Dagblaðið Vísir - DV - 12.12.2012, Blaðsíða 26

18 Sport 12. desember 2012 Miðvikudagur
Bestu og verstu
kaupin í janúar
n Litið á verstu og bestu kaup ensku liðanna í janúarglugganum
N
ú þegar styttist óðfluga í að janúar-
glugginn opnist í Evrópu er ekki úr
vegi að líta um öxl og skoða bestu og
verstu kaup knattspyrnuliða á leik-
mönnum í janúar. Sjónunum að þessu sinni
er aðeins beint að ensku úrvalsdeildinni og
kaupum sem gerð voru árið 2004 eða síðar.
Það er óhætt að segja að ensku liðin hafi gert
æði misjöfn kaup í janúarglugganum. Sumir
leikmenn hafa slegið rækilega í gegn á með-
an aðrir hafa ekki getað neitt.
einar@dv.is
FiMM Bestu kaupin
FiMM verstu kaupin
Fernando Torres
Liverpool til Chelsea árið 2011
Verð: 50 milljónir punda
Frá því að Torres gekk í raðir Chelsea frá Liver-
pool hefur hann skorað 23 mörk í 92 leikjum.
Það er arfaslakur árangur sé litið til þess að
Torres er einn dýrasti knattspyrnumaður
sögunnar. Spánverjinn sló í gegn með Liverpool
þar sem hann var einn allra heitasti framherji
heims. Hjá Chelsea hefur hann ekki náð sama
flugi og virðist á köflum vera skugginn af
sjálfum sér. Eitt og annað bendir þó til þess að
Torres sé að ná sér á strik aftur. Hann hefur til
dæmis skorað fjögur mörk í síðustu tveimur
leikjum sínum.
Andy Carroll
Newcastle til Liverpool árið 2011
Verð: 35 milljónir punda
Það kom mörgum á óvart að Liverpool skyldi
greiða 35 milljónir punda fyrir leikmann sem
hafði í raun einungis spilað hálft tímabil í ensku
úrvalsdeildinni. Liverpool hefði betur geymt
peningana inni á bankareikningnum því Carroll
náði aldrei að slá í gegn með Liverpool eins og
allir þekkja. Hann náði að spila 58 leiki með
Liverpool og skora 11 mörk áður en hann var
lánaður til West Ham í sumar. Þar hefur hann
komið við sögu í níu leikjum og skorað eitt mark.
James Beattie
Southampton til Everton árið 2005
Verð: 6 milljónir punda
Eftir að hafa skorað 37 mörk á tveimur tímabil-
um með Southampton var Beattie keyptur
til Everton þar sem hann átti að halda uppi
markaskorun liðsins. Það er skemmst frá því
að segja að það gekk ekki eftir og skoraði hann
einungis tvö mörk á sínu fyrsta tímabili með
liðinu. Ekki gekk Beattie mikið betur næstu
tvö tímabil og fór svo að hann var seldur til
Sheffield United í Championship-deildinni.
Jose Antonio Reyes
Sevilla til Arsenal árið 2004
Verð: 17 milljónir punda
Jose Reyes sló í gegn með Sevilla árin 2000 til
2004 og fór svo að Arsenal keypti leikmanninn
í janúarglugganum 2004. Reyes byrjaði vel með
Arsenal og hjálpaði liðinu að vinna deildina um
vorið. Hann átti hins vegar í erfiðleikum með
að aðlagast ensku deildinni og náði sér aldrei
almennilega á strik með Wenger og félögum.
Sumarið 2006 var hann svo lánaður til Real
Madrid áður en hann var seldur til Atletico
Madrid sumarið 2007.
Savio Nsereko
Brescia til West Ham árið 2009
Verð: 10 milljónir punda
Kaup West Ham á Savio Nsereko er gott dæmi
um að umboðsmenn geta gert kraftaverk.
Nsereko var af einhverjum ástæðum lýst sem
einum allra efnilegasta framherja heims og var
talið að West Ham væri að gera góð kaup þegar
tilkynnt var um komu leikmannsins. Nsereko
náði einungis að spila 10 leiki fyrir West Ham
og var seldur til Fiorentina sumarið 2009. Hann
var í kjölfarið lánaður til fjölda félaga þar sem
hann náði sér aldrei á strik. Savio Nsereko er án
félags í dag.
Mikel Arteta
Real Sociedad til Everton árið 2005
Verð: Lán
Það eru líklega orð að sönnu að Spánverjinn
Mikel Arteta sé besti leikmaður heims sem
aldrei hefur spilað landsleik. Arteta var lánaður
til Everton í janúar 2005 og sýndi strax hvað í
honum býr. Hann átti þátt í að liðið tryggði sér
fjórða sæti deildarinnar vorið 2005 og svo fór
að Everton keypti leikmanninn um sumarið á
aðeins tvær milljónir punda. Allir þekkja sögu
Arteta eftir það en hann hélt áfram að blómstra
í röðum Everton áður en hann gekk í raðir
Arsenal fyrir síðasta tímabil þar sem hann er
einn af máttarstólpum liðsins.
Patrice Evra
Monaco til Manchester United árið 2007
Verð: 5,5 milljónir punda
Þó að Evra sé farinn að eldast var hann á
hátindi ferils síns árið 2007 þegar Sir Alex
Ferguson bankaði upp á. Evra kom úr sigursælu
liði Monaco og greiddi United aðeins 5,5 milljón-
ir punda fyrir hann. Evra þótti ekki byrja neitt
sérstaklega vel með United og var honum skipt
út í hálfleik í sínum fyrsta leik. Hann lét það
ekki á sig fá og varð fljótlega einn allra besti
vinstri bakvörður ensku úrvalsdeildarinnar. Frá
árinu 2007 hefur hann spilað yfir 300 leiki með
Manchester United og unnið fjölda titla.
Luis Suarez
Ajax til Liverpool árið 2011
Verð: 22,8 milljónir punda
Það þarf hæfileikaríkan einstakling til að koma
inn í Liverpool-liðið og fá stuðningsmenn til að
gleyma leikmanni á borð við Fernando Torres.
Luis Suarez hefur komið eins og stormsveipur
inn í ensku úrvalsdeildina og er, að mörgum
öðrum ólöstuðum, einn allra besti sóknarmaður
deildarinnar. Liverpool-liðið væri væntanlega
neðar í deildinni ef Suarez nyti ekki við.
Brede Hangeland
FC Kaupmannahöfn til Fulham árið 2008
Verð: 2,5 milljónir punda
Norðmaðurinn stóri og stæðilegi er einn af
máttarstólpum Fulham-liðsins og getur liðið
illa verið án hans eins og sást þegar hann fór í
þriggja leikja bann á dögunum. Norðmaðurinn
er ógnandi í föstum leikatriðum og skorar
reglulega þó hann hafi vissulega ekki verið á
skotskónum upp á síðkastið.
Nemanja Vidic
Spartak Moskva til Manchester United árið 2007
Verð: 7 milljónir punda
Sir Alex Ferguson ákvað að veðja á tiltölulega
óþekktan Serba þegar hann vantaði miðvörð
í lið sitt í ársbyrjun 2007. Nemanja Vidic var
ekki stórt nafn í boltanum á þeim tíma en
þrátt fyrir það greiddi United 7 milljónir punda
fyrir leikmanninn. Vidic hefur á undanförnum
árum verið einn allra besti miðvörður heims en
undanfarin misseri hafa meiðsli þó sett strik í
reikninginn. Hann er 31 árs í dag og mun án efa
láta meira til sín taka á vellinum.
Fleiri slæm félagaskipti í janúar
Afonso Alves, Hereenveen til Middlesbrough, árið 2008
Georgios Samaras, Heerenveen til Manchester City, árið 2006
Fernando Morientes, Real Madrid til Liverpool, árið 2005
Jean-Alain Boumsong, Rangers til Newcastle, árið 2005
Scott Parker, Charlton til Chelsea, árið 2004Fleiri góð félagaskipti í janúar
Gary Cahill, Bolton til Chelsea, árið 2012
Papiss Cisse, Freiburg til Newcastle, árið 2012
Younes Kaboul, Portsmouth til Tottenham, árið 2010
Matthew Etherington, West Ham til Stoke, árið 2009
Chris Samba, Hertha Berlin til Blackburn, árið 2007
Nikica Jelavic, Rangers til Everton, árið 2012