Ægir - 01.11.2000, Blaðsíða 22
AÐALFUNDUR LÍÚ
Þörf fyrir auknar
sjávarrannsóknir
- sagði sjávarútvegsráðherra á aðalfundi LÍÚ
Árni Mathiesen, sjávarútvegsráðherra, hefur í skoðun að
breyta fiskveiðiárinu þannig að það falli að almanaksár-
inu. Þetta kom meðal annars fram í máli ráðherrans á
aðalfundi LÍÚ á dögunum og þar kvaðst hann á næstu
vikum ætla að leita álits þeirra sem hagsmuna eiga að
gæta vegna ákvörðunar í þessa átt, ef tekin verður.
„Sú gagnrýni heyrist oft að fiskifræðingar
okkar sjái ekki breytingar á lífríkinu í
hafinu fyrr en einu eða tveimur árum eft-
ir að þær verða. Eru þá nefndar bæði
breytingar til hins verra og til batnaðar.
Bent hefur verið á að upplýsingar frá til-
tekinni vertíð nýtist ekki fyrr en við
ákvörðun á afla á þarnæstu vertíð. Ég hef
verið að velta fyrir mér hvort tíminn, frá
því upplýsinga er aflað þar til þær koma
fram í ráðgjöf, myndi ekki styttast ef
fiskveiðiárinu yrði breytt þannig að það
falli að almanaksárinu," sagði ráðherrann.
Hann benti á að þegar núverandi fisk-
veiðiár var tekið upp hafi rökin m.a. ver-
ið þau að það stuðlaði að því að hráefnis
til landvinnslu yrði ekki aflað á sumrin,
þegar ekki þótti hagkvæmt að mikill afli
Futltrúar á aðalfundi LÍÚ. Sjávarútvegsráðherra
sagði m.a. í ávarpi á þinginu að endurskoða
þurfi, styrkja og skitgreina betur starf
rannsóknastofnan sjávarútvegsins.
bærist á land, þar sem gæði fisksins gætu
verið lakari og mikið af óvönu sumar-
afleysingafólki að störfum. Þetta segir
hann hafa gengið eftir og breytist varla til
fýrra horfs.
f ræðu sinni vék Árni M. Mathiesen að
skýrslu Hafrannsóknastofnunar frá því sl.
vor um ástand fiskistofna við landið, en á
grundvelli hennar tók ráðherrann ákvörð-
un sína um hámarksafla líðandi fiskveiði-
árs. Uthlutunarreglunni var sem kunn-
ugt er breytt með það að markmiði að
sveiflur verði minni.
„Ég felldi niður gólfið svokallaða og
takmarkaði breytingar á aflahámarki í
þorski milli fiskveiðiára þannig að afli
milli ára breytist ekki meira en sem nem-
ur 30 þúsund lestum. Gildir sú regla
bæði til hækkunar og lækkunar. Þetta var
ekki auðveld ákvörðun. En það styrkti
mig að ég gat horft til upphaflegrar til-
lögu aflareglunefndar frá því fyrir fimm
árum. Þá var lögð til jafnvel meiri
sveiflujöfnun en aflareglan sem var sam-
þykkt í vor, felur í sér.“
Þörf á sjávar-
rannsóknum eykst
„Ég sé fyrir mér í framtíðinni aukna þörf
fyrir enn öflugri sjávarrannsóknir. Til
þess að svo megi verða tel ég að það þurfi
að endurskoða, styrkja og skilgreina bet-
ur starfið sem unnið er í rannsóknastofn-
unum sjávarútvegsins og hef ég beðið
stjórnir Hafrannsóknastofnunarinnar og
Rannsóknastofnunar fiskiðnaðarins um
tillögur að breytingum á lögum um starf-
semi þeirra," sagði Árni M. Mathiesen.
Og hann hélt áfram í ræðu sinni. „I ný-
legum sjónvarpsþætti var látið að því
Árni M. Mathiesen, sjávarútvegsráðherra.
liggja að mikilvæg starfsemi Hafrann-
sóknastofnunarinnar færi fram í fíla-
beinsturni og að þar þyrðu menn ekki að
segja skoðun sína á verndun auðlindar-
innar í hafinu af ótta við að missa vinn-
una. Ráðgjöf Hafrannsóknastofnunarinn-
ar er langt ferli og í hópunum sem að
henni vinnur er stöðugt skipst á skoðun-
um. Niðurstaða stofnunarinnar getur
hins vegar einungis verið ein ráðgjöf.
Telji menn þurfa sérstakt mótvægi f um-
ræðuna er eðlilegt að það komi frá hags-
munaaðilum í greininni og háskólasamfé-
laginu."
Ekki efni til að breyta afla-
heimildum ufsa að svo stöddu
I ræðu sinni vék sjávarútvegsráðherra að
þeirri staðreynd að ufsagengd hér við
land er á þessu ári meiri en verið hefur
undanfarin ár. Samkvæmt síðustu úttekt
Hafrannsóknastofnunarinnar sé stofninn í
lægð og nýliðun teljist hafa verið léleg á
undanförnum árum. Bæði veiði- og
hrygningarstofn hafi verið í sögulegu lág-
marki allt frá 1996. Lagt var til um síð-
ustu fiskveiðiáramót að aflinn yrði 25
þúsund tonn en hann hafði verið 30 þús-
und næstu tvö ár á undan. „Ég ákvað í vor
að heildaraflinn á þessu fiskveiðiári skyldi
vera 30 þúsund tonn en gert var ráð fyrir
því að þá myndi stofninn heldur stækka.
Undanfarnar vikur og mánuði heyri ég
víða að góð ufsagengd sé viðvarandi og að
sá ufsi sem veiðist sé öðruvísi en sá sem
venjulega veiðist, sem bendir til að ufsi
annars staðar að gangi inn á miðin. I ljósi
þeirra frétta hafa menn eðlilega spurt,
hvort ekki séu efni til að breyta ákvörðun
um aflamark í ufsa. Ég tel að sterk vís-
indaleg rök þurfi að vera fyrir því að
breyta aflamarki á miðju fiskveiðiári. í
framhaldi af nýjustu upplýsingum hef ég
því ákveðið að óska formlega eftir nýrri
ráðgjöf fiskifræðinga um ufsastofninn.
Það tekur hins vegar tíma og möguleg
breyting verður ekki gerð fýrr en vísinda-
leg ráðgjöf liggur fyrir,“ sagði sjávarút-
vegsráðherra.