Morgunblaðið - 10.10.1958, Qupperneq 10

1
MORGUNBLAÐIÐ
Föstudagur 10. október 1958
Þrjár þurrkvikur í sept.
björguðu heyskapnum
BORGARFIRÐI EYSTRA, 30.
sept. — Með septemberkomu
gjörbreyttist veðrátta hér til
hins betra. Þurrkar voru að vísu
fremur daufir fyrstu viku mán-
aðarins, en næsta hálfan mánuð
var hver dagurinn öðrum betri
og hirtist allt hey sem þá var
slegið mjög fyrirhafnarlítið. Og
á þessum þremur vikum kom í
hlöður megnið af heyfeng sum-
arsins.
Tún, sem ekki voru slegin fyrr
en eftir miðjan ágúst voru yfir-
leitt orðin vel sprottin, en það
sem slegið var fyrr í sumar var
víða mjög rýrt vegna kals og vor
þurrka. Hjá einstaka manni lék
kalið og vorkuldarnir túnin svo
illa, að þau náðu sér aldrei og
varð uppskera af þeim ekki nema
brot af því, sem eðlilegt gæti tal-
izt. Útjörð var víða slæg, en óvíða
mikið sprottin. Háarvöxtur var
yfirleitt rýr og sums staðar nær
enginn. Síðustu viku þ.m. hefur
verið óþurrkur og má því segja
að heyskap hafi að mestu lokið
upp úr 20. sept., þó enn sé verið
að bæta i votheysgryfjur.
Heyfengur hjá þeim, sem
höfðu nóg út á að ganga í þurrk
unum í haust mun yfirleitt ná
meðallagi að vöxtum, en hjá þeim
sem höfðu takmarkað land út á
NÚ eru skólarnir að byrja og
veldur það miklum breyting-
um á útburðarstarfsliði blaðs-
ins. Má búast við að þetta
valdi nokkrum erfiðleikum
við að koma blaðinu til kaup-
enda a.m.k. fyrstu daga mán-
aðarins En að sjálfsögðu verð-
ur allt gert sem hægt er tii
þess að það gangi sem greið-
legast.
að ganga og urðu fyrir töðubresti
vegna kals og þurrka, er hann
töluvert þar fyrir neðan. Þörf
fyrir fóðurbæíi mun nú’ með
meira móti til að drýgja hey,
þar sem þau eru lítil og eins til
að bæta upp hrakta og úr sér
sprottna töðu og síðslægju út-
hey. Er hið óhagstæða verð á
fóðurbætinum því tilfinnanlegt
eins og á stendur.
Göngur hófust hér 23. þ.m. og
sauðfjárslátrun hófst daginn eft-
ir og er gert ráð fyrir að hún
verði með meira móti. Það sem
þegar hefur verið slátrað bendir
til að lömb séu eitthvað rýrari en
sl. haust.
Uppskera garðávaxta er yfir-
leitt nokkuð fyrir neðan meðal-
lag.
Fiskafli hefur verið lélegur
hér í sumar. Nú virðist fiskur
vera kominn á miðin, en gæftir
eru mjög stopular og menn orðn-
ir bandnir við slátrun og önnur
störí, svo ekki eru horfur á að
neitt verulegt fiskirí verði úr
þessu. — J. J.
Um þessar mundir fara fram æfingar í Þjóðleikhúsinu á banda-
ríska gamanleiknum „Sá hlær bezt. . ..“ undir leikstjórn Ævars
Kvaran. Leikur þessi er um margt nýstárlegur og krefst all-
sérstæðs undirbúnings, m. a. kvikmyndunar, því á sviðinu verða
sýndar sjónvarpsmyndir af ferðalagi sumra leikendanna. — Hér
á myndinni sjáum við leikstjórann ræða við útvarpsþulinn,
Jónas Jónasson, við töku sjónvarpsmyndarinnar.
Ljósm. Mbl.: Ól. K. M.
Danir taka við flugvell-
inum í Narsarssuak
KAUPMANNAHÖFN, 8. okt. —
Einkaskeyti til Morgunblaðsins.
— í gær var undirritaður samn-
ingur miHi Dana og Bandaríkja-
manna þar sem formlega er geng
ið frá því, að Danir taki við flug-
vellinum í Narsarssuak, sem
Bandaríkjamenn létu af hendi í
fyrra, eftir að flugvellirnir í
Thule og Söndreströmf jord höfðu
verið stækkaðir. Ekki er kunn-
ugt um, hve mikið Danir verða
að greiða, en talið er að upphæð-
in sé lág. Þeir taka formlega við
flugvellinum 1. nóvember.
Dönsku blöðin benda á, að með
þessum samningi fái Danir til
umráða flugvöll, sem sé tækni-
legt furðuverk. Þar eru bygging-
ar handa 5000 manns rétt hjá
rústunum af bæ Eiríks rauða.
Á flugvellinum eru 370 bygg-
ingar: flugskýli, vinnustofur og
verksmiðjur, sjúkrahús, kvik-
myndahús, íþróttavellir, mið-
stöðvarhitun í öllum byggingum,
raforkuver, vatnsveita og skipa-
höfn nálægt Julianehaab, þar
sem allt að 10.000 tonna skip
geta legið við bryggjur.
Danir geta aðeins notað hluta
af flugvellinum. Sá takmarkaði
mannafli, sem Danir hafa ráð á
að senda þangað, getur ekki ann-
azt viðhald þessara dýru mann-
virkja, og má því búast við, að
mikil véfðmæti fari í súginn.
Tíu Danir verða sendir til Græn-
lands á föstudaginn til að setja
upp veðurathuganastöð á flug-
vellinum, sem fyrst um sinn
verður sennilega notaður af
danska flughernum, en síðar
einnig af grænlenzkum farþega-
flugvélum. Sérstök nefnd er nú
að undirbúa farþegaflug í Græn-
landi.
Ritgerðarsam-
keppiii á vegum
„NewYork
Tribune46
DAGBLAÐIÐ New York Herald
Tribune hefur ákveðið að efna til
alþjóðlegrar ritgerðarsamkeppni
meðal unglinga á aldrinum 16—
18 ára. Er það í fjórða skiptið,
sem blaðið stendur fyrir slíkri
keppni hér á landi.
Ritgerðarefnið er hið sama og
í fyrra. „Veröldin eins og við
vildum að hún væri“. Lengd rit-
gerðarinnar á að vera 5—6 vél-
ritaðar síður.
Höfundur þeirrar ritgerðar,
sem dæmd verður bezt, fær að
verðlaunum ferð til Bandaríkj-
anna og þriggja mánaða dvöl þar
sér að kostnaðarlausu.
Öllum framhaldsskólanemend
um, á aldrinum 16—18 ára, sem
fæddir eru hér á landi og eru
íslenzkir ríkisborgarar er heimilt
að taka þátt í ritgerðarsamkeppn
inni.
Ritgerðirnar, sewi eiga að vera
á ensku, skulu hafa borizt
menntamálaráðuneytinu fyrir 1.
návember n.k.
(Frá menntamálaráðuneytinu)
api
Haag, 8. okt. NTB-Reuter.
DANSKA skipið „Jesanna", sem
var 300 tonn að stærð, sökk í dag
við mynnið á Elbur. Áhöfnin fór
frá borði um hádegið, en hefur
ekki fundizt ennþá. „Jesanna“
sendi frá sér neyðarmerki rétt
fyrir hádegið og bað um björg-
unarbát og dráttarbát. Skipið hall
aðist þá 25 gráður og einn björg-
unarbátur hafði verið leystur. Á-
höfnin var að fara frá borði þeg-
ar síðast heyrðist til skipsins.
óextucýur
1 tilefni afmælis Guðm. G. Hagalíns
hefur Almenna bókafélagið gefið út
úrval úr 35 ára smásagnagerð hans. —
Er óþarft að lýsa með mörgum orð-
um slíku safni — margar smásögur
Hagalíns eru, eins og kunnugt er, meðal
hins allra bezta í þeirri grein á íslenzku.
JSck^ci Íínó -L
^nning.
/ hátíðasal Háskólans
kl. 4V2 e. h. á sunnudag
DAG SKRÁ:
Ávarp: Dr. Alexander Jóhannesson, prófessoi
Erindi: Andrés Björnsson, cand. mag.
Samlestur úr Kristrúnu í Hamravík:
Valur Gíslason, Arndís Björnsdóttir,
Róbert Arnfinnsson.
Kinsöngur: Guðmundur Jónsson. •— Undirleik
annast Fritz Weisshappel.
Upplestur: Þorsteinn Ö. Stephensen.
Upplestur: Guðm. G. Hagalín.
★ Hagalín skrifar merkan eftirmála um
efni og uppruna sagnanna.
★ Gunnar Gunnarsson, listmálari hefur
skreytt bókina fagurlega.
★ Eiríkur Hreinn Finnbogason hefur valið
sögurnar með höfundi.
Q ALHENNA BÓKAFÉLAGIO