Læknablaðið : fylgirit - 01.04.2012, Síða 46
VISINDI A VORDOGUM
FYLGIRIT 70
og 23 færðust af stigi IIIB (T4N0-1) á stig IIIA. Þrír sjúklingar á stigi IIIB
með hnúta í sama blaði færðust á stig IIB eða IIIA. Lítill munur var á
lífshorfum nema fyrir stig IIIB (0 sbr. við 24%).
Ályktun: Breyting á stigun var hlutfallslega mest á stigi IIIB sem lækk-
aði lifun á því stigi en hækkaði hana á stigi IIIA og samrýmist betur
viðurkenndri lifun á stigi IIIA. Einnig færðust allmargir sjúklingar frá
stigi I á stig II án þess að hafa mikil áhrif á lifun. Lifunartölur skv. nýja
stigunarkerfinu virðast gefa sannari mynd af sambandi milli stigunar og
lifunar en í eldra stigunarkerfi.
Tafla 6. útgáfa 7. útgáfa
TNM stig n(%) 5 ára lifun (%) n(%) 5 ára lifun (%)
I 224 (55) 55 194(48) 58
II 94 (23) 27 128(32) 29
IIIA 30(7) 20 61 (15) 22
IIIB 35(9) 24 3(1) 0
IV 21(5) 7 18(5) 5
112 Heilliðun í mjöðm með eða án sements: frumniðurstöður úr
göngugreiningu
Jan Triebel', Gígja Magnúsdóttir3, Grétar Halldórsson3, Þröstur Pétursson5, Benedikt
Magnússon5, Gianluca Izzo4-5, Egill Axfjörð Friðgeirsson56, Paolo Gargiulo5-6, Halldór
Jónsson jr
'Biektunarskurölækningadeitd Landspítala, 3bæklunarskurðlæknisfræði HÍ,
'endurhæfingardeild Grensási, 'heilbrigðisverkfræðideiid Landspítala, Federico II University
of Naples, Ítalíu, "heilbrigöisverkfræðisvið, tækni- og verkfræöideild Háskólans í Reykjavik,
'’heilbrigðis- og upplýsingatæknideild Landspítala
ImlldorSlsh.is
Inngangur: Heilliðun í mjöðm (TPM) er gerð með eða án sements.
Vegna skorts á áreiðanlegum viðmiðunarreglum um hvort sjúklingur
eigi að fá heillið með eða án sements, var sett í gang klínísk og verk-
fræðileg rannsókn. Þetta er klíníski hlutinn, þar sem markmiðið var að
nota göngugreiningu til að magngreina bata við aðgerðina.
Efniviður og aðferðir: Tuttugu og tveir sjúklingar sem voru að fara í
heilliðunaraðgerð í mjöðm samþykktu að taka þátt. Gerð er göngu-
greining með samtengdri göngumottu og kvikmyndavélum strax
fyrir aðgerð, eftir 6 vikur og eftir 1 ár, ásamt sneiðmyndarannsókn á
mjaðmaliðasvæði og niður á mið lærbein strax fyrir, strax eftir aðgerð
og eftir 1 ár.
Niðurstöður: Sex sjúklingar (3 sement, 3 ekki sement) hafa lokið við
alla rannsóknarliði fyrir 6 vikna tímann. Báðir hópamir sýna aukningu
í gönguhraða og skreflengd: aukning í gönguhraða í sement hópnum
(meðalaldur 70) var 35% (fyrir: 58cm/sec _ eftir: 90cm/sec) og 16%
(fyrir: 80cm/sec _ eftir: 95cm/sec) í ekki sement hópunum (meðalaldur
61), aukning í skreflengd var 25% (fyrir: 40cm _ eftir:53cm) í sement
hópnum og 7,5% (fyrir: 50cm _ eftir: 54cm) í ekki sement hópnum.
Samantekt: Göngugreining hefur verið sannreynt sem gagnlegt mæli-
tæki til að greina orsakir vandamála frá ganglimum. Við höfum valið
göngugreiningu sem mælitæki til að magngreina bata eftir heilliðunar-
aðgerð á mjöðm með eða án sements. Þrátt fyrir stuttan tíma frá aðgerð
gefa frumniðurstöður þessa rannsóknarhluta slíkan mun milli hópanna,
að að við teljum nauðsynlegt að halda henni áfram þar til áreiðanlegur
styrkur hefur náðst til að grundvalla val á því, hvort sjúklingur fer í
sement eða ekki sement heilliðunaraðgerð á mjöðm.
113 Fyrsta reynsla af Trifecta ósæðarloku í Lundi
Jóhanna F. Guðmundsdóttir', Sigurður Ragnarsson2, Shahab Nozohoor2, Tómas
Guðbjartsson'-3, Johan Sjögren2
'Læknadeild HÍ, 'hjarta- og lungnaskurðdeild háskólasjúkrahússins á Skáni, Lundi Svíþjóð,
'hjarta- og lungnaskurðdeild Landspítala
iolmfg@gmail.com
Inngangur: St Jude Medical® Trifecta™ (SJT) er ný tegund Iífrænnar
ósæðarloku sem er gerð úr gollurshúsi kálfa. Niðurstöður úr prófunum
á lokunum hafa lofað góðu en klínískar rannsóknir eru enn af skomum
skammti. Markmið þessarar afturskyggnu rannsóknar var að kanna
snemmkominn árangur fyrstu aðgerðanna í Lundi og meta þrýstingsfall
yfir lokuna á fyrstu mánuðum eftir aðgerð.
Efniviður og aðferðir: Frá október 2010 til maí 2011 gengust 11 sjúkling-
ar undir ósæðarlokuskipti með Trifecta-Ioku. Átta af 11 höfðu alvarleg
ósæðarlokuþrengsl en í 6 tilfellum var einnig gerð kransæðahjáveita.
Stuðst var við gögn úr sjúkrakrám og haft samband við alla sjúklinga
símleiðis til að kanna afdrif þeirra. Þrýstingsfall yfir lokuna var metið
með hjartaómskoðun. Meðal eftirfylgd var 13±2,5 mánuðir.
Niðurstöður: Meðalaldur sjúklinga var 78±6 ár, og voru konur 5 talsins.
Meðalstærð ígræddu Iokanna var 23 mm (bil 21-25). Allir sjúklingarnir
voru á lífi ári frá aðgerð, án merkja um lokubilun, blóðsegamyndun
eða hjartaþelsbólgu. Ári frá aðgerð voru 5 sjúklinganna (45%) í lægri
NYHA-flokki en hinir 6 í sama flokki. Meðal þrýstingsfall yfir lokuna
fyrstu viku eftir aðgerð var 9,5±6,0 mmHg og hámarks þrýstingsfall
16,9±9,9 mmHg. Tíu sjúklinganna höfðu gengist undir ómskoðun,
að meðaltali 8,1±5,9 mánuðum eftir aðgerð, og mældist þrýstingsfall
10,0±6,5 mmHg og hámarks þrýstingsfall 19,2±11,6 mmHg.
Ályktun: Fyrstu niðurstöður benda til þess að snemmkominn árangur
við ósæðarlokuskipti með Trifecta-loku sé góður og þrýstingsfall lágt.
Frekari rannsókna með stærra sjúklingaþýði er þörf til að meta lang-
tímaárangur lokunnar.
114 Er árangur skurðaðgerða við lungnakrabbameini síðri hjá
öldruðum?
Kristján Baldvinsson', Andri Wilberg Orrason', Ingvar Þ. Sverrisson2, Húnbogi
Þorsteinsson', Martin Ingi Sigurðsson3, Steinn Jónsson4, Tómas Guðbjartsson'-2
'Læknadeild HÍ, 'hjarta- og lungnaskurðdeild, svæfinga- og gjörgæsludeild, 'lungnadeild
Landspftala
krbU@hi.is
Inngangur: Aldraðir eru vaxandi hluti þeirra sem greinast með lungna-
krabbamein og geta því þurft skurðaðgerð. Óljóst er um árangur þessara
aðgerða hjá öldruðum og tilgangur rannsóknarinnar að kanna árangur
skurðaðgerða í þessum aldurshópi.
Efniviður og aðferðir: Afturskyggn rannsókn á sjúklingum sem
gengust undir skurðaðgerð vegna lungnakrabbameins (smáfrumu-
krabbamein undanskilin) á íslandi 1991-2010. Einstaklingar 75 ára og
eldri (n=108, 21%) voru bomir saman við yngri sjúklinga (n=404, 79%)
m.t.t. áhættuþátta, fylgikvilla, stigunar eftir aðgerð (pTNM) og lifunar.
Fjölbreytugreining var notuð til að meta forspárþætti langtíma heildar-
lifunar og áhrif aldurs á árangur aðgerðanna.
Niðurstöður: Karlmenn voru marktækt fleiri á meðal eldri sjúklinga
(61% sbr. 48%, p=0,02), ASA-skor var hærra og tíðni kransæðasjúkdóms
(47% sbr. 22%, p<0,0001) hærri. Lungnastarfsemi var hins vegar
sambærileg í hópunum. Eldri sjúklingar gengust oftar undir fleyg-
skurð (24% sbr. 8%, p<0,0001) og sjaldnar undir lungnabrottnám (4%
sbr. 16%, p=0,0002). Æxlisstærð í hópunum var sambærileg en eldri
sjúklingar greindust með lægri TNM-stigun, eða 91% sbr. 71% á stigi
I+II (p=0,0002). Tíðni alvarlegra fylgikvilla var sambærileg en minni-
46 LÆKNAblaðið 2012/98