Vera - 01.10.1998, Blaðsíða 28

Aðspurð segist hún merkja fjölgun kvenna
enda sjáist það í tölum. I Reykjavík sé hlutfall
kvenna í lögreglunni um 10% en á landsvísu
rétt rúm 6%. Fjöldi kvenna við embættin í
Hafnarfirði, Kópavogi og á Keflavíkurflugelli
hafi líka aukist. „Svo eru embætti þar sem
konur virðast eiga erfitt uppdráttar, svo sem í
Keflavík, hver sem skýringin er,“ segir hún. En
það er ekki allt fengið með því að auka hlutfall-
ið sem lítur vel út í skýrslum.
„Þrátt fyrir það eiga konur mjög erfitt með að
fá stöðuhækkun innan lögreglunnar og því þarf
líka að þreyta. Konur hafa verið ráðnar reglu-
lega í almenn lögreglustörf síðan 1973 en hér í
Reykjavík hefur engin kona komist hærra en í
stöðu varðstjóra og rannsóknarlögreglu-
manns. Þá er ég að tala um stöður eins og lög-
reglufulltrúar, aðalvarðstjórar, aðstoðaryfirlög-
regluþjónar og yfirlögregluþjónar. Það er mjög
bagalegt að engin kona sé í æðri yfirmanna-
stöðum."
Dóra Hlín segir að konur hafi sótt um yfir-
mannastöður en ekki fengið. „Ég er þó viss um
að þær hafi ekki verið eins iðnar við að sækja
um eins og kariarnir. Ég tel að jafnréttisfulltrúi
gæti haldið mönnum vakandi og minnt á jafn-
réttislögin, sem mér sýnist margir gleyma.“
Brottfall starfandi lögrelukvenna, sem lokið
höfðu skólanum, var komið upp í rúm 40% á
tímabili en sú þróun hefur snúist við og nú er
brottfallið mun lægra, að sögn Dóru Hlínar.
„Þegar heimiluð voru hlutastörf hættu konur
sfður í lögreglustarfi og nú er brottfall kvenna
komið niður í 27%. Það skiptir öllu máli að
konur geti lagað starfið að barnauppeldi og
þær sjái að þær eigi sömu möguleika á frama
í starfi."
Hún viðukennir að það hafi oft hvarflað að
henni að gefast upþ en þrjóskan hafi haldið
henni innan lögreglunnar. Hún segist hafa sótt
um stöðuhækkun oftsinnis en ekki fengið.
Hún samþykkir að lögreglan sé enn sterkt
karlaveldi. „Það er mjög miður því lögreglan á
að vera eins og þverskurður þjóðfélagsins,"
segir hún.
Um það hvernig karlkyns samstarfsmenn
taka konunum segir hún það mjög mismun-
andi. „Sumir hafa tilhneigingu til að „hlífa“ kon-
unum, meðvitað og ómeðvitað. Það hefur bara
sýnt sig að þær kæra sig ekki um slíka vernd
heldur vilja standa jafnfætis körlunum í einu og
öllu,“ segir Dóra Hlín og bætir við að borgar-
arnir séu mjög jákvæðir gagnvart lögreglukon-
um.
Setja þarf
markmið Ifkt
og gert er í
Svfþjóð
- segir Berglind Eiríksdóttir
rannsóknarlögreglumaður
Berglind Eiríksdóttir rannsóknarlögreglu-
maður hjá Lögreglunni í Reykjavík sótti
nýverið ráðstefnu í Finnlandi. Þar báru
lögreglukonur á Norðurlöndum meðal ann-
ars saman bækur sínar. Berglind hefur
starfað sem lögreglumaður í tuttugu ár.
„Svíar standa sig best I því að fjölga konum I lögreglunni en
þar eru þær 17% allra starfandi lögreglumanna. Noregur
kemur þar á eftir en þar er hlutfallið 12,5%. Það kom okkur
hins vegar á óvart að Danir stóðu sig heldur verr en við.
Sama er að segja um Finnana. Hérlendis er fjöldi kvennanna
í starfi 6,7% en í Danmörku og Finnlandi 6,3%.“
Að sögn Berglindar hafa Svíar sett sér markmið um að
fjölga konum í lögreglunni og árið 2004 vænta þeir þess að
starfandi konur innan lögreglu verði 30%..
„Mér finnst að við eigum að setja okkur markmið eins og
Svíarnir gera. Örðuvísi verður ekki hægt að sjá til þess að
konum fjölgi. Að mínu mati er ekki nóg að fá fimm nýjar inn
eitt árið og sex það næsta til þess að menn geti bent á það
sem aukningu. Það þarf meira en góðan vilja til að málin
breytist." Hún segir að fyrirhugað sé enn meira samstarf
lögreglukvenna á Norðurlöndum og bindur miklar vonir við
slíkt samstarf. „Þá höfum við meira haldfast hvað er að ger-
ast í hinum löndunum og eigum auðveldara með fylgja þeim
eftir.“
Berglind hefur alla tíð unnið fullt starf enda var hlutastarf
ekki í boði þegar hún var að eiga sín börn. „Ég var heppin
að fá dagvinnu þegar ég þurfti á því að halda en ég hefði
gjarnan viljað vera í hlutastarfi."
Hún segir að sífellt þurfi að vera á verði í jafnréttisbaráttu
innan lögreglu. „Því er ekki að neita að við verðum varar við
fjölgun kvenna á vinnustað. Þegar ég byrjaði vorum við að-
eins fjórar sem gengum vaktir."
Berglind sótti um lögreglufulltrúastöðu í uþþhafi þessa árs
en fékk ekki. „Það var ekkert út á það að setja þar sem aðr-
ir umsækjendur höfðu lengri starfsaldur. Ég tel þó víst að ég
muni reyna að sækja um aftur þegar staða losnar," segir
hún.
28