Tímarit um menntarannsóknir - 01.01.2008, Blaðsíða 68

66
Tímarit um menntarannsóknir, 5. árgangur 2008
tónmenntakennara sem fengu staðlaðar
spurningar sem þeir svöruðu annaðhvort í
gegnum síma eða með tölvupósti. Tilgangurinn
var að fá nánari svör við spurningum sem
skólastjórar væru ekki líklegir til að hafa á
reiðum höndum og að grennslast fyrir um
viðhorf starfandi tónmenntakennara. Könnunin
var lögð fyrir 19 tónmenntakennara sem gáfu
sig fram eftir að óskað var eftir þátttakendum
í gegnum póstlista tónmenntakennarafélagsins.
Hópurinn hafði vel dreifða starfsreynslu, á bilinu
1–34 ár og fyrirkomulag tónmenntakennslu
í skólunum dreifðist eftir sama mynstri
og það gerði í eldri könnun á landsvísu
(Tónmenntakennsla í grunnskólum skólaárið
2002–2003, 2003). Svör tónmenntakennaranna
gáfu mynd af dæmigerðu fyrirkomulagi
tónmenntakennslu í íslenskum skólum og
viðhorfum starfandi tónmenntakennara.
Yfirstandandi framhaldsrannsókn á aðstæðum
og inntaki tónmenntakennslu í slembivöldu
úrtaki skóla á síðan eftir að bæta við þessar
upplýsingar.
Útbúnaður
Aðstoðarmaður rannsakanda tók viðtölin
og var búinn handfrjálsum búnaði tengdum
venjulegum síma á meðan á viðtölunum stóð.
Upplýsingar úr viðtölunum voru tölvuskráðar
jafnóðum. Spurt var spurninga af fyrirfram
gerðum lista. Spurningar til skólastjóra voru
breytilegar eftir því hvort tónmenntakennsla
var í skóla þeirra eða ekki.
Niðurstöður
Af þeim 159 skólum þar sem viðtöl náðust við
skólastjóra voru 125 með tónmenntakennslu
og 34 án tónmenntakennslu. Haft var samband
síðar við þá 19 skóla þar sem ekki höfðu
náðst viðtöl við skólastjóra á tilsettum tíma.
Það var gert í þeim tilgangi að kanna hlutfall
tónmenntakennslu meðal skólanna 19 sem eftir
voru. Í ljós kom að í þremur af þessum skólum
var ekki kennd tónmennt. Heildarniðurstaðan
fyrir landið allt var sú að 21% skóla kenndi
ekki tónmennt skólaárið 2004–2005.
1. tafla. Spurningar lagðar fyrir skólastjóra
Hefur tónmennt verið kennd í vetur í þínum
skóla?
Ef svar: Já
1) Hvernig húsnæði er fyrir tónmenntakennsluna?
2) Hver er stærð aðstöðunnar?
3) Hvernig tækjakostur er til kennslu tónmennta?
-Píanó?
-Hljómflutningstæki?
-Tölvur/hugbúnaður?
-Trommur?
-Smáhljóðfæri?
-Annað
Ef svar: Nei
1) Hvers vegna?
2) Hversu lengi hefur tónmenntakennsla legið
niðri?
3) Er aðstaða til tónmenntakennslu í skólanum?
4) Er píanó í skólanum?
5) Á skólinn skólahljóðfæri eða önnur hljóðfæri?
1. mynd. Hlutfall grunnskóla með tónmennta-
kennslu skólaárið 2004-2005.
Helga Rut Guðmundsdóttir