Vera - 01.10.1998, Blaðsíða 26

Fleiri konur
- betri lögregla
segir Georg K. Lárusson, lögreglustjóri í Reykjavík
Á fundi hjá Kvennalistanum í sumar kom
fram / máli lögreglustjórans í Reykjavík,
Georgs K. Lárussonar, að fjölga ætti
konum í lögreglunni og bæta stöðu
þeirra. í samtali við Veru staðfesti lög-
reglustjóri þessi ummæli og vísaði til
skýrslu sem dómsmálaráðuneytið sendi
frá sér árið 1997. í skýrslunni er sagt frá
vinnu nefndar um bætta stöðu kvenna
innan lögreglunnar og hvaða órbætur
þurfi til að kvenkyns lögreglumönnum
fjölgi og þær haldist í starfi.
Mestar deilur hafa staðið um ákvæðið þar sem sagt er að
bæta þurfi stöðu kvenna innan lögreglunnar. Sumir hafa
sagt að búið sé að gera allt til að bæta stöðu kvenna og
aðrir hafa fullyrt að starfið henti illa konum. Bent hefur verið á vakta-
kerfið sem fyrirstöðu. Að mínu mati er þetta rökleysa því hægt er að
benda á fjölmennar kvennastéttir sem stunda vaktavinnu, eins og á
sjúkrahúsum og víðar. Það er eitthvað að hér innanhúss sem kemur í
veg fyrir að konur sæki í starfið og því þarf að breyta," segir Georg en
bendir jafnframt á að lögreglukonur séu hlutfallslega flestar í Reykja-
vík.
„Mín skoðun er sú að það sé grundvallaratriði að fjölga konum í
starfi til þess að efla löggæsluna, bæta móralinn hér innanhúss og
koma þessum hlutum í betra horf.“
Telur þú að setja þurfi markmið Iíkt og Svíar hafa gert?
„Það er ein af hugmyndunum sem verið er að skoða. Einnig bindum
við vonir við að fjölgun kvenna í Lögregluskólanum skili sér í okkar
raðir.“
Georg var áður sýslumaður í Vestmannaeyjum og yfirmaður lög-
gæslu þar. Er auðveldara að ríða á vaðið í Reykjavík með úrbætur?
„í Reykjavík eru miklu meiri möguleikar á sveigjanlegum vinnutíma
en á litlum stað úti á landi þar sem lögreglumenn eru fáir. Fyrir
nokkrum árum réði ég tvær konur í einu í þetta litla lögregluembætti
í Vestmannaeyjum. Það má segja að það hafi ekki mælst vel fyrir hjá
öllum til að byrja með. Þessar konur stóðu sig auðvitað mjög vel og
mórallinn á lögreglustöðinni breyttist til hins betra."
Hvað á að breytast með fjölgun kvenna í lögreglunni?
„Lögreglan þarf að endurspegla samfélagsgerðina ef hún ætlar að
þróast með þjóðfélaginu. Leggja ber áherslu á að lögreglustarfið sé
ekki slagsmál og læti heldur það að vera úti til að aðstoða borgarana.
Það þarf að bæta viðhorf almennings til lögreglunnar, bæta viðhorf
lögreglu til borgaranna og ekki síst að bæta viðhorf lögreglunnar til
sjálfrar sín.“
Hvenær má vænta breytinga á högum kvenna innan lögeglunnar?
„Það er ýmislegt í gangi til að bæta stöðu þeirra en ég tel að það líði
nokkur tími þar til þær öðlast jafnstöðu og komast áfram í starfi. Það
er svolítið skuggalegt að sjá hve fáar konur eru í æðri embættum inn-
an lögreglunnar. Eitt er að konur hafa ekki sótt mjög stíft um æðri
stöður, hverju sem um er að kenna. Mér sýnist að þær yngri séu full-
ar bjartsýni um að þær nái frama í starfi. í Noregi og Danmörku er
heildarhlutfall kvenna í lögreglu lægra en hér. Samt eru konur lög-
reglustjórar í Ósló og Kaupmannahöfn. Hvers vegna?" spyr Georg K.
Lárusson lögreglustjóri í Reykjavík.
2B