Morgunblaðið - 03.12.1967, Blaðsíða 23
MORGUNBLAÐIÐ, SUNNUDAGUR 3. DES. 1967
23
FRÁ alda öðli herma sögur allra
þjóða, að þar hafi verið „sjá-
endur“, eða fólk, sem sá annað
og fleira en allur almenningur.
Og slíkt fólk hefir verið uppi
alltaf síðan og er til enn. Þetta
fólk kallast nú skyggnt, og
skyggni er talin sérstök gáfa,
sem aðeins sé léð nokkrum ein-
staklingum.
Þær óteljandi sögur, sem sagð-
ar eru um skyggni, verða ekki
hraktar, en vísindamenn vilja
ekki enn viðurkenna að þar hafi
verið um raunverulegar sýnir að
ræða, heldur kalla þeir þetta
allt missýningar, vegna þess að
ekki eru aðrir til vitnisburðar
um fyrirbærin en sjáendur sjálf-
ir. Þeir hafa sagt frá reynslu
sinni í þeirri von, að sér væri
trúað. Og víst mætti kalla það
óðs manns æði að telja skrök-
sögur öll þau fyrirbæri, sem
gerzt hafa frá morgni mannkyns
ins og fram á þenna dag. Þess
vegna hafa vísindamenn kosið
að kalla þetta missýningar.
Þeir mega að vísu trútt um
tala, því að svo margar missýn-
ingar hafa þeir átt við að stríða
sjálfir. Um seinustu aldamót var
hnífsblað talið eitilhart og eggin
hvöss og þráðbein. Svo kom smá
sjáin til sögunnar og hún sýndi,
að eggin var ekki þráðbein, hún
er öll skörðótt og líkust hlykkj-
óttu stryki. Svo sýndi efnafræð-
in fram á, að stálið í blaðinu
væri ekki annað en frumeindir
járns og kolefnis. Og seinast
kom atómfræðin og þá var
mönnum ljóst, að í þessu eitil-
harða stálblaði var ekki annað
en rafeindir á stöðugu flugi með
þúsunda kílómetra hraða á
hverri sekúndu. Þetta litla dæmi
er ágætt sýnishorn af framför-
um vísindanna. Það sýnir að við-
horfið ræður um útlit hlutanna.
Um aldamótin þekktu menn
trauðla aðra geimgeisla en þá,
sem bárust frá sólinni, ljósgeisla
og hitageisla. Nú eru menn viss-
ir um, að hingað til jarðar stafi
ótölulegum fjölda ósýnisgeisla
utan úr geimnum. Þessir geislar
smjúga í gegnum mann, en hann
verður ekki var við nema örlitið
brot af þeim. Sjátfsagt hafa þeir
þó sín áhrif, en þau geta verið
mismunandi eftir því hvernig
menn eru gerðir.
Eru þá ekki einmitt líkur til,
að þessir ósýnisgeislar valdi því
að menn verða skyggnir? Það er
sannað, að menn sjá ekki með
augunum, heldur með heilanum,
og heilanum ætti að geta borizt
margvíslegar myndir, þótt ekki
fari þær venjulega leið í gegn-
um augun. Það er og staðreynd,
að skyggnt fólk sér út fyrir svið
þrívíddarinnar, alveg eins þótt
það hafi augun aftur, eða bundið
fyrir þau.
Nú eru það ekki aðeins svipir
látinna manna og huldufólk sem
skyggnt fólk sér, heldur sér það
einnig svipi lifandi manna, þótt
þeir séu langt í burtu.
Spíritistar hafa þá skýringu á
þessu, að sjáendurnir hafi and-
legt samband við þann, er þeim
birtist, hvort sem hann er af
þessum heimi, eða öðrum. Þeir
segja, að sérhver maður sé hlað-
inn orku af mismunandi gerð,
og geti þvi aðeins haft áhrifa-
samband við annan, að orkusvið
þeirra sé að einhverju leyti hið
sama. En skapast þá ekki þetta
orkusvið af þeim geimgeislum,
sem sífellt streyma í gegnum
mennina?
Fyrir Röntgengeislum verða
líkamir manna gegnsæir, og er
þá ekki rökrétt að hugsa sem
svo, að alveg eins geti gegnsæir
líkamar huldra vera orðið sýni-
legir fyrir áhrif annarra geisla,
sem menn þekkja ekki.
Og einmitt vegna þess, að vís-
indamenn þekkja ekki þessa
geisla né eðli þeirra, kalla þeir
raunverulegar sýnir hins
skyggna fólks missýningar.
Allt lýtur sérstökum lögmál-
um, bæði í efnisheiminum og líf-
heiminum. Ekkert yfirnáttúrlegt
er til.
Allt sem menn kalla slíku
nafni er eðlilegt og verður skilj-
anlegt þegar fundið er það lög-
mál, sem þar ræður. Sýuir og
vitranir verða daglegir viðburðir
þegar lögmál þeirra er fundið,
og þá geta allir menn orðið „sjá-
endur". Og þá verður hætt að
tala um missýningar.
Ekið ó kyrr-
stæðan bíl
EKIÐ var á bílinn R-14563, sem
er Hilmanfólksbíll, sl, miðviku-
dag og hann stórskemmdur. Bill-
inn stóð við eystri göturbún
Stakkahlíðar gegnt Kennaraskól-
anum. Rannsóknarlögreglan bið-
ur ökumanninn, sem tjóninu olli
svo og vitni, ef einhver voru, að
gefa sig fram.
ALMENNA BÓKAFÉLAGIÐ
í ALMENNRI stjórnmálaálykt
un 19. SUS-þingsins er efiir-
farandi kafli um samgöngu-
mál:
Ungir Sjálfstæðismenn
minna á:
— að greiðar samgöngur
eru eitt af undirstöðuatriðum
framfara og góðra lífskjara,
— úthreiðslu sjálfsvirks
síma um landið,
— miklar framfarir í sam-
göngumálum,
og álykta:
— að áfram verði haldið
gerð varanlegra vega á aðal-
umferðarleiðum landsins,
— að til framkvæmdar á
þessu verkefni, sem enga bið
þolir, verði afiað lánsfjár, ef
nauðsynlegt reynist, og fram-
kvæmdir boðnar út á sam-
keppnisgrundvelli,
— að áfram verði haldið í
flugvalla- og hafnargerð sem
víðast um landið,
— að frekari umbætur verði
gerðar í simamálum, sem
Herbert Guðmundsson:
af veftvangi
stuðli að bættri þjónustu út
um land,
— að póstþjónustu verði
komið í viðunandi horf.
Hér er í fáum orðum grip-
ið um stór mál. Og einmitt
þessi mál vitna hvað skýrast
um þau Grettistök, sem lítil
þjóð má lyfta í samanburði
við stórþjóðirnar, til þess að
lifa og njóta lífsins með sam-
bærilegum hætti.
Samgöngur og sambönd
byggðarlaga eru meðal frum-
skilyrðanna fyrir nútímalífi
þjóðanna. Og í þessum efnum
hefur sannarlega verið lyft
Grettistökum hér á íslandi.
Öll byggðarlög, að heita má,
eru nú komin í vega- og síma
samband. Hafnarkeðjan er
nær óslitin umhverfis landið
og flugvellir, stórir og smáir,
eru í flestum héruðum.
Það er jafnvel umdeilan-
legt, hvort kröftunum hefur
ekki verið dreift um of, með
því, að gera eitthvað of víða
á kostnað varanlegri mann-
virkja. En þannig er þetta
komið, og flestir geta vel við
unað sinn hlut.
Því verkefni, að riða sam-
göngunetið, er þó ekki lokið.
Nokkur kafli af hringvegi um
landið er ólagður. Það, nær
því eitt, er ógert.
Verkefnin skortir þó ekki. í
náinni framtíð taka við marg-
háttaðar og stórvægilegar end
urbætur á samgöngunetinu.
Það má raunar tala um endur-
byggingu í því sambandi, því
að nú eru mörg unnin afrek
orðin úrelt og kalla á algera
endurnýjun.
Það liggur fyrir, að endur-
byggja aðalþjóðvegina og
leggja á þá varanleg't slitlag.
Ennfremur að gera stórátak í
rykbindingu vega almennt.
Það liggur einnig fyrir, að
endurbæta flugvellina og ör-
yggisbúnað þeirra, og loks, að
endurbæta hafnirnar og gera
þær fullnægjandi fyrir ört
stækkandi bátaflota og við-
komur kaupskipa.
Framkvæmdir í þessum mál
um eru gífurlegt verkefni.
Einkum og sér í lagi er þó
vegalengdin umfangsmikil og
óhemju kostnaðarsöm. Má bú
ast við því, að hún vinnist
ekki, nema til komi verulegt
erlent lánsfé, enda er það í
senn knýjandi að hraða fram
kvæmdum og hagkvæmt að
vinna að þeim í stórum stíl.
En undirstöðuatriði í þess-
um málum, hverju fyrir sig,
er skipulagning ásamt með
rannsóknum. Það atriði hefur
verið tekið æ fastari tökum á
síðustu árum. Hvað flugvell-
ina snertir, virðast skipulags-
mál vera í góðu horfi, og nýtt
skipulag varðandi hafnirnar
tekur gildi á næstunni. í vega
málum er nú starfað á grund-
velli nýlegra vegalaga, sem
ollu straumhvörfum í skipu-
lagi þeirra mála. Ég sé þó
ástæðu til að gagnrýna fram-
kvæmd þeirrar áætlunar um
vegaframkvæmdir, sem samin
var í kjölfarið. Að mínum
dómi hefur tilraunum með var
anlegt slitlag og rykbindingu
ekki verið sinnt sem skyldi.
Hirði ég ekki um að rökstyðja
þessa skoðun frekar að þessu
sinni, en ég er ekki einn um
hana.
Það er stefna ungra Sjálf-
stæðismanna, að unnið sé að
þessum málum af kostgæfni,
að stöðugar rannsóknir og
skipulagsstarf séu grundvöll
ur þeirra stórátaka, sem fást
verður við í náinni framtíð,
ásamt með nauðsynlegri fjár-
útvegun. Ennfremur og ekki
síður, að nýjasta tækni og
sem stórvirkust tæki séu jafn
an til nota við framkvæmd-
irnar, og sé við það miðað í
útboðum.
Og ungir Sjálfstæðismenn
leggja einnig mikla áherzlu á
þátt pósts og síma í samskipt-
um byggðarlaganna. Þar þarf
vissulega að gera á bragar-
bót, þrátt fyrir mjög veru-
legar framfarir að undan-
förnu. Sjálfvirki síminn hef-
ur grundvallarþýðingu í dag-
legu sambandi innan byggð-
arlaga og milli þeirra. Hlut-
verk póstþjónustunnar þarf
ekki að útskýra. Þessa þætti
báða þarf að efla stórlega.
Eins og ég gat um í upp-
hafi, þá er hér um að ræða
einhver mikilsverðustu mál
íslenzku þjóðarinnar. Sjálf-
stæðisflokkurinn hefur haft
forystu í þeim nú um skeið
og árangurinn er mikill. Á
þessum tíma hefur verið sam-
þykkt löggjöf um öll aðal-
atriðin, sem í hverju tilfelli
hefur markað tímamót til auk
inna framfara. En aðalþungi
framkvæmdanna er nú fram-
undan og vissulega veltur
ekki síður á um árangurinn,
hvernig til tekst um þær. —
Ungir Sjálfstæðismenn eru
eindregið þeirrar skoðunar,
að undir áframhaldandi for-
ystu Sjálfstæðisflokksins sé
þess árangurs að vænta, sem
stefnt er að.
Ég vil svo ljúka þessum
pistli með því, að minna á
stóran þátt í þjóðlífinu, sem
þessum málum er nátengdur.
Á ég þar við fólks- og vöru-
flutningastarfsemi. Hingað til
hefur þessi starfsemi þróazt
næsta skipulagslítið í ýmsum
greinum. Það er ærið tilefni
til þess, að opinber aðili
kryfji þessa starfsemi til
mergjar, í þeim tilgangi, að
upplýsa um hagkvæmni og
æskilega verkaskiptingu
hinna ýmsu flutningsforma.
Niðurstaða slíkrar rannsókn-
ar gæti orðið grundvöllur
bættrar þjónustu og ódýrari
þjónustu, til hagsbóta fyrir
þjóðfélagið í heild.