Dagblaðið Vísir - DV - 12.12.2012, Blaðsíða 6

6 Fréttir 12. desember 2012 Miðvikudagur
Tíu milljarða hækkun
n Vaxtagjöld jukust mikið á fyrstu níu mánuðum ársins
F
yrstu níu mánuði ársins voru
tekjur ríkissjóðs um 399 millj-
arðar króna. Það er hækkun
um þrjátíu milljarða frá sama
tímabili á síðasta ári. Hækkunin
nemur um 8,2 prósentum á milli
ára. Þetta kemur fram í Hagtíðind-
um Hagstofu Íslands sem birt voru á
mánudag.
Þar kemur einnig fram að skattar
og tryggingagjöld skiluðu ríkis-
sjóði langmestu, um 346 milljörðum
króna, jafnvirði tæplega 87 pró-
senta. Þar af voru það skattar á vöru
og þjónustu sem skiluðu mestu, 158
milljörðum á tímabilinu. Skattar á
tekjur og hagnað skiluðu 114 millj-
örðum króna og tryggingagjöldin
rúmum fimmtíu milljörðum.
Í Hagtíðindum kom einnig
fram að útgjöld ríkisins hækkuðu á
tímabilinu frá því á sama tímabili í
fyrra. Útgjöld ríkissjóðs námu um
433 milljörðum króna en í fyrra
voru útgjöldin rúmlega 417 millj-
arðar á fyrstu níu mánuðum ársins.
Hækkunin skýrist að mestu af aukn-
um vaxtagjöldum en þau jukust um
tíu milljarða króna á tímabilinu. Þá
skýrist hækkunin einnig af auknum
launagjöldum um sex milljarða
króna.
Þar kemur einnig fram að stærsti
útgjaldaliðurinn sé fjárframlög til
almannatrygginga og sveitarfélaga.
Útgjöld vegna þessa voru ríflega
138 milljarðar króna á tímabilinu.
Launaútgjöld ríkisins voru næst-
stærsti útgjaldaliðurinn en 96 millj-
arðar fóru úr ríkissjóði í laun. Kaup
á vöru og þjónustu kostuðu rúmlega
68 milljarða króna og vaxtagjöldin
voru 65 milljarðar króna.
adalsteinn@dv.is
Mikið úrval af
föndurvörum og garni,
tilvalið í jólaföndrið
og jólagjafirnar.
Bóndinn ósáttur
„Það á bara að drepa mann lif-
andi,“ segir Bjarni Bærings Bjarna-
son, kúabóndi á Brúarreykjum
í Borgarfirði, í viðtali við Frétta-
blaðið þar sem hann segist beittur
valdníðslu með afturköllun Mat-
vælastofnunar á starfsleyfi kúa-
bús hans. Hann segir fótum hafa
verið kippt undan fjárhag fjöl-
skyldu sinnar en hann hefur sótt
aftur um starfsleyfi og bíður svars.
Í bréfi sem Matvælastofnun sendi
bóndanum kom fram að naut-
gripir hefðu verið drulluskítugir
og for um allt fjós og upp um alla
veggi. Níutíu gripir voru í fjósinu
sem er hannað fyrir 64 sem leið-
ir til þess að skítur safnast hratt
upp. Af þessum ástæðum var
býlinu gert óheimilt að afhenda
mjólk eða sláturgripi frá og með
1. desember. Steinþór Arnarson,
lögfræðingur Matvælastofnunar,
hefur sagt Brúarreyki hafa feng-
ið ítrekaðan frest til úrbóta og að
afturköllun starfsleyfisins sé fyrir-
byggjandi aðgerð.
Ók bifreið
út í móa
Lögreglunni á Suðurnesjum
barst um helgina tilkynning um
undarlegt aksturslag ökumanns á
Reykjanesbraut. Þar hefði verið í
gangi eins konar svigakstur á veg-
kaflanum milli Voga og Grindavík-
ur. Fylgdi sögunni að ökumaðurinn
hefði ekið bifreiðinni út af vegin-
um og eitthvert út í móa. Lögregla
hóf leit að bifreið og öku manni
og hafði erindi sem erfiði við veg-
slóða við Vogana. Bílstjórinn tjáði
lögreglumönnum að hann hefði
verið orðinn mjög þreyttur og því
farið út af Reykjanesbrautinni til
að leggja sig, sem var vitaskuld hið
eina rétta í stöðunni.
Stærstu útgjöldin Útgjöld ríkissjóðs eru til almannatrygginga og sveitarfélaga. Al-
mannatryggingar fela meðal annars í sér sjúkratryggingar landsmanna. Mynd ÁSgeir M einarSSon
n Ekkert verður af fyrirhugaðri tónleikaferð Frostrósa í ár
F
yrirhugaðri tónleikaferð
Frostrósa til Norðurlanda
hefur verið frestað til næsta
árs. Til stóð að Frostrósir færu í
útrás í nóvember og desember
og héldu sams konar tónleika í Nor-
egi, Svíþjóð og Danmörku og haldn-
ir hafa verið hér á landi undanfarin
ár við miklar vinsældir. Tónleikarn-
ir sem um ræðir voru auglýstir sem
þeir stærstu jólatónleikar sem haldn-
ir yrðu í Evrópu. Flest af því tónleika-
fólki sem átti að koma fram á tónleik-
unum er erlent en þó áttu nokkrir
íslenskir söngvarar að koma fram sem
gestir. Einnig átti að vera með í för
starfsfólk sem átti að vinna við annað
sem tengist uppfærslu tónleikanna.
Tekjutap
Samkvæmt heimildum DV verða
nokkrir einstaklingar sem áttu að
vinna við uppsetningu tónleikanna
fyrir tekjutapi af þessum sökum.
Unnið er að því ná samkomulagi við
þessa einstaklinga og skipuleggjend-
ur. „Það var um miðjan október sem
við tókum endanlega ákvörðun um að
fresta tónleikunum um eitt ár,“ segir
Samúel Kristjánsson, einn af skipu-
leggjendum Frostrósa-tónleikanna.
Hann segir tímaskort vera ástæð-
una fyrir að ákveðið var að fresta
tónleikunum. „Þetta er náttúrulega
risastórt verkefni og mikill vegur að
ryðja á einu ári. Þetta var allt komið,
við erum búnir að reka skrifstofu út
í Ósló meira en helminginn af árinu,
en síðan kom upp eitt vandamál og
miðasölutíminn er stuttur. Upphaf-
lega var áætlað að fara í sölu í byrj-
un október, en það tók tíma að leysa
þetta vandamál og við mátum stöð-
una þannig að tíminn væri of stuttur.“
Hafa trú á verkefninu
Varðandi það starfsfólk tónleikanna
sem átti að vinna við uppsetningu og
annað segir Samúel skipuleggjendur
vera í góðu sambandi við þá. „Við
erum í góðu sambandi við alla þá
söngvara sem áttu að fara með okkur
út og ég held að þeir verði allir með
okkur á tónleikunum að ári. Við erum
svona að fara yfir þetta með öllum og
gera upp ákveðnar bætur fyrir þetta
tjón.“
Samúel segir að hljómleikahall-
irnar ytra yrðu fyrir mesta fjárhags-
lega tapinu vegna frestunarinnar.
„Það eru í raun tónleikahúsin úti sem
tapa á þessu, þar sem þetta datt út úr
bókuninni hjá þeim, en þau munu
starfa áfram með okkur og fluttu bók-
unina um ár án þess að láta falla á
okkur mikinn kostnað því þau hafa
trú á verk efninu í framtíðinni og vilja
byggja það upp. Þau voru sammála
um að áhættan væri of mikil fyrir
svona stuttan tíma.“
ekki hrist fram úr erminni
Hann segir sölutímabilið úti fyrir
tónleika af þessu tagi löngu hafið og
að fólk sé þá búið að kaupa miða á
aðra jólatónleika. „Þetta eru náttúru-
lega risatónleikar, við erum að fara í
10.000–20.000 manna hallir, þannig
að þetta er ekki eitthvað sem mað-
ur hristir fram úr erminni.“ Að sögn
Samúels liggur gífurleg áhætta að
baki hjá mörgum aðilum og eru allir
sammála um að betra sé að bíða í eitt
ár og hafa þá tónleikana eins og lagt
var upp með í upphafi. n
Frestast Fyrirhugað var að
Frostrósir héldu tónleika á
Norðurlöndunum í nóvember og
desember en ákveðið hefur verið
að fresta þeim fram á næsta ár.
Hanna Ólafsdóttir
blaðamaður skrifar hanna@dv.is
Útrás Frostrósa
var slegið á Frest