Morgunblaðið - 11.12.1958, Blaðsíða 24

VEÐRIÐ
Norðaustan gola, léttskýjað
frost 5—10 stig.
dagar
til jóla
285 tbl. — Fimmtudagur 11. desember 1958
Sr. Jón Auðuns
Hver vegfarandi gæti fyllstu
varúðar i umferðinni
Lögreglan gerir ýmsar öryggisráð-
stafanir vegna jólaumferðarinnar
EINS og venja hefir verið fyrir
hver jól undanfarið, mun lög-
reglan í Reykjavík gera marg-
víslegar ráðstafanir þessa síðustu
daga fyrir hátíðirnar til þess að
gera hina miklu umferð, sem
ávallt fylgir jólunum, sem greið-
asta og freista þess að koma í veg
„Kirkjan og skýjakljúfurinn;
Prédikanir eftir sr. Jón Auðuns, dómprófast
NÝLEGA er komin út bók eftir séra Jón Auðuns dómprófast, er
nefnist Kirkjan og skýjakljúfurinn. Er þetta safn predikana eftir
þennan merka kenniman og rithöfund. Munu margir fagna því að
eiga þess kost að eignast bók með stólræðum séra Jóns Auðuns.
Það er Isafoldarprentsmiðja, sem gefur bókina út.
Predikanirnar bera m. a. þessa formála, er hann ritar fyrir bók
titla: Kirkjan og skýjaklúfurinn,
Sjálfselskan í þjónustu, Barnið
á hjarni heims, Um óvænta vegi,
Faðir sólkerfanna, Talentan þín,
Úr öldudalnum í öldufaldinn,
Heilög reiði, Þjáningar sak-
lausra, Páskamorgunn, Manngild
ishugsjónin, Réttlætið sem aldrei
haggast, í faðmi kvelds og bæn-
ar, Arfurinn frá Skálholti, Lær-
dómurinn hjá liljum vallarins og
Móðir lýðræðisins.
Kristinn dómur og guðlaus
lífsstefna
Séra Jón Auðuns kemst m. a.
að orði á þessa leið í niðurlagi
sinni:
„Með þessi meginöfl tvö í huga:
Kirkjuna og skýjakljúfinn, kirst-
inn dóm og guðlausa lífsstefnu,
hefi ég samið flestar þessar
predikanir og þess vegna valdi
ég þeim þetta nafn. Ef einhverj-
um verður ljósara en fyrr, við
lestur þessarar bókar, hver geysi-
leg alvara er hér á ferðum, og
hve miklu það skiptir mannlega
farsæld, að kirkjan sé ekki rifin
niður og skýjakljúfurinn byggður
í hennar stað, á hennar gamla
grunni, er ég þakklátur fyrir það
tækifæri, sem mér er gefið til
þess að koma þessum hugsunum
á framfæri".
Var að flýta sér — og
skemmdi 3 bíla í árekstri
M I K L A R umferðartruflanir
urðu á innanverðum Laugavegi
í gærkvöldi um klukkan 10, en
orsökin var harður bílaárekstur.
Þrír bílar skemmdust, þar af tveir
mikið. Einn maður meiddist.
Þetta gerðist á móts við húsið
Laugaveg 139. Fólksbílnum R-53
var ekið með miklum hraða nið-
ur Laugaveginn, að sögn sjónar-
votta. Ökumaður bílsins, piltur
um tvítugt, hafði ætlað að fara
fram úr öðrum bíl, en einhverra
orsaka vegna hemlaði hann
skyndilega, með þeim afleiðing-
um, að R-53 rann til á rennvotri,
sleipri götunni og fékk hinn ungi
ökumaður ekkert við bílinn ráðið.
Rann hann á leigubílinn R-7993.
Eigandi þessa bíls var á leið út að
bíl sínum og horfði á hinn harða
árekstur, en eftir hann var bíllinn
hans illa útleikinn. R-53 nam ekki
staðar við þetta, heldur snerist á
Fundur á Selfossi
SJÁLFSTÆÐISFÉLAGIÐ Óðinn
á Selfossi heldur fund á morgun,
föstudaginn 12. des., að Hótel Sel-
fossi. Sigurðúr Óli Ólafsson,
alþingismaður, flytur ræðu um
st j órnmálaviðhorf ið.
Spilakvöld í Keflavík
SJÁLFSTÆÐl'SFÉLÖGIN í Kefla
vík halda spilakvöld að Vík í
kvöld kl. 9 e. h. HJ-kvartettinn
leikur fyrir dansi á eftir. Sjálf-
stæðisfólk, fjölmennið.
götunni og rann á gangstéttar-
grindur, sem þarna eru, lagði
þær niður á nokkru svæði og síð-
an á annan bíl, er stóð mannlaus,
R-2695, og skemmdi hann einnig.
Ungi pilturinn, sem bílnum ók,
Jóhann í. Jónsson, Óðinsgötu 9,
hafði við áreksturinn dottið úr
bílnum og tóku sjúkraliðsmenn
hann upp af götunni og fluttu
hann í slysavarðstofuna. Meiðsli
hans voru ekki svo alvarleg, að
hann þyrfti spítalavistar við, og
var hann fluttur heim til sín.
Hallbjörg á kvöld-
skenimtun Víkings
I KVÖLD efnir Knattspyrnufé-
lagið Víkingur til miðnætur-
skemmtunar í Austurbæjarbíói.
Þar munu m.a. koma fram Hall-
björg Bjarnadóttir, sem nú er
nýlega komin frá Ameríku, þar
sem hún kom víða fram á
skemmtunum. Ætlar hún sér
vestur aftur með vori, en hún er
búin að fá samning eins og það
heitir á roáli leikara. Hún fer
héðan eftir fáa daga til Sviss.
Maður hennar, Fischer Nilsen,
kemur einnig fram á skemmtun
Víkings, svo og hljómsveit KK
með söngvurunum Elly Vilhálms
og Ragnari Bjarnasyni.
Félagið gerir þetta í ágóða-
skyni fyrir byggingarsjóð sinn,
en skemmtikraftarnir skemmta
án endurgjalds á þessari kvöld-
skemmtun félagsins.
fyrir slys og árekstra, eftir því
sem unnt er. — Aldrei mun hafa
verið meiri þörf á slíkum varúð-
arráðstöfunum en nú, fyrir þessi
jól. Umferðarþunginn mun nú að
líkindum verða meiri en nokkru
sinni fyrr, því að bifreiðum hefir
fjölgað um 4—5 hundruð hér í
bæ á þessu ári.
Sigurjón Sigurðsson, lögreglu-
stjóri, skýrði fréttamönnum frá
því í gær, í hverju ráðstafanir
þessar eru fólgnar, og jafnframt
var blöðunum send auglýsing
þar að lútandi. — Auglýsing þessi
birtist í Morgunblaðinu í dag, og
er öllum almenningi, jafnt sem
bifreiðastjórum, bent á að kynna
sér hana sérstaklega.
★ ★ ★
Ráðstafanir þær og umferðar-
takmarkanir, sem nú koma til
framkvæmda ( á morgun), eru
yfirleitt svipaðar og tíðkazt hefir
undanfarin ár fyrir jólin, en þó
er um nokkur nýmæli að ræða.
Má þar helzt telja það, að tekinn
verður upp einstefnuakstur á eft-
irtöldum þrem stöðum: Á Skóla-
vörðustíg milli Bergstaðastrætis
og Bankastrætis til norðvesturs,
á Bankastræti milli Skólavörðu-
stígs og Ingólfsstrætis til vesturs
og á Klapparstíg milli Grettis-
götu og Njálsgötu til suðurs.
Einstefnuakstur á fyrrgreind-
um götum er nú upp tekinn í til-
raunaskyni, en þó er fyrirhugað,
að svo verði einnig í framtíðinni,
og hefir umferðarnefnd sent bæj-
arstjórn sérstakt erindi og tillög-
ur þar að lútandi. — Með þessu
fyrirkomulagi vinnst einkum
tvennt, auk þess sem einstefnu-
akstur skapar ávallt aukið öryggi
í umferðinni. í fyrsta lagi það,
að þetta mun auðvelda gangandi
fólki að komast leiðar sinnar við
gatnamót, t.d. við mót Banka-
strætis og Ingólfsstrætis og
Laugavegar og Skólavörðustígs,
og j öðru lagi verður með þessu
fyrirkomulagi hægt að koma á
akreinakerfi á Klapparstígnum,
neðanverðum Laugavegi, Skóla-
vörðustíg og í Bankastræti*
þannig að þessar umferðaræðar
nýtist betur en áður.
Annað nýmæli er það, að bíla-
stöður verða nú algerlega bann-
aðar beggja vegna Klapparstígs
milli Hverfisgötu og Laugavegar.
Er það einkum gert vegna strætis
vagnaumferðarinnar, sem áður
lá um Ingólfsstræti, Bankastræti
og Skólavörðustíg, en verður nú
beint um Klapparstíg. — Við
ýmsar aðrar götur verða bílastöð
ur takmarkaðar eða bannaðar al-
gerlega, eins og verið hefir. Sömu
leiðis verður umferð beint frá
vissum götum eftir föngum, svo
sem einnig hefir tíðkazt áður, og
vísast um þau atriði til auglýs-
ingar lögreglustjóra, sem fyrr er
getið.
Loks má benda á breytingu þá,
sem gerð hefir verið á umferð-
inni við spennistöðina hjá Lækj-
artorgi, sem frá var sagt í Mbl.
s.l. þriðjudag. — Verki þessu er
ekki að fullu lokið enn, en meg-
intilgangurinn með breytingunni,
sem þarna er gerð, er að auð-
velda gangandi fólki umferðina
á þessum stað, ekki sízt með til-
liti til strætisvagnastöðvarinnir
við Kalkofnsveg. Standa vonir
til, að þessi ráðstöfun verði til
mikilla bóta.
★ ★ ★
Annar þáttur í viðbúnaði lög-
reglunnar gagnvart jólaumferð-
inni er aukin löggæzla á ýmsum
stöðum í bænum. Verða höfð um
40 föst varðsvæði, og þar munu
50—80 lögreglumenn stöðugt
verða við umferðargæzlu, mis-
jafnlega margir á hverjum stað,
eftir aðstæðum.
Lögreglustjóri gat þess, að svo
vel hefði til tekizt undanfarin ár,
að í hinni þungu og erfiðu um-
ferð í desember hefðu engin stór-
slys orðið og ekki verið mjög
mikið um árekstra. Þetta ætti að
verða mönnum hvatning til enn
meiri varúðar en áður, þannig að
helzt yrði ekkert slys eða árekst-
ur nú fyrir jólin. — Aðalatriðið
væri, að sérhver yegfarandi gætti
fyllstu varúðar í umferðinni —
þá mundi unnt að útrýma slys-
unum. Lögreglustjóri lagði
áherzlu á það, að lögreglan
treysti því, að almenningur
sýndi fullan samstarfsvilja í þess
um efnum.
Loks bað lögreglustjóri blöðin
að beina eftirfarandi atriðum til
vegfarenda: í fyrsta lagi, að fólk
safnist ekki saman í hópa á göt-
um úti — að menn gangi á gang-
stéttunum en ekki akbrautum —.
að menn fari ekki yfir akbrautir
annars staðar en á afmörkuð-
um gangbrautum og fari út í æs-
ar eftir umferðarljósunum. — Þá
skal foreldrum bent á að láta
börn sín helzt ekki vera ein á
ferð, þar sem umferð er mikil.
Þeim tilmælum beinir lögregl-
an til bifreiðastjóra, að þeir virði
reglur þær, sem fram eru settar
í fyrrgreindri auglýsingu lög-
reglustjóra — og fyrst og fremst
að þeir hagi ætíð akstri sínum
eftir aðstæðum hverju sinni.
Enn strjúka Litla Hrauns-
fangar
SELFOSSI, 10. des. — Um klukk
an 4,30 síðdegis í dag tók lög-
regluþjónn sér stöðu við Ölfusár-
brú, stöðvaði alla bíla er yfir
brúna ætluðu.
Enn einu sinni höfðu fangar á
Litla Hrauni strokið. Lögreglu-
maðurinn taldi fullvíst, að ekki
hefði þeim tekizt að komast yfir
brúna og þá leið til Reykjavíkur.
Hér var um að ræða gæzlu-
fangana Jóhann Víglundsson og
Martein Olsen. Báðir hafa þeir
komið við sögu áður í sambandi
við strok af vinnuhælinu. Hafði
verið komið með Jóhann að Litla
Hrauni í fyrradag. Um klukkan
4 í dag, hafði þeim Jóhanni og
Marteini verið leyft að fara út á
hlaðið við Litla Hraun. Þá var
orðið rokkið mjög og gripu þeir
þá tækifærið og komust í
gegnum eða yfir hina háu girð-
ingu umhverfis vinnuhælið og
voru brátt horfnir.
Þegar þessi fregn var símuð
laust fyrir lokun símstöðvarinnar
á Selfossi klukkan 10 í gærkvöldi,
höfðu ekki borizt fregnir af
handtöku strokufanganna.
Óhemju síld hjá
Akranesbátum
AKRANESI, 10. des. — Óhemju
síld var hjá Akranesbátum í dag.
Fengu 16 bátar samtals 2201
tunnu, þ.e. 140 tunnur á bát að
meðaltali. Aflahæsti báturinn
Höfrungur, lóðaði svo mikla síld
á dýptarmæli, að hann þorði ekki
að leggja meir en 40 net af 56,
sem hver bátur er venjulega með,
og fékk í þau 314 tunnur. Það er
óvenjulegur uppgripaafli, 8 tunn
ur í net.
Aðrir þeir aflahæstu voru Far-
sæll með 267 tunnur, Sigurvon
með 212 tunnur og Ólafur Magn-
ússon með 205 tunnur. Síldin er
jöfnum höndum söltuð og hrað-
fryst. — Oddur.
Aðeins ftarf að halda opinni Hellisheiði sjálfri
ÞESSA menn hitti Mbl. í fyrra-
dag austur ó Hellisheiði. Þeir
voru að reka niður stikur með-
fram vetrarbrautinni við svo-
nefnda Smiðjulaut. Sá staður er
mjög snjóþungur á vetrum og er
erfiðasti kaflinn á heiðinni,
vegna þess hve fljótt dregur þar
í skafla.
í vetur mun verða lögð meiri
áherzla á það en undanfarin ór,
að halda leiðinni austur fyrir
Fjall opinni. Það hefur líka mikið
óunnizt í þessu tilliti með til-
komu Austurvegar og spottans
af honum upp í Hveradali. Við
þetta bætist svo 500 m. langur
vetrarvegur í beinu framhaldi af
fyrrnefndum vegarspotta og alla
leið upp í Skíðaskála. þess-
um vegaframkvæmdum, getur
vegagerðin einbeitt ýtum sínum
að frekar stuttum kafla leiðarinn
ar, eða frá Hveradölum og austur
á Kambabrún,_í stað þess að hafa
þurft að halda opinni leiðinni frá
Kambabrún og alla leið niður
fyrir Sandskeið.
Það verður miklu auðveldara
að fást við þetta í vetur, jafnvel
þó snjóalög yrðu töluverð, sögðu
vegagerðarmennirnir, sem bættu
því við. að fyrir þá sem stunda
skíðaíþróttina þá hljóti það að
þykja merk tíðindi, að sennilega
muni verða fært í allan vetur
upp í Skíðaskála. — En það þarf
að setja stikurnar meðfram veg-
inum eigi að síður. — Og svo
dundu sleggjuhöggln á stikunum.