Kópavogsblaðið - 01.12.2007, Qupperneq 14
Kópavogsbær hefur tekið í
notkun eigið vatnsból í Vatns-
endakrikum í Heiðmörk. Fram
að þessu hefur Kópavogsbær
keypt vatn af Orkuveitu Reykja-
víkur en bæjarfélagið verður
framvegis sjálfu sér nægt um
vatn og hefur auk þess gert
samning um vatnsöflun fyrir
Garðabæ til 40 ára. Í tilefni af
þessum merku tímamótum í rek-
stri bæjarfélagsins var ákveðið
að lækka vatnsskattinn í Kópa-
vogi um 10%, úr 0,13% af heild-
arfasteignamati í 0,117 frá og
með 1. janúar 2008.
Framkvæmd vatnsveitunnar
hefur skipst að mestu leyti í tvo
hluta, annars vegar sjálfa dælingu
vatnsins úr borholum ásamt nauð-
synlegum tækjabúnaði, stöðvar-
húsi og vatnsgeymi, og hins veg-
ar lagningu vatnsleiðslunnar frá
borholustað til dreifikerfis. Kostn-
aðurinn við framkvæmdina nem-
ur ríflega 700 milljónum króna.
Boraðar hafa verið 4 vinnsluholur
suðvestur af núverandi borholum
OR í Vatnsendakrikum. Settar hafa
verið dælur í hverja vinnsluholu
sem dæla vatni upp í vatnsgeym-
inn. Meðaldæling úr holunum
verður að hámarki 210 l/s eða um
6.6 milljón m3 ári.
Stöðvarhús og um 1000 m3
vatnsgeymir er við borholurnar.
Stöðvarhúsið er um 170 m2 og
um 3,5 m hátt og sambyggt vatns-
geymi og er byggt yfir vinnsluhol-
urnar. Í stöðvarhúsinu verður m.a.
spennistöð, rafstöð og vélasalur
ásamt hreinlætisaðstöðu. Vatns-
geymirinn er um 6,5 m hár og um
200 m2 að flatarmáli. Lögð var
vatnslögn frá vatnsgeyminum við
Vatnsendakrika að 4000 m3 miðl-
unargeymi við Vatnsendahverfi
í Kópavogi. Lagnaleiðin er um 5
km löng, þar af eru rúmlega 2,5
km innan Heiðmerkur. Lagnaleið-
in fylgir að mestu leyti slóðum
og vegum í Heiðmörk. Við allan
frágang var haft í huga að sem
minnst bæri á mannvirkjunum í
umhverfinu.
En af hverju var farið í þessar
framkvæmdir? Gunnar I. Birgis-
son, bæjarstjóri, segir að rekja
megi forsögu málsins aftur til árs-
ins 1993, en þá fannst bæjaryfir-
völdum í Kópavogi vatnið sem
fékkst frá Reykjavíkurborg vera
orðið nokkuð dýrt og þá var stofn-
að undirbúningsfélag að vatns-
veitu sem að stóðu Kópavogur,
Garðabær, Álftanes og Hafnar-
fjörður. Hugmyndin var að taka
vatnið úr Kaldárbotnum og leiða
til Hafnarfjarðar með stofnlögn til
Garðabæjar og Kópavogs. Bæjar-
stjóri segir að Hafnarfjarðarbær
hafi aldrei getað tekið ákvörðun
í málinu, fyrst Ingvar Viktorsson
sem bæjarstjóri og síðan Magnús
Gunnarsson, og þá hafi bæjaryfir-
völd gefist upp þessari hugmynd.
“Þá var farið að vinna að því að
taka vatn í Vatnsendakrikum og í
þeim tilgangi var keypt fyrirtækið
Vatni sem var í eigu Vatnsenda-
bóndans og átti vatnstökuréttinn.
Fljótlega voru hafnar tilraunabor-
anir, skipulagsmálin voru sett
í gang m.a. með viðræðum við
Skipulagsstofnun og Reykjavíkur-
borg skrifað og þeim tilkynnt að
hefjast ætti vatnstaka á svæðinu
en komast þyrfti með lögnina yfir
Heiðmörkina, en Kópavogsbær
átti rétt til þess samkvæmt vatna-
lögum frá árinu 1924. Svar Reykja-
víkurborgar var á þá leið að vatns-
tökusvæðið væri innan lögsögu
Reykjavíkur sem við neituðum,
enda hafði Heiðmörkin verið tekin
með eignarnámi út úr landi Vatns-
enda árið 1949. Sú gjörð var til
skrifleg, nema að kortið vantaði
sem tók af allan vafa um rétt okk-
ar. Það fannst svo í kjallara Hæsta-
réttar. Talað var við iðnaðarráðu-
neytið vegna innsettingarmáls en
Valgerður Sverrisdóttir iðnaðar-
ráðherra gerði ekkert í 3 ár, var að
halda hlífiskyldi yfir R-listanum.
Því var farin dómstólaleiðin en
Reykjavíkurborg ætlaði að neita
okkur um að komast á vatnstöku-
svæðið en þá var kortið fundið
sem sannaði okkar rétt, og það
sem meira var, vatnstökusvæði
Reykjavíkur var í Kópavogi!”
Þá settust borgaryfirvöld að
samningaborðinu, og samið var
um að láta Reykjavíkurborg eftir
20,5 hektara gegn leyfi um að fara
með vatnslögn Kópavogsbæjar
gegnum Heiðmörkina. Það hafi
því komið mjög á óvart þegar
Skógræktarfélagið hafi haft uppi
mótmæli vegna framkvæmdanna
í byrjun þessa árs.
“Reykjavíkurborg lækkaði verð-
ið til okkar fyrir tveimur árum,
mjög skrýtin ákvörðun, en það
var þá orðið of seint. Síðan var
samið við Garðabæ m.a. til þess
að geta þróað Kjóavallasvæðið
en Garðabær er með vatnstöku
í Dýjakrókum þar sem vatnið er
með háu nítratinnihaldi, svo nú fá
þeir mun betra vatn,” segir Gunn-
ar I. Birgisson, bæjarstjóri.
Markaðssvæðið í Garðabæ er
um 10.000 manns til 40 ára svo
Vatnsveita Kópavogs er nú með
notendasvæði upp á um 40.000
manns, og þar með næststærsta
vatnsveita landsins með 3,3° heitt
vatn sem er með því besta sem
þekkist.
14 Kópavogsblaðið DESEMBER 2007
Með opnun vatnsveitu í
Kópavogi lækkar vatnsskatturinn
Þeir Gunnar og Ómar smakka á vatninu.
Bestu óskir um gleðileg jól og farsælt
komandi ár. Þökkum viðskiptin á árinu.