Málfríður - 15.10.2007, Blaðsíða 10

10 MÁLFRÍÐUR
Alltaf er gaman að sækja heim ókunnar slóðir og
kynnast nýju fólki. Til þess gafst tækifæri dagana
15.–16. júní, en þá stóðu samtök lettneskra tungu­
málakennara LALT fyrir tveggja daga ráðstefnu í
Riga undir yfirskriftinni : „Innovations in Language
Teaching and Learning in the Multicultural Context”.
Slíkar ráðstefnur eða málþing eru haldin annað
hvert ár á vegum félaga innan NBR, norrænu­balt­
ísku deildar Alþjóðasambands tungumálakennara
(FIPLV).
Veðrið lék við okkur allan tímann sem ekki spillti
fyrir upplifuninni. Riga á sér 800 ára sögu sem borg
og gerði staðsetningin hana eftirsóknarverða fyrir þá
sem vildu eiga í viðskiptum við löndin fyrir sunnan
og austan og tryggði það uppgang hennar. Hún var
lengi ein af Hansaborgunum. Svíar hafa löngum
haft sterk ítök. Riga er á heimsminjaskrá UNESCO
þar sem stór hluti gamla bæjarins er í Art Nouveau
stíl og að því leyti oft borin saman við Barcelona,
Budapest og Vín. Í elsta hlutanum er bílaumferð
mjög takmörkuð sem eykur enn meira á sérstöðu
borgarinnar.
Nokkur hundruð þátttakendur sóttu ráðstefnuna,
flestir frá baltnesku ríkjunum. Nokkuð stórir hópar
komu frá Finnlandi, Noregi og Svíþjóð en einungis
2 frá Íslandi, fulltrúi stjórnar og fyrirlesari. Velta má
því fyrir sér, hvort um sé að kenna lítilli umfjöllun
(ábending um ráðstefnuna var send á póstlista fag­
félaga) eða dagsetningu (15.­16.6). Margir eru þá
komnir í sumarfrí eða búnir að skrá sig á námskeið
annars staðar.
Ráðstefnan fór fram í Stockholm School of
Economics sem er til húsa í gamalli, virðulegri bygg­
ingu í Art Nouveau stíl en vel útbúin með nútíma­
legum kennslustofum. Dagskráin var mjög þétt og
margt í boði. Skipulagning var til fyrirmyndar. Allt
nema setning ráðstefnunnar fór fram í þessu húsi
og efninu hafði verið skipt upp í nokkrar málstofur
sem fóru fram samtímis og gerði valið mjög erf­
itt: 1. Common European Framework of Reference,
2. Intercultural Education, 3. Creativity, ICT 4.
Intercultural Education, 5. Innovations in Language
Teaching, 6. Focal Issues in Language Education.
Málstofurnar fóru flestar fram á ensku, nokkur
innlegg voru á frönsku, þýsku og lettnesku en 6.
málstofan fór öll fram á rússnesku. Byrjað var kl.
níu og haldið áfram til rúmlega fimm báða dagana.
Málstofurnar fóru fram í tveggja tíma lotum með
þremur til fjórum fyrirlestrum / vinnustofum og svo
góðu hléi. Fyrirlesarar komu víða að og af ýmsum
skólastigum, þó flestir væru frá Lettlandi.
Margt var athyglisvert á ráðstefnunni og greini­
legt að viðmiðunarramminn og evrópska tungu­
málamappan er ofarlega í huga kennara baltnesku
landanna. Finnsku samtökin sendu Teijo Päkkilä
enskukennara, sem fjallaði um notkun viðmiðunar­
rammans við mat á munnlegri færni og var með
stutta sýnikennslu. Við fengum að meta frásögn eins
af nemendum hans út frá þeim ramma sem notaður
er í Finnlandi og tekur á þáttum svo sem „range,
accuracy, fluency, interaction, coherence“. Búið er að
útfæra þá nokkuð nákvæmlega. Þátttakendum gafst
Sigurborg Jónsdóttir, þýskukennari og form­aður STÍL
og Hulda Karen Daníelsdóttir, kennsluráðgjafi í nýbúa-
fræðslu, segja hér frá ráðstefnu sem­ haldið var í Riga sl.
sum­ar.
Hulda Karen
Daníelsdóttir
Hulda Karen Daníelsdóttir og Sigurborg Jónsdóttir
Ráðstefna í Riga í júní 2007
Sigurborg
Jónsdóttir