Skólablaðið - 01.11.1957, Blaðsíða 12

8
HLJÖMSKfFUSAFN MENNTASKOLANS
Plötusafnið er, eins og flestum er
kunnugt, nýstofnun innan skolans. Plöt-
urnar hafa mestallan tímann verið í út-
láni og þykir það góður árangur. Stendur
nú til að kaupa leikrit Shakespeares :
Julius Caesar, og Oscar Wildes : The
importance of being earnest, og þykir
mér sjálfsagt að bæta svo frægum og
viðurkenndum verkum í safnið, þó að þar
se ekki beinlínis um tónlist að ræða.
Það er einnig annað á dagskrá nefnd-
arinnar, sem hefur skapað allmikið "gutl
í bomsum".
Er það ætlun okkar að bæta nokkrum
jazz-plötum við safnið, til þess að vekja
athygli á ósvikinni jazz-tónlist, en vegna
ósamkomulags innan safnnefndar verða
þær færri en skyldi.
Með jazz á ég auðvitað ekki við það
gaul, sem heyrist í útvarpinu í tíma og
ótíma. Það hefur oft furðað mig, hve
margir rugla saman þessum tveimur
hugtökum : jazz og dægurlög. Það er
m.a. til þess að lagfæra þennan leiðin-
lega misskilning, að við bætum jazz-
plötum í safnið.
Það er einnig ætlun okkar að gefa út
bækling um meðferð á plötum, reglur
safnsins o.fl. Meðferðin á plötunum hef-
ur undanfarið verið heldur slæm, og er
það von okkar, að bæklingurinn verði bót
í máli þar.
Sumir hafa ef til vill tekið eftir því,
að ég kallaði mína : "Hljómskífusafn"
Menntaskólans og ekki, sem eðlilegra
væri : Glaumbæjarsafnið. Það stafar
mjög einfaldlega af því, að mér er inni-
lega illa við orðið. Það er eins og ein-
hverjir fjósamenn ofan úr sveit hafi ver-
ið þar að verki, og ekki sæmilega sið-
menntað fólk. Skora ég þess vegna ein-
dregið á menntlinga að kreista fram úr
heilabúinu nafn, sem er pínulítið skemmti-
legra og liprara.
Gunnar Kjartansson.
N. B.
Plötusafnið opnar ekki fyrr en húsrúm
leyfir, þ.e.a.s., þegar við komum því
fyrir á einhvern góðan stað.
HNÍFUR
ÉG skal segja þér sögu mína,
- sumum finnst hún ljót.
Þar sem verða skyldi blót,
mæltum við okkur mót;
dauðinn og ég.
Löngum var ég morðvopn í hendi manns,
varð glaður, er blóð fylgdi í mína slóð,
og hló - síðla á kvöldum.
Hlátur og harmakvein.
Ég heyri ennþá hljóðin.
En nú er bitið úr blöðunum horfið,
samvizkan nagar slitnar eggjar,
oddurinn er sorfinn og skaftið fúið.
Og þó er harma minna bót,
að ég var morðvopn - í hendi manns.
Sigurður H. Stefánsson.
QUID NOVI, frh. af bls, 7.
19. okt. við ágæta aðsókn nemenda.---
Framtíðin hóf starfsemi sína í vetur
með málfundi um sambúðina milli karla
og kvenna 6.-bekkjar, en hún er mjög
í réttu hlutfalli við gæðin. Var fundur-
inn mjög þunnur, en skemmtilegur.
Næsti fundur Framtíðarinnar verður um
trúmál.---Tónlistarnefnd sýndi stór-
myndina Fantasíu í Gamla Bíoi við
prýðilega aðsókn. Hefur tónlistanefnd
margt fleira á prjónunum.----Aðalfund-
ur Braga og Baldurs verður haldinn í
kvöld (er þetta er ritað). Voru menn
almennt farnir að óttast um líf þessara
ágætu félaga.---Fleira markvert hafði
ekki gerzt er vika var af nóvember.
Jónas.