Málfríður - 15.10.2007, Blaðsíða 31
MÁLFRÍÐUR 1
sig fram við að gera læsilegan og lifandi texta með
skemmtilegum myndum.
Enn sem komið er er reynsla okkar kennaranna
þriggja og nemenda af verkefninu bara jákvæð
− Nemendur hafa meiri áhuga á að lesa texta og
eru tilbúnir til að skrifa eitthvað. Það hvetur
þá áfram að það er verið að fjalla um reynslu
þeirra og um ungt fólk á þeirra aldri og þeim
finnst áhugavert að bera saman lífið og menn
inguna í löndunum þremur.
− Þeir vilja að það sem þeir skrifa sé rétt vegna
þess að það birtist á netinu og allir geta lesið
textana.
− Þeim finnst textarnir áhugaverðari með mynd
um en án þeirra og belgísku krakkarnir nefna
að þeir kunni að meta að textarnir séu flott
uppsettir.
− Tæknilega hefur allt gengið vel. Það voru smá
vandamál í upphafi við að hlaða myndir inn í
vefumhverfið og það þarf að gæta þess að það
sé ekki stór hópur nemenda að gera það á sama
tíma.
− Og síðast en ekki síst, nemendur mæta best í
þessar kennslustundir, það þarf að minna þá á
að taka sér hlé og að tíminn sé búinn.
Eins og fram hefur komið þá valdi ég þennan mála
brautarhóp vegna þess að ég er ekki eins bundin
af yfirferð í þessum áfanga og í öðrum en eftir þá
reynslu sem komin er langar mig mikið að nota
EJournal með nemendum þriðja bekkjar (þýs402 og
412) sem ekki eru á málabraut. Ég sé núna að þetta
ritunarferli skilar árangri og að það yrði örugglega
hvetjandi fyrir nemendur sem ekki hafa mikinn
áhuga á tungumálum að vita að einhverjir lesa text
ana þeirra og að fá athugasemdir frá öðrum ungl
ingum. Þarna fengju þeir sem hafa gott auga fyrir
uppsetningu og útliti líka að njóta sín og þessi ritun
gæti komið í staðinn fyrir önnur ritunarverkefni
sem nemendur skila og verkefnið því orðið hluti af
eðlilegri yfirferð og námsmati.
Það ætti að vera auðvelt fyrir þýskukennara sem
hafa áhuga á að nota EJournal að finna samstarfs
aðila. Á vefsíðu pennavinaverkefnisins Das Bild der
anderen má t.d. finna auglýsingar eftir samstarfi
eða setja inn auglýsingu og í auglýsingunum er
tekið fram hvort kennararnir hafa áhuga á að nota
EJournal vefumhverfið eða ekki.
Heimildir
http://fastwrite.ejournal.fi/ Gagnvirki spurningalistinn, hægt að velja
tungumál, ensku þýsku eða spænsku)
http://ejournal.eduprojects.net/inari05 Vefurinn okkar: Deutsch
macht Spaß – Jugendliche in Europa
http://www.goethe.de/ins/pl/lp/prj/bld/ Das Bild der anderen
http://www.eduprojects.net/dafnord/ Dafnord
http://daf.eduprojects.net/blog/ Ilpo Halonen bloggar
http://www.ejournal.fi/daf1/ Upplýsingar um netfundi þýskukenn
ara