Dagblaðið Vísir - DV - 03.06.2008, Blaðsíða 10
10 ÞRIÐJUDAGUR 3. JÚNl 2008
Fréttir DV
Styrmir Gunnarsson lýsti stríðinu við
fríblöðin og erfiðleikum Morgunblaðs-
ins í lokaræðu fyrir starfsmenn
Árvakurs í gær. Hann kom inn á
ýmis mál sem hann hefur þurft að
glíma við á sínum blaðamanna-
ferli: Stríðið við fríblöðin, kvóta-
kerfið, mótun sína í kalda
stríðinu og silkihanska-
meðferð Sjálfstæðis- AS
flokksins.
Kóngurinn og krónprinsinn
Styrmir Gunnarsson afhenti
Ólafl Stephensen ritstjórn
Morgunblaðsins.
Styrmir Gunnarsson talaði um náið
samband Morgunblaðsins við Sjálf-
stæðisflokkinn í kveðjuræðu til
starfsmanna blaðsins í gær. Því lauk
1983 en samt var Sjálfstæðisflokkn-
um hlíft í skrifum blaðsins. Allt til
ársins 2007. „Á fyrstu árum mínum
voru tengslin við Sjálfstæðisflokk-
inn sterk. Þau voru aldrei formleg.
Það eru 25 ár í sumar frá því tengsl-
in voru formlega rofin. Við Matthí-
as Johannessen skrifuðum þá bréf
til formanns þingflokksins þar sem
við þökkuðum fyrir gott boð um að
þingfréttaritari Morgunblaðsins ætti
að sitja þingfundi en okkur fannst að
við ættum að skera á þau tengsl.
Samt hlífðum við Sjálfstæðis-
flokknum umfram aðra flokka. Fyr-
ir tæpu ári hringdi ég í Matthías og
sagði við hann: Nú ætla ég að ljúka
þessu áður en ég hætti. Geir Haarde
er kominn klakklaust í gegnum kosn-
ingarnar, hann er búinn að mynda
ríkisstjórn á eigin forsendum, sem
okkur Matthíasi var annt um, og héð-
an í ffá verður fjallað um Sjálfstæð-
isflokkinn með sama hætti og aðra
flokka. Matthías var mér sammála
og ef blaðið er lesið frá síðasta hausti
til dagsins í dag er hægt að sjá að við
þetta hefur verið staðið."
Mótaður af átökum
kalda stríðsins
Lokadagur Styrmis sem starfs-
maður Morgunblaðsins var í gær.
Hann hefur verið viðloðandi Morg-
unblaðið síðan hann hóf störf þar
sem blaðamaður árið 1965.
„Þrír einstaklingar tengja saman
84 ár af bráðum 95 ára sögu Morgun-
blaðsins. Valtýr Stefánsson, Matthías
og ég. Matthías flutti með sér anda og
„Við byrjuðum straxí febrúar2001 að undirbúa
niðurskurð. Segja má að sá niðurskurður hafi
staðið allan tímann síðan."
viðhorf Valtýs og ég vona að mér hafi
tekist að einhverju leyti að varðveita
þær hefðir sem Matthías mótaði á
þeim tæplega 40 árum sem hann rit-
stýrði Morgunblaðinu.
Allir þrír vorum við mótaðir af
átökum kalda stríðsins. Það er því
hægt að segja að hér hverfi sjónar-
mið þeirra sem mótuðust í hörðum
átökum þeirra tíma endanlega úr rit-
stjórn Morgunblaðsins og friðsam-
legri tímar taki við."
Kvótakerfið stærsta málið
Skrif Morgunblaðsins um kvóta-
kerfið var mesta átakamál að mati
Styrmis sem Morgunblaðið lenti í.
Hjörtur Gíslason hélt uppi vörnum
fýrir það í ýmsum pistíum og skrifum
- samtímis því sem ritstjórar blaðs-
ins gagnrýndu kerflð í leiðurum og
Reykjavíkurbréfum. Hjörtur er nú
hættur á Morgunblaðinu.
„Þátttaka blaðsins í umræðunni
um kvótakerfið hygg ég að hafi ver-
ið mesta átakamál sem blaðið hef-
ur tekið þátt í frá lýðveldisstofnun.
Þeim átökum lauk með lagasetningu
á Alþingi um auðlindagjald.
Þjóðin hefur hins vegar ekki enn
fengið í sinn hlut það endurgjald
sem hún á kröfur til samkvæmt þeim
lögum. Annars vegar vegna þess að
hægt var farið af stað og hins vegar
vegna þess að núverandi ríkisstjórn
hefur látíð útgerðarvaldið kúga sig til
undanhalds. Þó vonandi tímabund-
ið." Svo sagði Styrmir Gunnarsson
í kveðjuræðu sinni til starfsmanna
Morgunblaðsins í gær.
Stríðið við fríblöðin
Styrmir kom inn á hvernig Morg-
unblaðið brást við innrás ffíblaða
hér á landi. „Við Hallgrímur Geirs-
_____! ____L.„
Fékk köku Starfsmönn
um Árvakurs var boðið í
köku eftir ræðu Styrmis.
Kom inn á margt Styrmir Gunnarsson
kom inn á margt í kveðjuræðu sinni.
son, sem þá var framkvæmdarstjóri
Morgunblaðsins, gerðum okkur fljótt
grein fyrir því að nú væru breytt-
ir tímar. Við þyrftum að laga kostn-
aðinn. Við byrjuðum strax í febrúar
2001 að undirbúa niðurskuro.
Segja má að sá niðurskurður hafi
staðið ailan tímann síðan. Á þessum
árum hefur starfsmönnum Árvak-
urs fækkað um þriðjung. Áskriftar-
blöð beggja vegna Adanshafsins hafa
gengið í gegnum sömu breytíngar.
Upplag Moggans hefur minnkað og
upplagstapið stöðvaðist að mestu
á síðasta ári," segir Styrmir, sem tel-
ur þó að ekki hafi reynt á fríblöðin í
raun.
„Fríblöðin urðu til í efnahagslegri
uppsveiflu. Á næstu misserum kem-
ur fyrst í ljós hvort sú viðskiptahug-
mynd sem þau byggist á gangi upp í
kreppuástandi. Útgáfa fríblaða á veg-
um Árvakurs er mikilvægur þáttur í
því að ná til baka auglýsingatekjum
sem það hefur tapað á undanförnum
ámm."
Að lokum óskaði Styrmir eftir-
manni sínum Ólafi velfarnaðar. „Ég
óska honum og samstarfsfólki hans
velfarnaðar, þetta verður ekki dans
á rósum."