Ægir - 01.11.2000, Qupperneq 33
VÉLBÚNAÐUR SKIPAL
Mergi ehf. i Hafnarfirði flytur inn brennsluhvata fyrir eldsneyti
og olíuviðhaldskerfi fyrir skip:
Tökum á þáttum sem skipta máli
- segir Gunnar Sæmundsson, véltæknifræðingur
Mergi ehf. í Hafnarfirði sérhæfir sig í sölu á brennsluhvata fyrir
skipaeldsneyti og selur einnig olíuhreinsikerfi fyrir smurolíu-
og glussakerfi í skipum. I báðum tilfellum er um að ræða lausnir
sem draga úr mengun og sóun, enda er sannað að með notkun
brennsluhvata hefur náðst fram sparnaður eldsneytiseyðslu um
borð í skipum. Sömuleiðis nýtist olían betur og þar með fer
minna af rykögnum út í andrúmsloftið með útblæstrinum.
Gunnar Sæmundsson, véltæknifræðingur, er einn af eigendum
fyrirtækisins og segir hann að brennsluhvatinn, sem ber nafnið
Mergi, aukist brunahæfni eldsneytisins.
„Allar prófanir á þessu efni hafa leitt í ljós aukna virkni
eldsneytisins sem hvatanum er blandað saman við. Það er því
sannað mál að hægt er að hafa áhrif á eldsneytiseyðslu og nýtingu
með fleiri þáttum stillingu vélanna sjálfra. Ef eldsneytið brennur
illa þá kemur meira sót í vélarnar og þar með er hætta á því að
líftími vélarhluta verði þeim mun styttri. Brennsluhvatinn
kemur í veg fyrir slíkt,“ segir Gunnar og bendir í þessu sam-
bandi á slithluti á borð við t.d. útblástursloka, stimpla, stimpil-
hringi og slífar.
Hér á landi nota um 70 skip brennsluhvatann Mergi og má
lauslega áætla að þessi skip brenni um 70 milljónum lítra af olíu
á ári. Hvert prósent í sparnaði hleypur því á háum fjárhæðum
þegar um þvílíkt magn er að ræða.
Smurolían fær nýtt líf
Annað og ekki síður umhverfisvænt framtak hjá Mergi ehf. er
sala á síukerfum fyrir smur- og glussaolíu. Gunnar segir að
margir vélaframleiðendur gefi þau fyrirmæli til kaupenda sinna
að skipta frekar oftar en hitt um olíur en slíkt sé ekki alltaf
nauðsynlegt og raunar mikil sóun.
„Kerfin sem við erum að selja hreinsa olíuna mjög vel og
notendur hafa séð mjög mikinn árangur á skömmum tíma.
Gunnar Sæmundsson hjá Mergi.
Reynslan hefur verið sú að hreinsaða olían hefur haft þá
eiginleika að losa um óhreinindi sem vilja setjast innan í vélar og
hreinsa þau út í gegnum síukerfið. Allt stuðlar þetta að langri
endingu vélanna og styður umhverfisverndarsjónarmið," segir
Gunnar.
„Hvort sem við horfum til notkunar á olíusíukerfunum eða
brennsluhvatans þá er ljóst að sú fullyrðing, sem oft heyrist hér
á landi, að ekkert sé gert í að bæta umhverfisþáttinn í
skipaflotanum, á ekki við rök að styðjast. Utgerðarmenn hafa
áhuga á málum sem snerta bætta umgengni við umhverfið,
sparnað eldsneytis og betri endingu. Þeir eru nú þegar að setja í
þetta peninga og munu gera í vaxandi mæli,“ segir Gunnar
Sæmundsson hjá Mergi ehf.
Þriðja kynslóð
MAN B&W komin
„Það nýjasta hjá okkur í dag er þriðja kynslóðin af Man B&W
vélunum, svokölluð L21/31 vél. Með þessari vél halda
verksmiðjurnar áfram á sömu braut en einkenni á Man B&W er
að allar lagnir eru innbyggðar en ekki utanáliggjandi, eins og
algengast er í skipavélum. Þetta gerir alla umgengni um
vélarnar mjög skemmtilega," segir Aage Petersen hjá Afltækni,
umboðsaðila Man B&W skipa- og bátavéla.
„Hönnun vélanna er kölluð á ensku „pipeless" og það segir allt
sem segja þarf um hvernig uppbygging þeirra er. Framleiðend-
urnir gefa upp að við þetta fækki einstökum hlutum vélanna
verulega," segir Aage.
Hann segir að Man B&W leggi mikið upp úr framleiðslu á
vélum sem nýta eldsneyti vel og halda mengun í útblæstri í
lágmarki. Allar vélar þeirra standist kröfur og staðla varðandi
Aage Petersen hjá Afltækni.
útblástur. Úrval vélanna frá Man B&W er mikið því þær spanna
allt frá bátavélum með 500 kw afl upp í 68.000 kw afl hið
mesta, sem reikna má sem ríflega 93 þúsund hestöfl. Skiljanlega
eru fáar fleytur hér á landi sem krefjast slíkra orkubúa.
33