Ægir - 01.11.2000, Blaðsíða 30
VÉLBÚNAÐUR SKIPA
Bætt viðhald og eftirlit
getur dregið úr útblástursmengun
- segir Hjalti Sigfússon hjá MD-vélum
Hjalti Sigfússon, framkvæmdastjóri
MD-véla, umboðs- og þjónustuaðila
Mitsubishi skipavéla hér á landi, telur
umræðuna um minna mengandi útblást-
ur frá skipum um of snúast um útskipti á
gömlum vélum í stað nýrra. Vert sé að
gefa því gaum að bætt viðhald og eftirlit
með eldri vélum skili ekki síður árangri
varðandi útblástursþáttinn og því megi
heldur ekki gleyma að nýjar vélar þurfi
líka sitt reglubundna viðhald til að skila
hámarks bruna og nýtingu eldsneytis.
„Eg er nýkominn heim úr heimsókn til
framleiðenda Mitsubishi skipavélanna en
Japanir hafa fyrir löngu sett sér strangar
reglur um útblástur skipavéla. Fyrir
Mirsubishi var það tiltölulega einfalt mál
að uppfylla kröfur IMO-staðalsins um út-
blástur sem nú er kominn á. Japönsku
framleiðendunum þóttu Evrópubúar
leggja í IMO staðlinum ofuráherslu á eitt
atriði, losun koltvíoxíð, á meðan ekki
væri hróflað við mörkum annarra efna í
útblæstri skipa,“ segir Hjalti
Ofurtrú á tölvustýrða
innsprautun
Ein af tækninýjungum í díselvélum á
undanförnum árum er svokölluð tölvu-
stýrð innsprautun en ekki hafa allir véla-
„Eigum skilyrðislaust að huga betur að við-
haldsmáiunum á vélum i etdri fiskiskipum,"
segir Hjalti Sigfússon hjá MD-vélum.
framleiðendur farið úr í þessa tækni og
raunar hafa sumir horfið frá henni og aff-
ur til fyrri útfærslu. Mitsubishi hefur
haldið sig við hefðbundna innspýtingu
og sú leið gefist vel, en Hjalti segir
mikilvægt að hafa í huga að viðhalds-
kostnaður á hefðbundnum brennsluolíu-
kerfum sé margfalt minni.
„Tölvustýrð innsprautun er engin
töfralausn gagnvart minna mengandi út-
blæstri fiskiskipa. Þar koma einfaldlega
miklu fleiri þættir inn í. En hvað véla-
framleiðendur snertir þá komast þeir ekki
undan því að uppfylla skilyrði, líkt og
IMO staðalinn, hvað sem mönnum finnst
um hann. A hinn bóginn gerist það sam-
hliða vaxandi kröfum að einhverjar véla-
gerðir detta út af markaðnum og sömu-
leiðis ýta þær undir að vélaframleiðendur
sameinist, enda er kostnaðarsamt að
fylgja eftir nýjum og nýjum kröfum."
Reglubundið viðhald
borgar sig
Fyrirtækið MD-vélar hefur í samvinnu
við erlenda aðila, boðið upp á þá þjónustu
hér á landi að endurbyggja gamlar velar,
afgastúrbínur og brennsluoiíukerfi.
Hjalti segir viðhaldsþáttinn alltof van-
metna stærð í baráttunni fyrir minni út-
blástursmengun frá fiskiskipum.
„Við eigum skilyrðislaust að huga bet-
ur að viðhaldsmálunum á vélum í eldri
fiskiskipum. Þegar eftirlit og
reglubundið viðhald er trassað þá er
þumalputtareglan sú að saman fer mikil
olíueyðsla, verri bruni og þar með meiri
mengun. Ef tækifærið væri gripið til að
búa til hvata fyrir útgerðir að sinna betur
reglubundu eftirliti og viðhaldi þá er ég
viss um að ná mætti verulegum árangri í
útblástursmálunum," segir Hjalti.
Rafmagnsnotkun sífellt að aukast í skípum
- segir Ásbjörn Baldursson hjá Rafboða Reykjavík ehf.
Rafboði Reykjavík ehf. hefur frá stofnun
fyrirtækisins árið 1987 sérhæft sig í raf-
magnsþjónustu fyrir skipaflotann, bæði
hönnun rafkerfa, nýlögnum, endurbótum
eldri rafkerfa og viðgerðum á rafmótorum
í skipum. Ásbjörn Baldursson hjá Raf-
boða Reykjavík ehf. segir rafmagnsþörf-
ina stöðugt að aukast í fiskiskipum.
„I sumum tilfellum komum við að
málum strax á hönnunarstigi skipa og
fylgjum svo verkefninu eftir allt til enda.
Þannig var t.d. staðið að málum varðandi
nýju Hríseyjarferjuna," segir Ásbjörn í
samtali við Ægi.
„Rafmagnsnotkun í skipum er mikil
og algengt að menn vanmeti þörf fyrir
rafmagnsframleiðsluna. Það eru stöðugt
að bætast við ný tæki og þau eru oft raf-
magnsfrek, t.d. dælur og frystipressur,"
segir Ásbjörn.
Fyrir utan nýlagnir vinnur Rafboði
Reykjavík að endurbótum á rafkerfum
eldri skipa og segir Ásbjörn slík verkefni
koma jöfnum höndum beint frá útgerðar-
aðilunum sjálfum eða sem samstarfsverk-
efni með skipasmíðastöðvum sem þá hafa
aðra þætti í endurbótum skipa á sinni
könnu.
„Viðgerðir á mótorum og rafölum hafa
einnig verið stór þáttur í okkar starfsemi
en við höfum komið okkur upp góðri að-
stöðu í húsi við Grandagarðinn. Hér höf-
um við til að mynda öflugan krana og
getum allt að fjögurra tonna rafala inn á
verkstæðisgólfið," segir Ásbjörn.
Starfsmenn Rafboða Reykjavík eru 8
talsins.
Húsnæði Rafboða Reykjavík ehf. við Grandagarð.