Tímarit hjúkrunarfræðinga - 01.06.2005, Blaðsíða 39
VIÐTAL
Ataksverkefniö er að þora aö
spyrja
Getur þessi nánd verið að flækjast fyrir okkur?
„Það er ákveðin afneitun sem veldur því að fólk kýs að skerma
sig af. Þetta er ekki minn vandi. Þannig er það til dæmis oft
í heimilisofbeldismálunum. Fólk er útilokað og því forðast
margir að taka afstöðu. Þetta er hluti af því sem flokkast undir
félagslegt ofbeldi. Þetta kemur greinilegast fram þegar stuð-
ningsnet þolandans í heimilisofbeldi er skoðað, þ.e. afstaða
fjölskyldu og vina. Þolandanum er í þeim tilfellum gert ókleift
að leita sér aðstoðar því þá verða allir stimplaðir í kringum
hann.“
Eyrún sagði að lokum: „Þegar konur fá styrkingu og aðstoð sjá
þær hversu algengt og víðfeðmt þetta ofbeldi er og þá opnast
allt í einu dyr. Þær sjá og fá fullvissu um að það er ekkert að
þeim heldur hafa þær markvisst verið brotnar niður.
Fólk er núna farið að líta sér nær og viðurkenna að það getur
hver sem er lent í þessu ofbeldi, óháð aldri, kyni og stöðu í
samfélaginu."
fá hvatningu, hrós og umbun, sönnun þess að
það sé að gera góða hluti. Kannski það sé tilefni
til þess að skoða þann þátt og gera enn betur.“
Eyrún sagði enn fremur að verið væri að setja
verklagsreglur varðandi ofbeldismálin á slysa- og
bráðadeilinni sem fælu í sér söfnun upplýs-
inga frá öllum sem kæmu á deildina. Þar gætti
ákveðinnar mótstöðu hjá starfsfólki og skýringin
eflaust sú að meira væri á það lagt en það treysti
sér til að standa undir. Hún útskýrði þetta
nánar: „Þetta eiga að vera staðlaðar spurningar.
Við eigum að spyrja allar konur sem leita til
deildarinnar með áverka hvort þær séu beittar
ofbeldi á heimili sínu. Það á að spyrja allar konur
því við vitum af reynslunni að spurningin getur
opnað dyr. Við þurfum einnig að gæta þess að
stíga hægt til jarðar, að fara ekki fram úr sjálfum
okkur. Við megum ekki taka ráðin af fólki eða
hindra það í að leita sér hjálpar aftur af því að
vilji þess hefur verið kaffærður. Það getur gerst
ef sjúklingnum finnst aðstoðin og átakið í heild
sinni sett honum til höfuðs.“
Verðum að líta okkur nær
Hver eru forgangsmálin á þessum sviði að þínu
mati?
„Sífræðsla í öllu námi fyrir heilbrigðisstéttir, í
félagsvísindadeild, í kennaranámi og hjá öllum
sem sinna einstaklingum og það á að vera skylda
að fólk haldi við þessari þekkingu eins og til
dæmis að þekkja lögin. Við göngumst undir það
þegar við útskrifumst að hafa ákveðin siðferðis-
gildi og allar stéttir eiga sér siðareglur. Þetta
á að vera hluti af þeim. Við verðum að kynna
okkur þennan heim. Við erum hluti af honum.
Við getum ekki lokað augunum fyrir því að þriðja
hver kona hefur orðið fyrir kynferðislegu ofbeldi.
Þetta kemur fram í niðurstöðum samnorrænnar
rannsóknar í tengslum við neyðarmóttökuna
þegar konur, sem leituðu sér aðstoðar á kvenna-
deildum, voru spurðar. Rannsóknin var gerð árið
2000 og þar kemur í Ijós að 33% af eitt þúsund
íslenskum konum hafa verið beittar kynferðisof-
beldi. Einnig kom fram að 25% höfðu orðið fyrir
líkamlegu ofbeldi á ævinni. Við erum að taia um
þriðju hverja konu og það eru ekki bara einhverj-
ar konur úti í bæ. Það eru konur sem við vinnum
með hverju sinni og það eru okkar nánustu. Við
verðum að líta okkur nær.“
Ráögjöf um svefn
og svefnvandamál barna
Starfrækt er símaráðgjöf um svefn og svefnvandamál barna
á vegum Foreldraskólans. Foreldraskólinn er þjónustufyrirtæki
sem sérhæfir sig í ráðgjöf varðandi svefn og svefnvenjur barna.
Auk símaráðgjafar eru á vegum skólans haldin námskeiö um
umönnun og ýmislegt sem tengist svefni ungbarna. Starfrækt
er heimasíða þar sem hægt er að nálgast upplýsingar um starf-
semi Foreldraskólans og einnig um ýmislegt sem tengist svefni
barna.
Símaviðtalstímar eru á mánudögum og þriöjudögum milli kl.
15 og 17. Símanúmer er 905-5050 (kostnaður er 99 krónur á
mínútu og leggst á símreikning þess sima sem hringt er úr).
Heimsíða með frekari upplýsingum: www.foreldraskoli.is.
Ingibjörg Leifsdóttir veitir símaráðgjöf á mánudögum og Arna
Skúladóttir á þriðjudögum. Þær eru báðar hjúkrunarfræðingar
og starfa á göngudeild barna meö svefnvandamál á Barnaspítala
Hringsins. Starfsemi göngudeildarinnar er óbreytt (hægt er að
panta viðtalstíma á göngudeildinni i mótttöku Barnaspítalans í
síma 543-3700).
Timarit hjúkrunarfræöinga 2. tbl. 81. árg. 2005
37