Tímarit hjúkrunarfræðinga - 01.12.2001, Síða 40

/ þessu viðtali ræðir Hildur Magnúsdóttir við lone
M. Borromeo, hjúkrunarfræðing frá Filippseyjum.
lone er 33ja ára gömul, útskrifaðist 1990 og er
ein af 8 hjúkrunarfræðingum frá Filippseyjum
sem nú starfa á Landspítala-háskólasjúkrahúsi.
Hún hóf störf á handlækningadeild við Hring-
braut í júlí 1999. Áður hafði hún starfað sem
sjálfboðaliði og við einkahjúkrun á Filippseyjum
auk þess að starfa á sjúkrahúsi í Saudi-Arabíu í
4 ár. Viðtalið fór fram á ensku og birtist hér í
íslenskri útgáfu.
Hildur: Takk, lone, fyrir aö hitta mig. Eins og þú veist
langar mig að þú segir okkur frá því hvernig hjúkrunar-
námið og skólakerfið er á Filippseyjum?
lone: Grunnskóli hefst við 7 ára aldur og lýkur við 13
ára aldur en áður eiga börn kost á að vera í leikskóla frá 5
ára aldri. Næsta skólastig er undirbúningur fyrir sérnám og
lýkur við 17 ára aldur. Því lýkur með prófi sem ákvarðar
hvort nemendur nái þeirri lágmarkseinkunn sem þarf fyrir
inngöngu í 4 ára háskólanám. Þeir sem halda beint áfram
útskrifast því með grunnháskólagráðu 21 árs.
Hildur: Hvað af þessu er skólaskylda eða námsstig
sem allir fara í gegnum?
lone: Ja, raunar ekkert því þetta er eiginlega alveg háð
fjárhag fjölskyldna.
Hildur: Er grunnskólinn ekki ókeypis?
lone: Jú, að því leyti að það eru engin skólagjöld í
opinberum skólum. Nemendur þurfa hins vegar að kaupa
bækur og svo er ýmis annar kostnaður þessu samfara
sem ekki er sjálfgefið að fátækt fólk hafi efni á.
Hjúkrunarnám á Filippseyjum hefur alfarið verið í
háskólum og leitt til BSc-gráðu sl. 2 áratugi. Það er mótað
eftir bandarískri fyrirmynd. Námið er 4 ár og er námsskráin
alls staðar eins þó leyfilegt sé að gera minniháttar breyt-
ingar, t.d. að bæta inn trúarlegri fræðslu. Á fyrsta ári eru
grunnfög eins og enska, spænska, efnafræði og sálar-
fræði. Á öðru ári eru fög eins og iíffærafræði, örverufræði,
lífefnafræði, lífeðlisfræði og sníkjudýrafræði. Þá hefst einnig
kennsla í grunnhjúkrun þar sem aðaláherslan er á fræði-
legan grunn en við æfum okkur einnig í að taka lífsmörk
328
og viðtöl og fáum sýnikennslu. Á þriðja ári lærum við
kennslufræði en að öðru leyti fer þetta ár [ hinar ýmsu
greinar innan hjúkrunar, s.s. hand- og lyflækningahjúkrun,
barnahjúkrun, geðhjúkrun, heilsugæslu. Kennslan er
fræðileg í formi fyrirlesta, verkefna og umræðufunda og
einnig erum við í verknámi á stofnunum. Á fjórða ári er
áherslan á verklegt nám. Við veljum sérgrein sem við
einbeitum okkur að, gerum rannsókn og erum í námskeiði
í siðfræði og lögum og reglum í heilbrigðiskerfinu. Við
förum líka í einn mánuð út á landsbyggðina þar sem við
sinnum heilbrigðisfræðslu í sjálfboðavinnu fyrir Rauða
krossinn.
Hildur: Mér sýnist nám ykkar vera að mörgu leyti líkt
okkar námi á íslandi. Hver eru inntökuskilyrðin og er ein-
hver sía á því hvort nemendur fái að fara upp á næsta ár?
lone: Inntökuskilyrðin eru að nemandinn hafi fengið
lágmarkseinkunn þá sem þarf úr framhaldsskóla til að
stunda 4ra ára háskólanám. Sumir skólar hafa auk þess
sín eigin inntökupróf. Síðan eru próf sem ráða því hvort
nemandinn geti flust á milli ára. Mesta sían er fyrstu tvö
árin.
Hildur: Hvað er mikið brottfall milli ára?
lone: Ég veit það ekki en það er alltaf eitthvert fall á
hverju ári. Það er misjafnt hvar skólar setja mörkin, þeir
ráða því sjálfir, eru misstrangir. í sumum skólum er ekki
endilega erfitt að komast á milli ára en í öðrum mjög erfitt.
Hildur: Varðandi bóklegu kennsluna á hinum ýmsu
klínísku sviðum, er aðskilnaður á milli sjúkdómafræði og
hjúkrunar? Hverjir kenna þessar greinar?
lone: Við lærum bæði sjúkdómafræði og hjúkrun. Ég
veit ekki með vissu hvernig þetta er á landsvísu en í mín-
um skóla var áherslan á hjúkrun og flestir þeir sem kenndu
okkur bóklegt voru hjúkrunarfræðingar með meistara- eða
dokorsgráðu.
Hildur: Getur þú sagt mér aðeins nánar frá því hvernig
verklegu námi er háttað?
lone: Þetta er svolítið flókið mál og ólíkt því sem er á
íslandi. Hér hafið þið bara tvo skóla sem báðir eru opin-
berar stofnanir en ég veit ekki hvort námið er eins í þeim.
Á Filippseyjum eru yfir hundrað háskólar sem kenna
hjúkrun og það útskrifast um 60.000 hjúkrunarfræðingar á
ári. Sumir skólar eru reknir af ríkinu, aðrir eru einkaskólar
sem þá eru t.d. reknir af kaþólsku kirkjunni eða læknum.
Tímarit hjúkrunarfræðinga • 5. tbl. 77. árg. 2001