Dagblaðið Vísir - DV - 12.12.2012, Blaðsíða 4

4 Fréttir 12. desember 2012 Miðvikudagur
Vilja betri lýsingu á Austurvöll
n Lýsing lykilatriði í öryggi þingmanna
G
óð lýsing á Austurvelli og á
svæðinu frá Aðalstræti að
þinghúsinu er eitt mikilvæg­
asta atriðið í því að tryggja
öryggi þingmanna í för sinni til og
frá þinghúsinu. Þetta kemur fram í
svari Ástu Ragnheiðar Jóhannes­
dóttur, forseta Alþingis, við fyrir­
spurn Vigdísar Hauksdóttur, þing­
konu Framsóknarflokksins. Vigdís
spurði hvort úttekt hefði verið gerð
á öryggismálum er snúa að ferðum
alþingismanna til og frá skrifstof­
um sínum í þinghúsið.
„Öryggismál Alþingis eru í sí­
felldri athugun hjá skrifstofu
þingsins, þar á meðal þeir þættir
er snúa að ferðum alþingismanna
til og frá skrifstofum sínum í þing­
húsið,“ sagði Ásta Ragnheiður
meðal annars í svari sínu við fyrir­
spurninni. Í svarinu kemur fram
að lýsingin snúist ekki eingöngu
um að alþingismennirnir sjái vel
hvað sé að gerast á því svæði sem
þeir ætla að ganga yfir heldur líka
fyrir öryggismyndavélar þings­
ins. Lýsingin á svæðinu er þó ekki
á ábyrgð þingsins heldur Reykja­
víkurborgar.
Í svarinu segir Ásta Ragnheiður
að ekki hafi tekist að fá Reykja­
víkurborg til að bæta úr lýsingunni
við Austurvöll þrátt fyrir að þrýst
hafi verið á það. „Fundir, sem for­
seti og starfsmenn hafa haldið með
fulltrúum Reykjavíkurborgar til að
þrýsta á um viðunandi lýsingu á
Austurvelli og í nágrenni Austur­
vallar, hafa ekki borið árangur enn
sem komið er,“ segir hún. n
adalsteinn@dv.is
S
téttarfélagið VR hefur áhuga
á að eignast eignir hjúkr­
unarheimilisins Eirar, sem
stendur frammi fyrir rekstrar­
erfiðleikum um þessar mund­
ir, samkvæmt heimildum DV. VR er
einn af stofnaðilum sjálfseignarstofn­
unarinnar sem rekur Eir en félagið var
stofnað árið 1990. Í síðasta mánuði
var greint frá því í fjölmiðlum að Eir
væri tæknilega gjaldþrota vegna mik­
illar skuldsetningar félagsins og hefur
verið unnið að því síðan að koma lagi
á reksturinn og tryggja framtíð hjúkr­
unarheimilisins. Eir skuldar átta millj­
arða króna og tapaði rúmum sex­
hundruð milljónum í fyrra.
VR er einn af óbeinum kröf­
uhöfum Eirar í gegnum verðbréfa­
fyrirtækið Virðingu og Lífeyrissjóð
verslunarmanna. Lífeyrissjóður
verslunarmanna á tæplega tíu pró­
senta hlut í Virðingu og er stærsti
hluthafinn á eftir framkvæmdastjóra
Virðingar, Friðjóni Rúnari Sigurðs­
syni. Aðrir eigendur Virðingar eru líf­
eyrissjóðir eins og Sameinaði lífeyris­
sjóðurinn, Stafir og Lífeyrissjóður
verkfræðinga. Virðing lánaði Eir þrjá
milljarða króna árið 2010 og kom um
milljarður af því frá VR. Lífeyrissjóður
verslunarmanna er því í ágætri samn­
ingsstöðu gagnvart Eir.
Rætt í stjórn VR
DV hefur heimildir fyrir því að mál­
efni Eirar hafi verið rædd innan
stjórnar VR. Þær heimildir herma að
formaður VR, Stefán Einar Stefáns­
son, hafi sagt við aðra stjórnarmenn
að hann skyldi sjá um málefni VR
fyrir hönd VR. Stéttarfélagið á veru­
legra hagsmuna að gæta í Eirarmál­
inu í gegnum Lífeyrissjóð verslun­
armanna. Erfitt gæti reynst að finna
lausn á Eirarmálinu án aðkomu eða
stuðnings Lífeyrissjóðs verslunar­
manna vegna þeirra hagmuna sem
þessi aðili á að gæta í málinu.
VR hefur hingað til haft nokkra að­
komu að þeirri umræðu um Eir sem
upp hefur komið um hjúkrunarheim­
ilið. Meðal annars boðaði Stefán
Einar helstu stjórnendur Eirar á fund
í húsakynnum VR í Kringlunni þann
22. nóvember síðastliðinn þar sem
rætt var um framtíð félagsins. Í sam­
tali við RÚV sagði Stefán Einar um
málið að hann vildi skapa samstöðu
um að nýtt 37 manna fulltrúaráð hjá
Eir yrði skipað og í kjölfarið ný stjórn.
Hafa fengið fyrirspurnir um Eir
Helgi Jóhannesson, lögmaður á Lex
sem vinnur að því að tryggja rekstrar­
grundvöll Eirar ásamt stjórnendum
hjúkrunarheimilisins og KPMG, segir
að fátt nýtt sé að frétta af málefnum
Eirar. Hann segir að nokkrir aðilar
hafi haft samband varðandi möguleg
kaup á eignum félagsins. „Við höfum
verið að vinna að lausnum á rekstrar­
vandanum og það gengur þannig séð
ágætlega þó við séum ekki tilbún­
ir með neinar lausnir sem við get­
um greint frá á þessari stundu. […]
Það hafa einhverjir aðilar komið að
máli við okkur og spurt um hvað mál­
ið snýst. En þegar menn sjá að það
fylgir eignunum kvöð við íbúðaréttar­
hafana þá er nú ekki alveg auðvelt að
finna kaupanda,“ segir Helgi.
Helgi segist ekki kannast við þenn­
an áhuga VR á eignum Eirar. „Ég hef
ekki heyrt það. Virðing er einn af veð­
höfunum og þeir koma fram fyrir
hönd nokkurra lífeyrissjóða, meðal
annars VR. En það er ekki þannig að
VR hafi komið til okkar og beðið um
að fá að kaupa þetta. Það er mikilvægt
að því sé til haga haldið að þessir tveir
aðilar, spekúlantar á fasteignamark­
aða, hafa komið til okkar en við erum
ekki að vinna með neina lausn frá VR
á málefnum Eirar.“
DV hefur hins vegar traustar heim­
ildir fyrir því að þessi áhugi á Eir sé
fyrir hendi hjá VR. n
VR áhugasamt um EIR
n Formaður VR hefur sagt stjórninni að hann sjái um málefni Eirar„Virðing er einn af
veðhöfunum og
þeir koma fram fyrir hönd
nokkurra lífeyrissjóða,
meðal annars VR.
Ingi Freyr Vilhjálmsson
fréttastjóri skrifar ingi@dv.is
Hefur haft sig í frammi Stefán Einar Stef-
ánsson, formaður VR, hefur tjáð sig nokkuð um
Eir í fjölmiðlum. Hann hefur sagt stjórn VR að
hann muni sjá um Eirarmálið fyrir hönd VR.
Óvissa um framtíð Eirar Óvissa ríkir um
framtíð hjúkrunarheimilisins Eirar eftir fram-
kvæmdastjóratíð Sigurðar Helga Guðmunds-
sonar. VR er áhugasamt um eignir félagsins.
Rannsókn
lýkur senn
„Þetta er í vinnslu en þessu kemur
til með að ljúka fljótlega,“ segir
Ómar Smári Ármannsson að­
stoðaryfirlögregluþjónn aðspurð­
ur um stöðu rannsóknar á kyn­
þáttaníðsmálinu sem kom upp í
Smáralind í síðustu viku. Þar veitt­
ist miðaldra hvítur karlmaður með
kynþáttaníði gegn ungmennum af
asískum uppruna og vakti atvikið
vakti mikla athygli. Þar sagði mað­
urinn meðal annars: „Þið eruð öll
sama draslið maður“ og reyndi að
espa ungmennin til slagsmála. Í
hegðun hans og framkomu birt­
ust skýrir fordómar. Ómar Smári
segir rannsókn málsins vera á
lokametrunum. „Við gefum ekkert
upp, en þetta er í vinnslu og við
stefnum á að ljúka því fljótlega,“
segir hann aðspurður hvort búið
sé að yfirheyra manninn.
Kári dæmdur
til greiðslu
Kári Stefánsson, stofnandi og
forstjóri Íslenskrar erfðagrein­
ingar, þarf að greiða rafverktak­
anum Elmax 1,1 milljón króna
samkvæmt dómi Héraðsdóms
Reykjavíkur sem féll á mánudag.
Málavextir eru þeir að Kári fól
Elmax að athuga hvort allar lagna­
leiðir fyrir rafmagn væru opnar
og óskemmdar í nýbyggingu við
Fagraþing 5 í Kópavogi í fyrra.
Þegar verkinu var lokið gaf Elmax
út tvo reikninga vegna vinnunnar
og mótmælti Kári þeim því honum
fannst Elmax rukka of mikið fyrir
vinnuna. Kári hafði látið mats­
tækni leggja mat á vinnuna sem
starfsmenn Elmax unnu og var
niðurstaða þess mats að heildar­
kostnaður vinnunnar væri 310
þúsund krónur, sem Kári greiddi
Elmax í apríl á þessu ári, og taldi
hann það vera fullnaðargreiðslu
fyrir vinnunna. Féllst Elmax ekki á
þetta og stefndi því Kára. Kára var
einnig gert að greiða fjögur hund­
ruð þúsund krónur í málskostnað.
Alþingi Alþingismenn þurfa að ganga
yfir Austurvöll til að komast af skrifstofum
sínum inn í þinghúsið. Mynd SigtRygguR ARi
Áhugi á Eir Hjúkrunarheimilið hefur
verið í umræðunni að undanförnu
vegna fjárhagserfiðleika. VR hefur
áhuga á að eignast eigur þess.