Tímarit hjúkrunarfræðinga - 01.12.2001, Page 39
skemur í hjúkrun en langhæst meðal þeirra sem höfðu
unnið í 26 ár eða lengur. Þessar niðurstöður koma heim
og saman við það hvað rannsóknir, sem beinast að
tengslunum á milli starfsaldurs og vinnuálags, gefa misvís-
andi niðurstöður, því að sumar rannsóknir sína að langur
starfsaldur eykur starfstengda streituvalda en aðrar að
starfsálag minnki með lengri starfsreynslu (sjá yfirlit yfir
rannsóknargreinar hjá Baillon, Scotherns og Vickery,
1999). Af þessum niðurstöðum má ætla að það sé brýnt
verkefni fyrir stjórnendur og rannsakendur í hjúkrun að
ígrunda hvernig best verði komið til móts við mismunandi
þarfir ólíkra aldurshópa hjúkrunarfræðinga í þeim tilgangi
að draga úr vinnuálagi og auka starfsánægju.
Heimildir
Baillon, S., Scotherns, G., og Vickery, L. (1999). Job satisfaction and
stress in staff working in a specialist psychiatric unit for the elderly
following relocation from a traditional psychiatric hospital setting.
Journal of Nursing Management, 7, 207-214.
Gowell, Y. M., og Boverie, P. E. (1992). Stress and satisfaction as a result
of shift and number of hours worked. Nursing Administration Quarteriy,
16, 14-19.
Páll Biering, og Herdís Sveinsdóttir (2000) Könnun á vinnuálagi og
starfsánægju íslenskra hjúkrunarfræðinga. Timarit hjúkrunarfræðinga 5.
tbl. 284-294.
Páll Biering, og Herdís Sveinsdóttir (2001) Könnun á vinnuálagi og
starfsánægju íslenskra hjúkrunarfræðinga. Tímarit hjúkrunarfræðinga 1.
tbl. 58-63.
Shader, K., Broome, M. E., Broome, C. D., West, M. E., og Nash, M.
(2001). Factors influencing satisfaction and anticipated turnover for
nurses in an academic medical center. Journal of Nursing
Administration, 31, 210-216.
Smith, P.L., Kendall, L., og Hulin, C. (1969). The measurement of satis-
faction in work and environment. Chicaco;Rand McNally.
Spence-Laschinger, H. K., Wong, C., McMabon, L., og Kaufman, C.
(1999). Leader behavior impact on staff nurse empowerment, job tension,
and work effectivenss. Journat of Nursing Administration, 29, 28-39.
Tyler, P. A., Carroll, D., og Cunningham, S. E. (1991). Stress and
wellbeing in nurses; a comparison of the public and private sector.
International Journal of Nursing Studies, 28, 125-130.
Wall, T. D., Bolden R. I., og Borrill, C. S. (1977). Minor psychiatric
disorder in NHS trust staff: occupational and gender differences. British
Journal of Psychiatry, 171, 519-523.
Wynne, R., Clarkin, N., McNieve, A. (1993). The experience of stress
amongst Irish nurses: A survey of Irish Nurses Organisation members.
Dublin: Work Research Centre.
Páll Biering er sérfræðingur við Rannsóknastofnun í hjúkr-
unarfræði, Háskóla íslands. Herdís Sveinsdóttir er formaður
Félags íslenskra hjúkrunarfræðinga, dósent við Háskóla
íslands og situr í stjórn Rannsóknastofnunar í
hjúkrunarfræði. Hjúkrunarfræðingum, sem þátt tóku í
rannsókninni, er þakkað fyrir að hafa gefið sér tíma til að
svara spumingalistanum.
Málþing um mátt sannfæringarinnar
Frá upphafi hafa Hollvinasamtökin í samstarfi við hollvina-
félögin beitt sér fyrir ýmiss konar samkomum, einkum mál-
þingum. Einu sinni á ári hefur þetta verið gert undir heitinu
hollvinadagur, eða hollvinadagar. Skemmst er að minnast
myndarlegs samstarfsverkefnis Hollvinasamtakanna og
hollvinafélaga heilbrigðisstéttanna sem fram fór í Lækna-
garði fyrir tveimur árum. Þar var fjöldi fyrirlestra, sýningar
og kynningar sem vöktu verðskuldaða athygli.
Hinn 5. desember sl. var haldið málþing um mátt sann-
færingarinnar. Málþingið stóð í Norræna húsinu. Stjórnandi
umræðna var Sigurður G. Tómasson blaðamaður en
frummælendur voru: séra Auður Eir Vilhjálmsdóttir, Árni
Björnsson læknir, Stefán Þálsson sagnfræðingur og
Þórunn Valdimarsdóttir rithöfundur. Að loknu málþinginu
var gestum gefið færi á því að spjalla saman yfir léttum
veitingum í boði Hollvinasamtakanna en samtökin hafa alla
tíð lagt mikla áherzlu á að gefa eldri og yngri velunnurum
og starfsfólki Háskólans tækifæri til þess að eiga notalega
stund saman í frjóum umræðum og óformlegu spjalli.
Samkoman var vel sótt og öll hin ánægjulegasta.
Styrktar- og minningargjafasjóður Háskóla íslands
Fyrir nokkru afhenti Eiríkur Smith listmálari Hollvinasam-
tökum HÍ og Hollvinafélagi heimspekideildar HÍ birtingarrétt
að tveimur verka sinna.
Verkin Úr landslagi og Náttúruöfl hafa nú verið gefin út
annars vegar á tækifæriskorti og hins vegar á minningar-
korti. Þau eru til sölu á skrifstofu Hollvinasamtakanna og
aðalskrifstofu Háskóla íslands. í tengslum við útgáfu kort-
anna var stofnaður Styrktar- og minningargjafasjóður
Háskóla íslands. Sjóðurinn er stofnaður í tilefni 90 ára
afmælis Háskóla (slands og er markmið hans að efla starf-
semi Háskóla íslands með því:
a) að úthluta styrkjum til verkefna sem unnið er að við
Háskóla íslands
b) að styrkja afburðanemendur til framhaldsnáms við
Háskóla íslands.
Öllum velunnurum Háskóla íslands er bent á að nota
þessi gullfallegu kort og styrkja þannig skólann.
Jólin nálgast
Rétt er að benda fólki á að Hollvinasamtökin hafa til sölu
Hávamál og þætti úr Snorra-Eddu á ellefu tungumálum
sem upplagt er að senda vinum og ættingjum erlendis.
Einnig er ensk útgáfa á Þingvallabók í ritstjórn prófessors
Þéturs M. Jónassonar til sölu hjá samtökunum.
Sigríður Stefánsdóttir
framkvæmdastjóri Hollvinasamtaka HÍ
Tímarit hjúkrunarfræðinga • 5. tbl. 77. árg. 2001
327