Tímarit hjúkrunarfræðinga - 01.12.2001, Blaðsíða 27
A-KtUM; Á mthAií sjúklÍK^UYmK >so{kay'
Kristín Pétursdóttir, svæfingarhjúkrunarfræðingur, og Hjördís Smith, svæfingarlæknir, svæfa sjúkling.
í framhaldi af sögu svæfingarhjúkrunar liggur beinast við að
kynnast aðeins nánar starfinu eins og það er nú. Skurð-
stofan hefur orð á sér fyrir að vera heimur út af fyrir sig þar
sem ekki er öllum heimill aðgangur. Þetta hefur að sjálf-
sögðu leitt til þess að margir hafa ekki fullan skilning á því
starfi sem þar fer fram. Á Landspítala við Hringbraut tekur
Margrét Jóhannsdóttir, svæfingarhjúkrunarfræðingur, á
móti blaðamanni Tímaríts hjúkrunarfræðinga - en hún er
enn í fullu starfi þó halda mætti af viðtalinu um fortíðina hér
á undan að hún væri fjörgömul. Svæfingarhjúkrun er tiltölu-
lega ung starfsgrein innan hjúkrunar á íslandi og því ekki
við öðru að búast en að fyrstu svæfingarhjúkrunarfræðing-
arnir séu enn í fullu fjöri. „Svo er ég líka gift starfinu," segir
Margrét kankvíslega. „Ekki satt, Hanna?" Og Hanna
Þórunn Axelsdóttir, svæfingarhjúkrunarfræðingur, samsinnir
því en hún ætlar að vera blaðamanni til halds og trausts í
aðgerð sem fara á fram þennan nóvembermorgun. Hanna
útskrifaðist, ásamt 12 öðrum svæfingarhjúkrunarfræð-
ingum, frá HÍ árið 1990 en í næsta hópi á eftir, þ.e. vorið
2000, útskrifuðust 18 svæfingarhjúkrunarfræðingar. Námið
tók tvö ár en hjúkrunarfræðingar verða að hafa unnið í það
minnsta 2 ár við hjúkrun áður en þeir fara í sérnám.
í spjalli við þær Hönnu og Margréti kemur fram að þó
að skurðstofurnar séu „lokaðar" þá þýði það ekki að eng-
inn megi koma þangað. Svæfingarhjúkrunarfræðingar vilja
gjarnan að áhugasamir hjúkrunarfræðingar komi og kynni
sér starfsemina og jafnvel hafa verið uppi hugmyndir um
að hafa „opna“ daga á skurðstofunum til að auðvelda
aðgang. Sá misskilningur virðist ríkja að svæfingarhjúkrun
sé eingöngu tæknivinna en Hanna segir að svo sé alls ekki
heldur sé um einstaklingshæfða hjúkrun að ræða. „Hvern
sjúkling þarf að svæfa eins og honum hæfir og ég segi
alltaf: Svæfðu aðra eins og þú vilt láta svæfa sjálfa þig eða
þína nánustu," segir Hanna.
Með líf sjúklingsins í höndunum
Vinnudagurinn hefst kl. 7.30 á fundi þar sem farið er yfir
aðgerðaáætlun dagsins og verkefnum útdeilt. Svæfingar-
hjúkrunarfræðingar geta verið að störfum á 25 stöðum á
spítalanum, auk almennu skurðstofanna eru þeir á skurð-
stofum kvennadeildar, á fæðingargangi, glasafrjóvgunar-
deild, á ýmsum stöðum á röntgendeild, bráðamóttöku,
hjartadeild og geðdeild, svo dæmi séu tekin. Svæfingar-
hjúkrunarfræðingurinn, sem fylgst verður með að störfum,
er Kristín Pétursdóttir og hún segir við okkur Hönnu að
hún ætli að fara að undirbúa sig fyrir svæfinguna.
Tímarit hjúkrunarfræðinga • 5. tbl. 77. árg. 2001
315