Vera - 01.10.1998, Blaðsíða 21

Þær segja að fram að þessu hafi starfsmenn barnaverndarnefnda
séð um að vinna úr málum af þessu tagi en slíkir starfsmenn eru til
staðar í stærri sveitarfélögum. Ef mál hafa komið upp í minni sveitar-
félögum hafa slíkir starfsmenn verið ráðnir til að vinna í málinu.
Barnahúsið á að sinna börnum 18 ára og yngri á öllu landinu. Ef fólk
getur ekki sótt þjónustuna þangað sagði Vigdís að starfsmenn myndu
fara út á land til að sinna málum.
Til að tilkynna um mál þar sem barn er talið beitt kynferðisofbeldi
skal hafa samband við starfsmenn barnaverndarnefnda sem starfa á
félagsmálastofnunum. Ef slíkar stofnanir eru ekki til staðar á að hafa
samband við barnavernarnefnd eða lögreglu, sem ber skylda til að til-
kynna um svona mál til barnaverndarnefndar. Það sama gildir um
lækna og fleiri stéttir sem eiga samskipti við börn enda hafa allir til-
kynningaskyldu samkvæmt barnaverndarlögum.
„Undanfarin ár hefur aldur þeirra sem tilkynna um kynferðisofbeldi
lækkað, sem bendir til þess að börn séu orðin betur meðvituð um rétt
sinn,“ segja þær að lokum og minna á símanúmer Barnahússins sem
er 530 2500, kl. 9 til 16, virka daga.
EÞ
erlendar bækur
Paradís
eftir Toni Morrison
Paradís (Paradise) er fyrsta
skáldsagan sem bandaríska
blökkukonan Toni Morrison
gefur út eftir að hún hlaut bók-
menntaverðlaun Nóbels árið
1993 en áður hafði hún fengið
Pulitzer-verðlaunin fyrir Ástkær
(Beloved). Þetta er sjöunda
skáldsaga Morrison og ein sú
torlesnasta enda hlotið mis-
jafna dóma meðal gagn-
rýnenda. Sagan hefst með
skelfilegri árás hóps karl-
manna á lítið samfélag kvenna
í yfirgefnu klaustri skammt frá
heimabæ mannanna. Að því
búnu er horfið aftur í tímann og dregin upp margbrotin fortíð
samfélaganna tveggja. Karlmennirnir eru íbúar Ruby í Okla-
hóma, bæjarfélags sem upphaflega var stofnað um aldamótin
af svertingjum sem leituðu athvarfs í bandarísku samfélagi eft-
ir afnám þrælahaldsins, þrátt fyrir mótlæti og útilokun. Bæjar-
fólkið verður síðan vitni að því er kvennasamfélagið í klaustrinu
myndast á 7. áratugnum, á tímum uppstokkunar og endurskil-
greininga á hlutverki kvenna í þjóðfélaginu. Konurnar sem þar
safnast saman eiga allar erfiða reynslu að baki sem loks varð til
þess að þær höfnuðu því samfélagi sem byggist á lögmálum
karlmanna og stofnuðu sitt eigið samfélag, byggt á þeirra eigin
forsendum, m.a. galdraiðkun. í augum bæjarbúa verður þetta
sambýli kvennanna órætt afl sem ógnar því dýrmætasta sem
þeir eiga, þ.e. sjálfsvitund þeirra og samfélagskennd. gegnum
einstakar sögur persóna verksins og undirliggjandi sögu sam-
félagsins í heild víkur Morrison að kynþáttamálum, trúmálum
og samskiptum kynjanna. Líkt og í fyrri verkum, dregur hún
hvergi skýr mörk og lætur lesandann um að dæma gjörðir per-
sóna sinna sem breyta ekki síður af ástríðum og öfgum en
skynsemi. Bygging verksins og frásagnaraðferð er langt frá því
að vera línuleg (tíma og rúmi. Frásögnin er byggð upp á brot-
um og kaflaskiptingum sem lesandinn verður að vinna sig í
gegnum og tengja við heildina. Með þessu móti byggist smám
saman upp heild sem nær víðfeðmu taki á viðfangsefni bókar-
innar. Þessi frásagnarlega breidd og frábær stíll höfundar, sem
samsettur er af lýrískum augnablikum og skörpu en tindrandi
hversdagsmáli blökkumanna, launar lesandanum erfiðið ríku-
lega.
Heiða Jóhannsdóttir
Ný bók um reglurnar
The Rules II, eða Reglurnar 2 eins
og bókin heitir á okkar ástkæra
ylhýra, er framhald af metsölubók-
inni Reglurnar sem kom út fyrir jól-
in í fyrra. í þeirri bók voru reglur
fyrir konur sem vildu ná sér í eigin-
mann og lofuðu höfundarnir, Ellen
Fein og Sherrie Schneider, öllu
fögru ef farið væri eftir reglunum til
hins ýtrasta. Reglurnar 2 er í raun
viðbót við fyrri bókina. í henni er
að finna reglur fyrir konur sem
samstarfsmönnum sínum, standa í sambandi við ein-
hvern sem býr langt í burtu frá þeim og fleira þess háttar.
Hverjum aðstæðum fylgja ákveðnar reglur og betra er að
vera með þær á hreinu ef samband á að ganga upp.
Höfundarnir kasta fram ýmsum hæpnum fullyrðingum,
eins og þeirri að samband konu og karls geti aldrei geng-
ið ef konan erfyrri til að sýna áhuga, karlinum komi til með
að finnast hún óspennandi vegna þess að hún sé ekki
nógu mikil ögrun. Einnig er bent á að fjöldamörg sam-
bönd hafi ekki gengið upp vegna þess að konan hafi ekki
farið eftir reglunum. Því er sérstakur kafli um það hvernig
á að stofna til sambands við fyrrverandi elskhuga og fara
eftir reglunum í þetta skiptið. Markmið hverrar konu hlýt-
ur, að mati höfundanna, að vera hjónaband og því er les-
endum bókarinnar lofað að þær nái draumaprinsinum ef
þær aðeins gerist reglustúlkur og fari eftir bókunum í einu
og öllu. Þessar bækur hafa selst í ótrúlegu magni út um
allan heim og þykir mér það benda til þess að samskipti
kynjanna séu ekki alveg eins og þau ættu að vera. Ég held
samt sem áður að þessi bók geri lítið gagn öðruvísi en
sem skemmtiefni. Sem slík er hún hins vegar alveg frá-
bær.
Sigurlína Valgerður
eru ástfangnar af
21