Vera - 01.10.1998, Side 3

Hverjir hafa lagt sitt
á vogarskálar jafnréttis?
Hverjir hafa unnið jafnréttis-
baráttunni gagn og hverjir ógagn?
Sendu VERU ábendingar.
Að hugsa allt upp á nýtt
Á hvaða siðferðilega grunni stendur þjóðfélag þar sem það fólk sem valið hefur sér að
ævistarfi störf sem krefjast umhyggju og mannlegrar hlýju, hefur um leið lent í því
hlutskipti að fá mun lægri laun en þau sem fara með völd yfir fjármunum? Er það
nægileg skýring að konur eru í miklum meirihluta þeirra sem velja umönnunarstörfin?
I þessari Veru er rætt við hjúkrunarfræðinga og Ijósmæður sem háðu harða
kjarabaráttu á þessu ári og þurftu að ganga svo langt að segja upp störfum til þess að
á þær væri hlustað. Öll höfum við margsinnis heyrt orðin „niðurskurður í
heilbrigðiskerfinu", þau hafa litað þjóðfélagsumræðuna árum saman. En er ekki
eitthvað bogið við rekstur heilbrigðiskerfis þar sem ekki er hægt að halda deildum í
fullum gangi vegna skorts á hjúkrunarfræðingum? Þannig er staðan nú og kemur m.a.
illa niður á þeim sem bíða eftir að komast í hjartaaðgerðir á Landspítalanum. Þar
getur verið um líf eða dauða að tefla, samt gildir lögmálið um framboð og eftirspurn
ekki þegar kemur að launagreiðslum til hjúkrunarfræðinga. Þó er það lögmál æðst
boðorða á tímum frjálsrar samkeppni.
Margir hjúkrunarfræðingar hafa gefist upp á að vinna á sjúkrahúsum og fengið sér
vinnu annars staðar. Áður en til slíkrar ákvörðunar kemur hefur mikið gengið á. Fólk
hættir ekki upp úr þurru að vinna við það sem það hefur kosið að ævistarfi.
Langvarandi óánægja með kaup og kjör hefur slítandi og óæskileg áhrif á fólk og
óhjákvæmilega hlýtur sú óánægja að smitast út til skjólstæðinganna - sjúklinganna -
sem eiga þó nóg með sín vandamál. í viðtali við Ijósmóður hér í blaðinu segir hún
ástæðuna fyrir því að hún fór að mennta sig f viðskiptafræðum vera langvarandi
þreytu á óánægju á vinnustað ár eftir ár, þar sem ekkert breyttist né virðist ætla að
breytast.
Allar ákvarðanir sem teknar eru byggja á hugmyndum. Það hlýtur eitthvað að vera að
þeirri hugmyndafræði sem veldur því ástandi sem að ofan er lýst. Og þá er bara að
breyta hugmyndafræðinni. Skref í þá átt er þingsályktunartillaga um jafnréttisfræðslu
fyrir æðstu ráðamenn sem Guðný Guðbjörnsdóttir hefur flutt á Alþingi ásamt fleiri
þingmönnum. Þar er lagt til að þeir sem með stjórn mála fara verði fræddir um
jafnréttismál til þess að geta haft kynjaða hugsun að leiðarljósi þegar ákvarðanir eru
teknar. Ekki er um að ræða fræðslu í eitt skipti, heldur á að viðhalda henni jafnt og
þétt. Þannig þokast málin áfram. Þá er kannski von til þess að æðstu ráðamenn fái
innsýn í störf kvenna og verðleggi þau jafn hátt og störf karla. Til þess þarf að hugsa
allt upp á nýtt.

plús
GRÓTTA - KR
fyrir að vera fyrsta íþróttafélagið til að taka upp gæða-
stjórnun innan unglingaþjálfunar þar sem eitt af stóru verk-
efnunum er að vinna upp brottfall stúlkna úr íþróttum.
„Stelpurnar fá ekki sömu athygli og strákarnir," viðurkennir
yfirþjáifari félagsins í blaðaviðtali og segir að fólagið ætli nú
að sýna stúlkunum þann áhuga sem þær eiga skilinn í
íþróttum. Liður í því var stórmót stúlkna í lo’k september
þar sem yfir 200 stelpur tóku þátt.
Barátta gegn kynferðislegri áreitni á vinnu-
stað
sem Verslunarmannafélag Reykjavíkur og Samtök verslun-
arinnar standa að með því m.a. að gefa sameiginlega út
bækling og veggspjald sem vara viö sliku framferði. Bæði
félögin bjóða aðstoð um hvernig bregðast eigi við þegar
kynferðisleg áreitni kemur upp á vinnustað og hefur VR í
hyggju að bjóða félagsmönnum sínum sérfræðiaöstoð í
slíkum tilvikum.
Jafnréttisfræðsla fyrir æðstu ráðamenn
í þingsályktunartillögu frá Guðnýju Guðbjörnsdóttur og fleiri
þingmönnum stjórnarandstöðunnar er lagt til að mótaðar
verði aðgerðir sem tryggi að æðstu ráðamenn þjóðarinnar
hafi þekkingu á ólíkri stöðu kynjanna almennt og á sínu
sviði sérstaklega. I því skyni verði tekið saman vandað
námsefni og haldin námskeið sem ráðamönnum verði gert
að sækja. Tryggt verði að þekkingunni verði haldiö við með
eftirliti og aðhaldi og með því að halda námskeið með
reglulegu millibili.
Útvarpsstöðin X - ið
fyrir ótrúlega kvenfyrirlitningu og niðurlægjandi brandara
um konur sem þáttastjórnendur virðast hafa sérstakt dálæti
á. Nýjasta slagorð stöðvarinnar er: „Útvarpsstöð fyrir stelp-
ur sem kyngja." Við hijóðnemann virðast strákarnir hafa
sérstaka ánægju af sóðalegum kynjabröndurum. Eru engin
takmörk fyrir því hvað „frelsið" getur leyst úr læðingi?
Félagsmáiaráðherra, Páll Pétursson
fyrir ráðningu i stöðu framkvæmdastjóra Svæðisstjórnar
um málefni fatlaðra í Reykjavfk. Um stöðuna sótti umtals-
verður fjöldi fólks, m.a. tvær konur, með meiri menntun og
reynslu á þessu sviði en karlinn sem va rráðinn. Lands-
samtökin Þroskahjálp og Öryrkjabandalag (slands lýstu yfir
óánægju og undrun með þessa ráðningu og gengu á fund
ráðherra af því tilefni.
Dómsmála- og utnaríkisráðherrar
fyrir að tilnefna þrjá karla sem fulltrúa Islands í starf dóm-
ara við hinn nýja Mannréttindadómstól Evrópu, þrátt fyrir
tilmæli ráðherraráðs Evrópuráðsins um að jafna hlutfall
kynja meðal dómara í hinum nýja dómstól.Af Norðurlanda-
þjóðunum var það aðeins ísland sem tilnefndi ekki konu og
sniðgekk þannig tilmæli um að jafna hlut kynjanna.
3