Dagblaðið Vísir - DV - 12.12.2012, Blaðsíða 10

Þ
að eru um 4.000 fjölskyldur
sem þiggja aðstoð frá okkur
um jólin. Þannig að þetta
kemur sér vel fyrir skjól-
stæðinga okkar,“ segir Ás-
gerður Jóna Flosadóttir hjá Fjöl-
skylduhjálp Íslands en samtökin
hlutu veglega gjöf á þriðjudag frá
66°Norður og Krónunni. „Þeir hjá
66°Norður færðu okkur mikið magn
af fallegum fatnaði á börn á aldr-
inum 2–10 ára og það fer einvörð-
ungu í jólagjafir til okkar fólks,“ seg-
ir hún en þetta er þriðja árið sem
fyrirtækið færir Fjölskylduhjálpinni
slíka gjöf. „Styrktar- og menningar-
sjóður Norvíkur styrkti starfið um
milljón í 200 innkaupakortum upp
á 5.000 krónur sem skjólstæðingar
okkar fá.“
Borða hafragraut í öll mál
Ásgerður Jóna segir marga þurfa
hjálp fyrir jólin. Sérstaklega sé
mikil fjölgun í hópi eldri borgara.
„Margir af eldri kynslóðinni hafa
haft samband við mig – fólk sem
hefur verið að þreyja þorrann með
því að borða hafragraut í öll mál síð-
ustu tíu daga mánaðarins. Fólk sem
er að verða nírætt er koma til okk-
ar. Það er sorglegt að horfa upp á
þetta fólk sem byggði landið standa
svona illa,“ segir Ásgerður alvar-
leg og ítrekar að ástandið sé slæmt.
„Það er bara borðleggjandi að ör-
yrkjar og eldri borgarar eru búnir að
hafa það mjög slæmt frá árinu 1996.
Einstæðir foreldrar hafa líka búið
við mjög bág kjör. Það eru miklar
skerðingar en á sama tíma hækk-
ar allt verðlag. Dæmið gengur bara
ekki upp, fólk nær ekki að borga
leigu og eiga fyrir mat. Maður skilur
ekki að það sé ekki komin borgara-
styrjöld hérna því við erum að fara
svo illa með ákveðna hópa. Það
er eins og stjórnvöld átti sig ekki
á þessu. Þau loka augunum fyrir
ástandið,“ segir hún.
Opnir öllum
Fjölskylduhjálpin er með tvö
útibú, eitt í Reykjavík og annað í
Reykjanesbæ, og Ásgerður segir ekki
vera vanþörf á. „Það hefur ekkert
breyst hérna, það er sama ástandið
– ár eftir ár. Fólk er ekki bara fátækt
fyrir jólin heldur allt árið. Við geng-
um svo nærri okkur við síðustu jóla-
úthlutun að við þurftum að fækka
matarúthlutunum á mánuði og því
hafa færri getað leitað til okkar.“
Fjölskylduhjálpin rekur tvo markaði
til styrktar starfinu og Ásgerður
hvetur fólk til þess að kíkja á mark-
aðina sem eru opnir öllum. „Það eru
margir sem halda að markaðirnir
séu bara opnir fyrir skjólstæðinga
okkar en þeir eru opnir öllum og þar
er hægt að gera mjög góð kaup. Við
erum með flottar flíkur á góðu verði,“
segir hún en ágóðinn rennur allur til
starfsemi Fjölskylduhjálparinnar.
Þetta er ekki betl
Enn er hægt að skrá sig í jóla úthlutun
hjá Fjölskylduhjálpinni. „Það hafa
allir lokað fyrir skráningu nema við
en við ætlum ekki að vera með neinn
lokadag og erum vön að hjálpa fram
á aðfangadag. Ég er svo heppin að
ég er alltaf í mat hjá mömmu minni
á jólunum þannig að ég þarf ekki
að hafa áhyggjur af því að elda á
aðfangadag og get því verið hér til
hjálpar,“ segir Ásgerður.
Hún segir mikilvægt að fólk
skammist sín ekki fyrir að þurfa að
þiggja aðstoð. „Ég segi við skjól-
stæðinga okkar að þeir eigi að vera
stoltir og ekki skammast sín því
það er ekki þeim að kenna hvernig
ástandið er. Þetta er ekki betl og hér
er fólk velkomið og það á að bera
höfuðið hátt.“ n
lifa á hafragraut
n Margir leita aðstoðar hjá Fjölskylduhjálp Íslands n Eldri borgurum fjölgar
10 Fréttir 12. desember 2012 Miðvikudagur
„… fólk sem hefur
verið að þreyja
þorrann með því að
borða hafragraut í öll mál
síðustu tíu daga mánað-
arins.
Viktoría Hermannsdóttir
blaðamaður skrifar viktoria@dv.is
Góðar gjafir Hér má sjá Ásgerði Jónu ásamt þeim Helga Rúnari Óskarssyni, forstjóra 66°Norður, og Kristni Skúlasyni, forstjóra Krónunnar,
þegar Fjölskylduhjálpinni voru afhentar góðar gjafir frá fyrirtækjunum á þriðjudag. Mynd eyÞór árnasOn