Morgunblaðið - 30.04.1966, Blaðsíða 12

12
MORGUNBLAÐIÐ
Laugardagur 30. apríl 1966
Frá Sjálfstœðiskonum
Útgefandi: Landssamband Sjálfstæðisk^r
Ritstj.: Anna tíjarnason og Anna Borg.
Mun reyna aö beita áhrif um mínum til gdðs fyrir
hafnfirzkar konur
UM ÞESSAR mundir eru daglega birtir framboðslistar stjórnmála-
flokkanna í dagblöðunum. Flest af nöfnunum sem þar standa eru
gamalkunn en önnur ný og er það ánægjulegt, sérstaklega þegar
um er að ræða ungt fólk. Og að sjálfsögðu gleðjumst við konurnar
þegar kynsystrum okkar er gefinn kostur á sæti framarlega á list-
um flokkanna. Að þessu sinni langar okkur til þess að kynna eina
slíka unga konu, frú Helgu Guðmundsdóttur úr Hafnarfirði, en
hún er í fjórða sæti á lista Sjálfstæðismanna þar.
Frú Helga er 38 ára gömul og
á 6 börn og hefur því gott vit- á
hvar helzt þarf úrbóta við í bæj-
arfélaginu, þar sem snýr að ung-
um, barnmörgum mæðrum og
heimilunum. Hennar eigið heim-
iii bar vott um dugmikla hús-
móður, sem bæði gefur sér tíma
til þess að prjóna peysur á eigin-
mann og börn, sauma útsaum og
Ibúa til skemmtileg filtveggteppi,
fyrir utan að hafa heimilið skín-
andi hreint og aðlaðandi.
Af snæfellskum ættum
— Ert þú Hafnfirðingur að
ætt, Helga?
— Ég er fædd og uppalin
hérna í Hafnarfirði, en foreldrar
mínir, Guðrún Ásbjörnsdóttir og
Guðmundur Guðbjörnsson skip-
stjóri, voru bæði ættuð af Snæ-
fellsnesi. Þegar ég var 7 ára
gömul varð fjölskylda mín fyrir
þeirri sorg að pabbi drukknaði
og eftir það varð móðir mín að
sjá fyrir barnahópnum, en við
vorum 6 systkinin. Eldri bræður
mínir fóru því snemma að reyna
að vinna fyrir heimilinu en oft
reyndist erfitt að fá vinnu í þá
daga. Það er einhver munur í
dag, þegar störfin kalla hvar-
vetna eftir vinnandi hönd.
Stór fjölskylda
— Og nú átt þú stóra fjöl-
skyldu, er það ekki? Finnst þér
þú ekki hafa mikið að gera við
að sinna börnum og heimili?
— Jú, að sjálfsögðu hef ég
mörgu að sinna því við eigum
sex börn, frá þriggja mánaða til
12 ára, en einhvernveginn er
það svo að mér hefur alla tíð
virzt auðvelt að sinna heimilis-
störfum, og svo hef ég styrka
stoð, þar sem maðurinn minn,
Gunnlaugur Jón Ingason er, því
hann hefur yndi af börnunum
©g heimilinu engu síður en ég.
Þótt hann vinni mikið telur hann
ekki eftir sér að rétta hjálpar-
hönd þegar hann er heima.
— En er ekki erfiðleikum
bundið fyrir þig að komast að
heiman?
— Nei, því þá kemur móðir
mín til aðstoðar. Drengimir
hlakka beinlínis til þegar ég
þarf að bregða mér frá, því þá
kemur amma og hún kann að
hafa ofan af fyrir þeim.
Frístundirnar
— Áttu nokkrar stundir af-
gangs?
— Já, það hef ég alltaf átt.
Ég hef alia tíð haft mikið yndi
af handavinnu og á síðari árum
hafa flestar hannyrðastundir far
ið í að sauma og prjóna á börnin.
Þá hef ég einnig starfað í tveim-
■ur kvenfélögum hér í bænum,
Sjálfstæðiskvennafélaginu „Vor-
boðanum“ og kvenfélaginu
„Sunnu“, sem er ópólitískt fé-
lag. Þar starfa konur úr öllum
flokkum og er ekki hægt annað
en dást að því samstarfi og þeim
einhug sem þar ríkir. Innan
„Sunnu“ starfar m.a. mæðra-
styrksnefnd og orlofsnefnd, sem
íjallar um orlof húsmæðra. Ég
tel það mikils virði fyrir mig að
hafa haft tækifæri til þess að
kynnast óskum kvenna hvar í
flokki sem þær standa og mun
ég reyna að beita áhrifum mín-
um til góðs fyrir allar hafnfirzk-
ar konur.
Skólabíll nauðsynlegur
— Geturðu nefnt mér einhver
mál, sem þú hefur sérlegan á-
huga á?
— Mér finnst mjög aðkallandi
að fá skólabíl, því það er langt
fyrir börnin, sem eiga heima á
Hvaleyrarholti og fyrir vestan
sundlaug að fara í skólana. Marg
oft undanfarna vetur hef ég
Frú Helga með syni sína fimm. Talið frá vinstri: Gunnlaugur Helgi, Halldór, Þorsteinn, og
tvíburarnir Guðmundur og Ingi.
segir Helga Guðmundsdóttir sem skipar
4. sæti á lista SjálfstæðisfI. í Hafnarfirði
þurft að skipta um hverja flík
á drengjunum mínum, svo blaut-
ir koma þeir eftir gönguna, heim
úr skólanum. En hvað er það á
móti því að fá börnin slösuð eða
andvana. Svo hættulega tel ég
Reykjanesbrautina, eða nýja
Keflavíkurveginn, eins og við
köllum hann. Gestur Gamalíels-
son kirkjugarðsvörður, sem er
að störfum rétt við Reykjanes-
brautina, hefur sagt mér að
hann sjái oft skólabörn úr Öldu-
túnsskóla standa úti á þessari
hættulegu hraðbraut að veifa
bílum. Það er mikið vandamál,
því af áhuga á að krækja sér í
bílfar gleyma börnin hættunni.
Vil ég því nota þetta tækifæri
til þess að hvetja foreldra til
þess að brýna fyrir börnum sín-
um að fara ekki út á Reykjanes-
brautina nema með ýtrustu var-
kárni.
— Annað mál get ég nefnt,
sem ég hef brennandi áhuga á
og það er að fá lokaða gæzlu-
velli fyrir yngri börnin, þar sem
þau geta verið örugg á meðan
móðirin sinnir verkefnum sínum.
Hér eru nú nokkrir, opnir leik-
vellir, sem börnin kuona vel að
meta, en eftir því sem byggðin
vex þarf þeim að fjölga.
Ört vaxandi bær
— Hér í Firðinum er mikið
um nýbyggingar og hefur fólks-
fjölgunin verið mjög ör undan-
farin ár. Samfara fjölguninni
skapast ýmis vandamál og eru þá
skólamálin mest aðkallandi. Tel
ég því mjög mikilvægt að Þor-
geir Ibsen skólastjóri, sem er í
fimmta sæti á lista Sjálfstæðis-
flokksins, nái kosningu. Hann
veit gjörla hvar skórinn kreppir
í skólamálum. Því vil ég eindreg
ið hvetja hafnfirzka kjósendur
til að sameinast um Sjálfstæðis-
flokkinn, því hann er eini flokk-
urinn sem hefur möguleika á því
að fá hreinan meirihluta í kom-
andi kosningum og koma vel-
ferðarmálum bæjarbúa í sem
bezt horf.
— Ég hef fylgt Sjálfstæðis-
flokknum síðan ég var ungling-
ur því ég tel hann vera eina
flokkinn sem hefur þá stefnu að
stuðla að frjálsu framfcaki, svo
hver einstaklingur fái að sýna
hvað í honum býr. Enda á Sjálf-
stæðisflokkurinn mikið fylgi í
öllum stéttum landsmanna. Hér
í Hafnarfirði er hann eini flokk-
urinn sem hefur konu í öruggu
sæti á lista og tel ég það þakkar-
vert, þó karlmennirnir séu dug-
miklir, hefur konan meiri áhuga
og innsýn í mannúðar- og upp-
eldismál, því börnin og velferð
þeirra standa hug hennar næst.
Gott að skiptast á skoðunum
— Hvað finnst þér um að kon-
ur vinni utan heimilisins?
— Mér finnst að hver kona
verði að gera það upp við sig
sjálfa hvort hún vill heldur
vinna utan heimilisins eða helga
sig algjörlega heimilisstörfunum.
En persónulöga álít ég að sér-
hver kona hafi gott af því að
bregða sér frá stund og stund.
Mér hefur alltaf fundizt ég koma
hressari heim af fundum og þótt
gott að hitta aðrar konur að
máli og heyra þeirra sjónarmið
á hinum ýmsu málefnum. Ég vii
því hvetja ungar konur til þess
að snúa sér að félagsmálum, með
því móti mega þær líka hafa á-
hrif til þess að koma áhugamál-
um sínum í framkvæmd og bæta
bæjarfélagið til góðs fyrir þegna
þess, sagði frú Helga Guðmunds-
dóttir að lokum.
— A. Bj.
— Ræða Gunnars
Framhald af bls. 17
aðarins. Á sl. ári beitti stjórn Fé-
lags íslenzkra iðnrekenda sér
fyrir því, að islenzkir iðnrekend-
ur færu í kynnisferð til Noregs
til þess að athuga á hvern hátt
brugðizt hefði verið við aðlög-
unarvandamálum iðnaðarins þar
í landi, og hvaða ráðstafanir
hefðu verið gerðar til þess að
auðvelda norskum iðnaði aðlög-
un að breyttum samkeppnisað-
stæðum.
Þá þykir mér rétt að geta
þess, að verulegt tillit var tekið
til óska félagsins við aukningu
frílistans um síðastliðin áramót.
Á sl. ári tók til starfa Rann-
sóknarstofnun iðnaðarins og ríð-
ur nú mjög á því, að iðnrekend-
ur hagnýti sér þá möguleika,
sem sú stofnun kemur til með
að hafa upp á að bjóða.
Þótt ástæða hefði verið til að
ræða um ýmsa aðra málefna-
flokka verð ég að láta þessa upp-
talningu nægja að sinni, en vísa
að öðru leyti til skýrslu stjórnar
félagsins.
Fyrir Alþingi liggja nú frum-
vörp, sem miða að endurskipu-
lagningu fjárfestingarlánasjóða.
Tel ég að sú endurskipulagning
sé til bóta miðað við það skipu-
lag, sem ríkir í dag. Eitt þeirra
er frumvarp um Atvinnujöfnun-
arsjóð, en honum er ætlað það
hlutverk að stuðla að uppbygg-
ingu atvinnúlífs í öðrum lands-
hlutum en Suðvesturlandi. Ætti
þessi sjóður að geta orðið mikil
lyftistöng fyrir iðnaðinn í land-
inu, svo framarlega, sem séð verð
ur fyrir því, að það fé, sem
þarna fæst verði fyrst og fremst
notað til þess að ryðja nýjar
brautir í iðnaði, en verði ekki
notað til þess að fjölga fyrirtækj-
um í þeim greinum sem fyrir
eru og vinna þannig gegn þeirri
þróun, sem ég tel æskilegasta, en
það er samruni og stækkun
þeirra fyrirtækja, sem þegar eru
starfrækt.
Iðnaðurinn stendur nú á tíma-
mótum. Það er reiknað með því,
að íbúar fslands verði um næstu
aldamót hátt í 400 þúsund. Við
sjáum fram á, að við getum
ekki aukið fiskaflann svo neinu
nemur frá því sem nú er. Aukin
nýting hans mun ekki krefjast
aukins mannafla að sama skapi
vegna aukinnar tækni, hagræð-
ingar og nýrra uppfindinga, sem
stöðugt eru að koma fram.
Um landbúnaðinn er hið sama
að segja. Aukin framleiðsla þar
mun helduj- ekki krefjast aukins
mannafla hvorki nú eða þegar
fram í sækir. Það verður mönn-
um æ Ijósara, að til þess að
tryggja batnandi lífskjör og at-
vinnu handa hinum vaxandi
fjölda landsmanna, verður að
leggja höfuðáherzlu á uppbygg-
ingu iðnaðarins. í því sambandi
verður að telja, að ákvörðun um
byggingu hinnar miklu virkjun-
ar við Búrfell mun reynast eitt
mikilvægasta skrefið sem stigið
hefur verið. Hún mun veita iðn-
aðinum mikla og ódýra raforku,
sem er forsenda fyrir þróun hans
í framtíðinni. Hinir nýju mögu-
leikar, sem bygging alúmín-
bræðslu í Straumsvík skapar
málmiðnaðinum hér á landi,
mun auk þess flytja inn í landið
tækni- og verkkunnáttu, sem
mun auðvelda okkur brautina til
aukinnar iðnvæðingar.
En umfram allt þarf iðnaður
okkar og atvinnulíf á að skipa
menntuðum, atorkusömum og
hugmyndaríkum einstaklingum,
sem eru þess reiðubúnir að
leggja sig alla fram við uppbygg-
ingu þróttmikils iðnaðar og at-
vinnulífs í landi okkar.
Einbýlishús
eða
raðhús
í byggingu í Reykjavík óskast
til kaups. Til greina kemur
að skipta á 5 herb. íbúðaThæð
á góðum stað í bænum. Tilboð
sendist afgr. M!bl. merkt:
,,X — 100 917ö“ ityrir 5. maií.
Eignist nýja vini
Pennavinir frá 100 löndum
óska eftir bréfasambandi við
yður. Uppl. og 150 myndir
sendar ókeypis.
Correspondence Club Hermes
1 Berlín 11, Box 17, Germany