Morgunblaðið - 29.06.1967, Page 3

MORGUNBLAÐIÐ, FIMMTUDAGUR 29. JUNÍ 1967.
3
sem mun verða eítirlitsmaður þar
NÚ UM mánaðarmótin hefst
veiðitíminn í Veiðivótnum og
stendur hann til 15. ágúst. í
sumar verður Gunnar Bj.
Guðmundsson, kennari frá
Heiðarbrún í Rangárvallasýslu
eftirlits- og gæzlumaður við
vötnin. Mbl. átti samtal við
Gunnar daginn sem hann
lagði á fjöllin á jeppa sínum.
— Lengi vel var það þann-
ig, sagði Gunnar, að veiði-
rétt í vötnumum höfðu aðeins
landei.gendur í Land- og
Holtahreppi, en nú fyrir
tveimur árum var stofnað til
veiðifélags og þá var um leið
gefin heimild til þess að menn
mættu kaupa sér stangaveiði-
leyfi í vötnunum. Hafa mjög
margir orðið til að nota sér
það.
— Og eru þá öll vötnin
leigð út?
— Það er í fyrsta skipti
núna sem það er gert'. Reynd-
ar eru tvö undanskilin, Litla
og Stóra Skálavatn, en þau
verða alveg friðuð. Er það
gert mest í tilraunas'kyni.
— Og hvert verður þitt
starf þarna, Gunnar?
— Ég verð þarna eftklits-
o.g gæzlumaður. Einnig mur
ég gefa fólki, sem til mín leit-
ar allar þær upplýsingar senn
ég hef á reiðum höndum um
sögu staðarins, staðhætti 0|
staðarnöfn. Mitt aðsetur ver£
ur rétt hjá Tjarnarkoti vií
Tjaldvatn.
— Er ekki Tjarnarkot fræg-
ur reimleikastaður?
— f>að held ég ekki. Ég er
að minnsta kosti ekki myrk-
fælinn þarna. Tjarnarkot er
gamall viðlegukofi fjalla-
manna og hefur honum verið
vel við haldið, og margir hafa
gaman af að skoða hann.
— Hvernig er færðin til
Veiðivatna?
— Þegar farið er til Veiði-
vatna er um tvær aðalleiðir
að velja. Ferðist menn t.d. á
jeppnum er hægt að komast
norður yfir Tungnaá á kláf-
ferj.unni, og er þá síðan ekið
norður Búðarháls og yfir
Köldu'hvísl. Sé hinsvegar far-
in hópferð á stórum hílum er
venjulega farið yfir Tungnaá
á Hófvaði. Eini verulegi far-
artálminn, ef sú leið er farin,
Gunnar Bj. Guðmundsson virðir fyrir sér kort af vatnasvæð-
ínu.
er Tungnaá, en hún er þarna
fær stórum bifreiðum með
drifi á öllum hjólum, svo og
jeppnum, ef lítið er í henni.
— Og það þarf auðvitað
ekki að spyrja að því, að það
er mikil veiði í Veiðivötnum.
— Vötnin eru fræg fyrir
hversu fiskiauðug þau eru. í
gamla daga voru þau matar-
forðabú fyrir efstu bæina í
Landsveit. f>á tóku nokkrir
bændur sig saman og fóru til
vatnanna á vorin með marga
hesta og sjaldan brást það, að
þeir kæmu klyfjaðir kláranir
til ba<ka. Þetta þóttu ekki svo
lítil hlunnindi. Þeir sem til
þekkja segja ekki minni veiði
í vötnunum nú. Það er líka
dálítið merkilegt, að fiskur-
inn er ólíkur eftir því í hvaða
vatni hann veiðist. Glöggir
menn geta þannig t.d. alltaf
sagt til um í hyaða vatni fisk-
urinn er veiddur.
Og þú hy.g'gur gott til dvaiar
innar í óbyggðum?
— Það geri ég sannarlega.
Það er oft talað um töfra
öræfanna, en þá getur enginn
þekkt sem ekki hefur kynnzt
þeim af eigin raun. Og þó að
Veiðivötnin séu fyrst og
fremst fræg fyrir fisk þeirra,
þá eru þau líka fræg fyrir þá
miklu náttúrufegurð, sem þar
er.
Þá má svo að lokum geta
þess, að veiðileyfi í Veiðivötn
um er hægt að fá keypt í Um-
ferðamiðstöðinni og þar mun
einnig vera hægt að fá upp-
lýsingar.
Vélasalurlnn í Vífilfelli. Þessar vélar geta framleitt tvær flöskur af Coca-Cola> á hverri
sekúndu.
Verksmiðjan Vífilfell 25 ára
r r
Arsþing Islenzkra
ungtemplara á
Siglufirði
ÁRSÞING íslenzikra ungitempl-
ara verður haldið á Sigi'ufirði
30. júní til 2. júlí n.k.
Jafnframt verður 9. lanidsmót
ísl. ungtemplara háð þar dag-
ana 1. og 2. júlí.
Dagskrá mótsinis verður með
fjölbreyttu sniði. Mótið verður
sett e. h .á laugardaginn (1.
íúlí) og hefjast þá íþróttir. Þátt
takendur eru úr ungtemplara-
félögum víðsvegar að af land-
inu. Um kvöldið verður skemmti
kvöld og dans stiginn fram eftir
nóttu.
Á sunnudag heldur mótið
áfram. Árla morguns verður
gengið á Hólshyrniu. Síðan verð-
ur fylgt liði og haldið til kirkju,
þar sem hlýtt verður á messu
hjá séra Ragnari Fjalar Lárue-
syni. Síðari hluta dagsins lýkur
iþróttamótinu. Um kvöldið verð-
ur kvöldvaka og varðeldur og
er mótinu slitið um kvöldið.
Þátttakendur munu búa í
tjaldiborg meðan á mótinu stend
ur.
Verksmiðjan Vífilfell er við
Hofsvallagötu, þar sem áður var
býlið Hagi, en síðar fiskvinnslu
stöð. Þarna er búið að framleiða
146.605.584 flöskur £if Coca-Cola
á aldarfjórðungi.
Ungtemplarafélagið Hvönn,
Siglufirði, hefur veg og vanda
að undirbúningi mótsins þetta
er í fyrsta sinn, sem landsmót
islienzkra ungtemplara er hald-
ið uitan Reykjavíkur.
Ágangur maðkatínslumanna
VERKSMIÐJAN Vífilfell h.f„
einkaframleiðandi Coco-Cola á
íslandi, tók til starfa í júní árið
1942. Afmælisins var minnst í
gær og blaðamönnum boðið að
skoða verksmiðjuna og fræðast
um starfsemi hennar í fylgd
Björns Ólafssonar, forstjóra,
Péturs Björnssonar, fram-
kvæmdastjóra og Kristjáns G.
Kjartanssonar, framkvæmda-
stjóra.
Maður að nafni J. S. Pemp-
erton fann upp gosdrykkinn
Coca-Cola árið 1886 í Banda-
ríkjunum. Vinsældir þessa
drykkjar hafa síðan breiðzt um
allan heim. Hann er nú seldur
1 meira en 120 löndum og drukk
ið er úr um 75 milljónir flaskna
á dag.
Þegar framlelðsla hófst hér á
landi árið 1942 gat verksmiðjan
íramleitt 12.000 flöskur- í dag-
vinnu. Núna eru framleiddar og
drukkið úr um 60.00 flöskum á
dag.
Framleiðslan hefst á því, að
flöskurnar eru látnar í þvotta-
vélina til hreinsunar. Vélin skil
ar þeim hreinum og sótthreins-
uðum. Siðan flytjast þær á færi
böndum þangað sem þær eru
skoðaðar í sterku ljósi og tekn-
ar eru úr þær flöskur, sem eitt-
hvað er athugavert við. Hinar
halda áfram í vél, sem fyllir
þær og lokar þeim. Annað færi
band flytur þær til vélar sem
hristir drykkinn. Eftir það breyt
ist hann ekki. Því næst renna
flöskurnar enn fyrir skoðunar-
ljós og síðan á safnborðið, þar
sem þeim er raðið í kassana.
Mannshöndin snertir flöskurnar
ekki frá því að þær eru látnar
í þvottavélina og þangað til að
þeim er raðað í kassana,-----.
í GÆRMORGCN hringdi maður
í ritstjórn Mbl. og sagði sínar
farir ekki sléttar. Nýlega hafði
hann látið garðyrkjumenn
snyrta garð sinn, en í gærmorg-
un, er hann kom á fætur höfðu
ánamaðkatínslumenn troðið all-
an garðinn út og sparkað niður
blóm. Rifnar höfðu og verið
upp túnþökur o-s.frv.
Mbl. hafði af þessu tilefni tal
af lögreglunini, og spurði, hvort
mik'il brögð væru að kvörtunum
þessu viðvKkj'andi. Fékk það þau
svör að ávailt væri töluvert um
þær á þessum táma árs. í vor
hefðu ekki verið ýkjamargar
kvartanir frá einstaklingum, en
töliuverit hefði verið kvartað frá
kirkjugarðinum við Suðurgötu.
Virtist fólk eteki bera neina virð
iingu fyrir leiðum og traðkaði
þau út. Aðspurð sagðist Kjgregl-
an ’ekkert aðhadast, fyrr en
kvartað væri.
STáKSTEINAR
Ósannindavaðall >
*
Alþýðublaðsins 4
Alþýðublaðið birti í gær slík-
an endemis vaðal um afstöða
Morgunblaðsins til fundar sem
haldinn var í Austurbæjarbiót
sl. þriðjudagskvöld, þar sem full
trúar kommúnista í Víetnam
svöruðu fyrirspurnum, að með
ólíkindum er, og hefði blaðinu
verið hollara að láta þessa
klausu óbirta, ef það hefði vilj-
að hafa það sem sannara er, en
birting þessarar furðulegu frá-
sagnar bendir ekki til þess að
metnaður Alþýðublaðsins stefnl
í þá átt. Alþýðublaðið segir m.a.:
„Eitt dagblaðanna, stærsta blað
landsins, Morgunblaðið sá sér
þó ekki fært að senda blaða-
mann á fundinn."
Mbl. fékk engin tilmæli nm
að senda blaðamann á fund
þennan heldur hafði
einn af forsvarsmönnum Víet-
namnefndarinnar samband við
einn af ritstjórum Mbl. og tvo
starfsmenn þess og skýrði frá
þvi, að blöðin myndu ekki beð-
in um að tilnefna fulltrúa á
þennan fund, heldur yrði leitað
til einstakra starfsmanna þeirra
og þeir beðnir að taka þátt i
þessum fundi á eigin vegum en
ekki í nafni þeirra blaða, sem
þeir starfa við. Fór hann þess
á leit við blaðamennina tvo,
hvorn um sig, að þeir tækju
þátt í fundi þessum.
Þeir neituðu þeirri beiðni, en sú
neitun var í engum tengslum
við afstöðu blaðsins, heldur al-
gjört einkamál þessara tveggja
starfsmanna þess. Þegar hér var
komið hringdi fyrrnefndur for-
svarsmaður Víetnam-nefndarinn
ar, aftur til ritstjóra blaðsins og
innti hanp eftir því hvort hann
gæti fellt sig við að tiltekinn
héraðsdómslögmaður, sem áður
hefur starfað hjá Morgunblað-
inu tæki þátt í þessum fundi,
og hafði ritstjóri Morgunblaðs-
ins að sjálfsögðu ekkert við það
að athuga.'
Hins vegar var Morgunblaðinu
boðið að senda blaðamann á
blaðamannafund, sem fólk
þetta efndi til sl. mánu-
dagsmorgun og gerði blaðið það
að sjálfsögðu og birti frétt af
fundi þeim sl. þriðjudag, sem
var jafn ítarleg og frétt ann-
arra blaða.
Heimsóknin til
Danmerkur v
I þessu sambandi er fróðlegt
að geta þess að þessir komm-
únisku fulltrúar hafa verið i
heimsókn í Danmörku og í frá-
sögn danska blaðsins BT mið-
vikudaginn 21. júni af samskon-
ar fundi, sem fólk þettá hélt
þar, kemur fram að aðeins full-
trúar tveggja blaða „Land og
folk“ og „BT“ beindu fyrirspurn
um til þess. Af einhverjum
ástæðum voru t.d. blaðamenn
„Aktuelts" blaðs danskra jafn-
aðarmanna, ekki staddir á fund
inum eða a.m.k. beindu þeir
engum fyrirspurnum til gest-
anna. Og ekki var heldur að sjá
neinn fulltrúa Alþýðublaðsins,
Vísis né sjónvarps á Austurbæj-
arbíófundinum a.m.k. höfðu
þeir sig ekkert í frammi. Þessi
ósannindavaðall Alþýðublaðs-
ins um afstöðu Morgunblaðsins
til fundar þessa er eins og ljóst
er, einstaklega ómerkilegur og
erfitt að skilja hvaða tilgangi
hann á að þjóna. Fróðlegt væri
að vita hverjar heimildir Alþýðu
blaðið hefur fyrir þessum ósann
indum og er þeirri fyrirspurn
hér með beint til blaðsins. Ef
til vill er tilgangur Alþýðublaðs
ins með þessum þvættingi sá, aS
skapa sjálfu sér orðstir,
viðsýns og frjálslynds blaðs, en
það mun komast að raun um a|
slíkur „gæðastimpill" fæst ekki
með því að bera á borð lygar at
þessu tagi.