Morgunblaðið - 06.12.2008, Side 7

Fréttir 7INNLENT
MORGUNBLAÐIÐ LAUGARDAGUR 6. DESEMBER 2008
800 7000 • siminn.is
Glæsilegt jólatilboð: 3 fyrir 1
Sími
Netið
SjónvarpÞað er
Fáðu þér fullkominn Samsung U900 Soul á frábæru jólatilboði*. Með honum
færðu tvo létta og lipra Samsung samlokusíma í kaupbæti! Með símunum
fylgir M sem er vefur Símans í farsímanum. M getur þú notað til afþreyingar
þegar þér hentar, farið á m.siminn.is og opnaðu Facebook, spjallað á MSN,
skoðað tölvupóstinn eða kíkt á nýjasta nýtt á YouTube.
TÍU einstaklingar hafa greinst HIV-jákvæðir á þessu
ári en nýsmituðum hefur fjölgað undanfarin ár í ná-
grannalöndum okkar. Þetta var meðal þess sem kom
fram á afmælisdagskrá alnæmissamtakanna HIV-
Ísland sem fögnuðu 20 ára afmæli sínu í gær.
Tímamótanna var minnst í Þjóðmenningarhúsinu
þar sem félagsfólk, heilbrigðisstarfsmenn og velunn-
arar komu saman. Þá opnaði Guðlaugur Þór Þórðarson
heilbrigðisráðherra nýja heimasíðu samtakanna.
Allt frá upphafi hefur meginverkefni félagsins verið
að styðja við bakið á HIV-smituðum, alnæmissjúkum og
aðstandendum þeirra og að vinna að fræðslu og for-
vörnum um sjúkdóminn. Með lyfjum sem komu á mark-
að fyrir rúmum áratug varð mikil framþróun við með-
ferð HIV-smitaðra. Heyrir það því nú til undantekninga
að fólk á Íslandi veikist eða látist af völdum alnæmis.
Engu að síður er mikið áfall að greinast með HIV enda
fordómar enn ríkjandi gagnvart sjúkdómnum.
Fögnuðu tuttugu ára afmæli
samtaka HIV-smitaðra á Íslandi
Morgunblaðið/Árni Sæberg
Tímamót Þröstur Jónsson, Vilhjálmur Vilhjálmsson og Ingi Rafn Hauksson voru meðal gesta í gær.
HÉRAÐSDÓMUR Reykjavíkur
sýknaði í gær Vegagerðina af kröfu
Péturs M. Jónassonar vatnalíffræð-
ings um að ógiltur yrði úrskurður
umhverfisráðherra um mat á um-
hverfisáhrifum Lyngdalsheiðarveg-
ar. Vegurinn liggur milli Laugar-
vatns og Þingvalla í Bláskógabyggð.
Hafist var handa við gerð Lyng-
dalsheiðarvegar í lok sumars en
lagning hans hefur verið umdeild og
m.a. farið tvívegis í umhverfismat.
Pétur hefur lengi barist gegn fram-
kvæmdinni og talið lífríki Þingvalla-
vatns hættu búna.
Hann stefndi Vegagerðinni og
krafðist þess að úrskurður umhverf-
isráðherra um að veita Vegagerðinni
heimild til að leggja veginn yrði
dæmdur ógildur.
Fjölskipaður héraðsdómur telur
að ekki hafi verið farið á svig við lög
við meðferð málsins. Vanhæfisreglur
hafi ekki verið brotnar og því er
hafnað að ráðherra hafi brotið rann-
sóknarreglu stjórnsýslulaga. Vega-
gerðin var líka sýknuð af varakröfu
Péturs, um að ógiltur yrði úrskurður
umhverfisráðherra, að því er varðar
svokallaða leið 7, vestur Eldborgar-
hraun.
Veginum verði lokið 2010
Núverandi vegur milli Þingvalla
og Laugarvatns, Gjábakkavegur, er
að stofni til frá árinu 1907 og þykir
erfiður yfirferðar. Því hefur lengi
verið kallað eftir úrbótum á leiðinni.
Það er Klæðning ehf. í Hafnarfirði
sem er með verkið enda var tilboð
fyrirtækisins það eina af þeim tíu
sem bárust sem reyndist undir
kostnaðaráætlunum Vegagerðarinn-
ar.
Lyngdalsheiði er rúmir 500 metr-
ar þar sem hún er hæst. Vegagerðin
gerir ráð fyrir að veglagningunni
verði lokið haustið 2010.
Lyngdalsheiðar-
vegur löglegur
Úrskurður umhverfisráðherra
um mat á umhverfisáhrifum stendur
Lyngdalsheiðarvegur verður 15
kólómetra langur en að auki mun
Klæðning leggja 1,7 kílómetra langa
vegtengingu að Gjábakkavegi. Í
samtali við Morgunblaðið í haust
vonaðist Sigþór Ari Sigþórsson,
framkvæmdastjóri fyrirtækisins, til
að hægt yrði að vinna við vegagerð-
ina í allan vetur enda stórvirkar
vinnuvélar notaðar við verkið.
Stórvirkar vélar