öll merki að
sjómenn sjá fram á að þurfa að grípa enn einu sinni til
aðgerða til að knýja útgerðarmenn til raunverulegra
viðræðna um nýjan kjarasamning. Það eru fjöldamörg
mál sem við þurfum að ná samningum um en fyrsta og
stærsta málið virðist þessa stundina að fá útvegsmenn
að borðinu með þann vilja og skilning að gera þurfi
nýjan kjarasamning við sjómenn," segir Sævar
Gunnarsson, formaður Sjómannasambands íslands en
22. þing sambandsins var haldið fyrir skömmu.
Ljóst er að sjómenn eru þegar byrjaðir
undirbúningsvinnu vegna verkfallsað-
gerða en fyrsta skref þeirra aðgerða er að
ákveða dagsetningu sem verkfall hæfist
og því næst þarf að efna til atkvæða-
greiðslna í aðildarfélögum SSI. Þetta ferli
er lögum samkvæmt en dagsetning upp-
hafs verkfalls hafði ekki verið ákveðin
þegar blaðið fór í vinnslu.
„Það er mikill misskilningur að halda
að ágreiningur milli sjómanna og
útvegsmanna standi einvörðungu um
verðmyndun á sjávarfangi og kvótabrask.
Umræðan stendur um miklu fleiri atriði,
s.s. um lífeyrismálin. Við höfum hins
vegar frá því í febrúar í vetur boðist til að
aðgreina verðmyndunarmálin frá og gera
samning til skamms tíma á sömu nótum
og aðrir í þjóðfélaginu. Á þetta hefur ekki
verið hlustað af hálfu útgerðarmanna og
menn vilja ekki gera samninga við
sjómenn undir öðrum kringumstæðum
en átökum," segir Sævar Gunnarsson.
Þeirri spurningu hvort til greina komi
breytingar á hlutaskiptakerfinu svarar
Sævar á þann hátt að menn beggja vegna
borðsins, sem best þekki til vinnslu
launakerfa, telji uppstokkun hlutaskipta-
kerfisins eða smíði nýs kerfis taka að
lágmarki eitt eða eitt og hálft ár. Ollum
megi vera ljóst að uppstokkað launakerfi
sjómanna verði ekki hrist fram úr erminni
á nokkrum vikum.
„Eg vil ekki gefa mér í upphafi við-
ræðna hversu langan kjarasamning á að
gera. Slíkt mótast alltaf í samningsferlinu
sjálfu en það liggur fyrir að við höfum
verið tilbúnir til skammtímasamnings-
gerðar ef það yrði hjálplegt til að nálgast
stærri málin," segir Sævar.
Lagasetning hefur oftar en ekki á
undanförnum árum orðið endipunktur
verkfallsaðgerða hjá sjómönnum og slíkt
segir Sævar ekki leysa neinn vanda.
„Meðan ekkert breytist og ítrekað er
keyrt inn í verkföll og lagasetningar þá
eykst bara vandinn. Það er ekki tilviljun
að við höfum haldið að okkur höndum
um nokkurra mánaða skeið hvað
verkfallsaðgerðir varðar. Tímasetning
aðgerða verður að vera þannig að komist
verði í lengstu lög hjá lagasetningu og að
aðilar klári sína samninga á eðlilegum
grundvelli. Til þess þarf þá að vera vilji
beggja megin borðsins og eftir honum
kalla sjómenn þessa stundina frá
viðsemjendum," segir Sævar.
Hann segir samstöðu ríkja í þessum
efnum hjá samningsaðilum sjómanna-
megin, að minnsta kosti hafi forsvars-
menn Sjómannasambands Islands og Vél-
stjórafélags íslands verið samstíga á
undanförnum vikum og væntanlega
muni Farmanna- og fiskimannasamband-
ið einnig koma að borðinu. „Sú gagnrýni
hefur verið borin á borð að ekki sé hægt
að ná samningum við sjómenn þar sem
við getum ekki komið að borðinu sem
einn aðili en það vita útgerðarmenn jafn
vel og við að sameiginleg samningsmál
allra þessara aðila eru afar fá. Mörg
samningsatriði eru gjörólík milli
félaganna en ég tel ólíklegt annað en við
munum fylgjast að í aðgerðum," segir
Sævar Gunnarsson, formaður Sjómanna-
sambands íslands.
Sævar Gunnarsson, formaður
Sjómannasambands íslands.