Málfríður - 15.10.2007, Blaðsíða 22

 MÁLFRÍÐUR
Tafla 2. Lestrarhluti
Núm­er spurningar Hlutfall (%) Hlutfall (%) Hlutfall (%)
í könnun Allir/Rétt svör Drengir/Rétt svör Stúlkur/Rétt svör
1 71,8 71,0 73,9
2 95,0 94,4 95,7
3 71,8 80,4 62,0
4 59,9 56,1 63,0
5 98,5 97,2 100,0
6 91,6 90,6 92,4
7 90,6 88,8 92,4
8 51,5 51,4 52,2
9 87,1 86,9 87,0
10 63,4 60,8 67,4
11 86,6 86,0 87,0
12 74,8 72,9 77,2
13 71,3 72,0 70,7
14 31,2 29,9 32,6
15 70,8 67,3 73,9
Meðaltal af m­eðaltali 74,4 73,7 75,2
spurninga í leskönnuninni sést að hér eru einungis
fjórar spurningar þar sem svörun er 90 % eða meira,
þ.e. spurning 2, 5, 6 og 7. Sjö spurningar af 15 ná 70
– 90 % í svörun. Ein spurning sýnir svörun undir
50 %. Nemendur virðast skilja vel algengar athafnir
sem tengjast veruleika þeirra, eins og at lytte til
musik , at elske min hund, ride på en hest, damen i den
blå bil synger hafi þeir myndir að styðjast við og
um er að ræða form­ og merkingarlega samsvörun
við íslensku. Einungis um 30 % nemenda gerðu
greinarmun á fik chokoladekage og fik chokolade til
kagen. Hugsanlega eru íslensk börn hætt að fá heitt
súkkulaði að drekka og kakó látið nægja. Orðið cykel
tengir einungis um 50 % nemenda merkingu við og
sama gildir um en høj mand.
Vísbendingar og túlkun þeirra
Skilningur nemendanna á dönsku talmáli er tals­
verður. Ljóst er að full ástæða er til að halda að hægt
sé að nota dönsku sem samskiptamál í bekk strax í
byrjendakennslunni í töluverðum mæli. Niðurstöður
könnunarinnar gefa til kynna að nemendur skilji
nóg til að hægt sé að nota markmálið strax frá byrj­
un í öllum daglegum samskiptum í kennslustofunni
tali kennarinn hægt, endurtaki sig og noti líkams­
tjáningu og myndmál máli sínu til stuðnings enda
eiga nákvæmar útskýringar á málkerfi og slíku ekki
heima í byrjendakennslu barna
Við skipulag kennslu í byrjendanámi í dönsku má
gera ráð fyrir að nemendur hafi ákveðna bakgrunns­
þekkingu vegna skyldleika málanna og skilningi
þeirra á aðstæðum og að mikilvægt sé að byggja
ofan á þessa fyrirliggjandi kunnáttu nemenda.
Vegna aðstæðubundinnar þekkingar nemenda
þarf í upphafi dönskunáms að nota talsverðan tíma
í að vekja nemendur til vitundar um þá þekkingu
sem þeir búa þegar yfir og hve gegnsætt mál dansk­
an er fyrir Íslendinga.
Einnig er vert að leggja í náminu áherslu á hve lík
samfélög og menning í Danmörku og á Íslandi eru
og mikilvægt er að styrkja vitund barna um að margt
sem þeir þekkja að heiman á einnig við í Danmörku
og öfugt. Þeir þurfa þó smám saman að temja sér
ýmsar málvenjur og hegðun sem er breytileg frá
einni þjóð til annarrar.
Mikilvægt er að þjálfa með þeim algengt sam­
skiptamál í bekk samhliða því að hvetja þá til að
þora að prófa sig áfram og þeir læri að taka áhættu
sem málnotendur og gera það spennandi að glíma
við að tjá sig á erlendu máli.
Til umhugsunar
Að kenna ungum byrjendum er öðruvísi kennsla
og krefst annars konar tækni en að kenna þeim
sem eldri eru. Því er mikilvægt að kennarar hafi
möguleika á því að sérhæfa sig í kennslu ungra byrj­
enda. Það þýðir að kennarar þurfa að eiga aðgang að
námskeiðum í byrjendakennslu bæði í grunnnámi
kennaramenntunar og í símenntun og að þeir hafi
tækifæri til að sækja þau. Einnig þurfa stjórnendur