Ægir - 01.11.2000, Side 29

Vélaframleiðendur
hafa mætt kröfum
um hreinni útblástur
- segir Albert Klemensson hjá Heklu hf.
„Útblásturskröfur hvað varðar skipa-
vélar falla undir alþjóðlega reglugerð sem
tók gildi í upphafi ársins 2000. Þar eru
gerðar kröfur um minni losun mengandi
efna og reglugerðin tekur til nýrra skipa
þannig að þau eru búin umhverfisvænni
vélum en eldri skip. Að mínu mati
mættu stjórnvöld hér á landi líka taka
það til alvarlegrar skoðunar að setja á ein-
hvern hvata til að útgerðir fari út í endur-
nýjun eldri véla og að þannig verði stuðl-
að að hreinni útblæstri flotans," segir Al-
bert Klemensson hjá Heklu hf., umboðs-
aðila þýsku skipavélanna MAK og banda-
rísku skipavélanna Caterpillar.
Albert segir að vélaframleiðendur verði
að uppfýlla áðurnefnda reglugerð og hún
hafi því haft mestu áhrifin hvað framþró-
unina varðar. Framleiðendur höfðu lang-
an aðlögunartíma að gildistöku hennar
og á undanförnum árum hafa því komið
fram á sjónarsviðið skipavélar sem upp-
fýlltu reglugerðina og þar með strangari
kröfur um útblástur.
„Vélar með hreinni útblæstri voru
þannig komnar um borð í skip áður en
reglugerðin tók gildi,“ segir Albert en
leggur áherslu á að það séu ekki mengun-
armálin sem liggi þyngst á útgerðar-
mönnum hvað skipavélarnar varðar held-
ur fyrst og fremst olíukostnaðurinn.
„Menn spyrja einfaldlega hve mikið afl
þeir fái út úr vélunum og hver eyðslan sé.
Þegar út í stærri vélarnar er komið má
segja að fýlgnin sé rétt milli aflsins og
eyðslunnar," segir Albert.
Kostnaður við vélaskipti í skipum er
mikill og því er það eðlilegt að útgerðar-
menn haldi að sér höndum að skipta eldri
skipavélum út fýrir nýjar, jafnvel þótt út-
blásturinn sé hreinni. Albert telur ekki
líklegt að stjórnvöld treysti sér til að
ganga hart fram í kröfum gagnvart eldri
skipunum enda geti kostnaður við véla-
skipti hlaupið á tugum milljóna þegar
um stærri skip er að ræða. „Hins vegar er
það þannig að útgerðarmenn fá með nýj-
um vélum hlutfallslega minni olíueyðslu
Atbert Klemensson hjá Heklu hf.
Vélagerðir Heklu hf. Hér að ofan má sjá
uppbyggingu Caterpillar skipavélar og til htiðar
er MAK vét.
en oftast vilja menn skipta eldri vélum út
fýrir stærri vélar þannig að sá sparnaður
jafnast út. Eftir stendur því að hvati frá
stjórnvöldum kynni að verða besta leiðin
til að ná fram breytingu í útblæstri eldri
skipaflotans," segir Albert.
Eins og áður segir er Hekla umboðaðili
MAK og Caterpillar. Báðar tegundirnar
eiga sér langa sögu að baki í íslenska flot-
anum en MAK-umboðið færðist til
Heklu í upphafi árs í framhaldi af því að
Caterpillar keypti þýsku MAK verk-
smiðjurnar. Á næstunni eru væntanleg til
landsins mörg nýsmíðaskip, bæði frá
Chile og Kína og er vélbúnaður frá Ca-
terpillar og MAK í mörgum þeirra.
29 WM