Morgunblaðið - 26.07.1968, Blaðsíða 25

MORGUNBLAÐH), FÖSTUDAGUR 26. JÚLÍ 1988
25
Minning:
Þuríður Sigurðardóttir
Litlu—Giljá
F. 9. sept 1894. — D. 16. ág. 1968.
í DAG er borin til grafar að
Þingeyrum merk kona og mik-
il'hæf, Þuríður Sigurðardóttir,
Ihúsfreyja frá Litlu-Gfljá í
Þingi. Hún var fædd á Stöðlum
í Ölfusi 9. sept 1894, dóttir hjón-
anna Sígurðar Þorbjörnssonar
og Ingigerðar Björnsdóttur. í
jarðskjálftunum miklu sumarið
1®96 hrundi fjöldi bæja í Árnes-
sýslu og voru þá nokkur börn
þaðan tekin til fósturs af Reyk-
víkingum, þar á meðal Þuríð-
ur, sem ólst upp til fullorðins-
ára með fósturforeldrum sinum,
Magnúsi Árnasyni trésmíða-
meistara á Túngötu 2 og Vigdísi
Ólafsdóttur, konu hans. Þann
20. apríl 1915 giftist hún Sig-
urði Jónssyni, búfræðingi, frá
Öxl í Húnaþingi, og tóku þau
þá um vorið við bústjórn á
Hjallalandi í Vatnsdal hjá kemp
unni Jósep Einarssyni, sem þá
var hniginn að heilsu, en hann
var ömmubróðir Sigurðar og
þau systkinin börn Einars á
Svínavatni, bróður Jóseps lækn-
is Skaftasonar í Hnausum. Eft-
ir lát Jóseps á Hjallalandi
bjuggu ungu hjónin um skeið í
Öxl í sam'býli við foreldra Sig-
urðar, en árið 1921 keyptu þau
jörðina Litlu-Giljá þar í sveit
og bjuggu þar til dauðadags.
Litla-Giljá var talin mjög
notaleg jörð, með ágætar engj-
ar út frá túni og nokkur veiði-
hlunnindi ,en hús voru öll mjög
niðurnídd. Það voru því allmik-
il viðbrigði fyrir ungu húsfreyj-
una, sem var alin upp á mynd-
arlegu efnaheimili í Reykjavík,
að koma þangað, og það því
fremur sem ómegð fór mjög vax
andi, því að þau Sigurður eign-
uðust 10 börn, sem öll komust
til þroska og lifa móður sína.
Þau eru.s
1. Magnús, bóndi á Litlu-
Giljá, ókvæntur.
2. Hafsteinn, húsasmíðameist-
ari, Reykjavík, ókvæntur.
3. Vigdís, ekkja eftir Steinar
Björnsson, lyfsala í Neskaup-
stað.
4. Einar, lögfræðingur og fast-
eignasali, Reykjavík, kvæntur
(Halldóru Óskarsdóttur.
5. Stefán, bílstjóri í Reykja-
vík, kvæntur Ásu Ingólfsdóttur.
6. Elín A., hjúkrunarkona í
Reykjavík, gift Ólafi H. Óskars-
syni, B.A.
7. Ingi Garðar, tilraunastjóri á
Reykhólum, kvæntur Kristrúnu
Marínósdóttur.
8. Sigþrúður, gift Ingvari G.
Jónssyni byggingafulltrúa, Gýgj-
ahhóli í Skagafirði.
9. Guðmundur M., bifvéla-
virki í Reykjavík, kvæntur Sig-
urbjörgu Stefánsdóttur.
10. Guðrún, ógift, búandi
ásamt bróður sínum á Litlu-
Giljá.
Fjárhagur ungu hjónanna á
Litlu-Giljá var mjög erfiður
framan af, einkum á kreppuár-
unum, því að við mikla ómegð
bættist það, að húsbóndinn varð
! meira en tuttugu ár ófær til
erfiðisverka sökum heymæði og
meðfylgjandi lungnaþembu, en
sá atvinnusjúkdómur er ekki
ótíður meðal bænda. Þrátt fyrir
þetta komst heimilið af, því að
Sigurður var maður vel búhygg-
inn, húsmóðirin mjög ráðdeild-
arsöm .dugleg og myndarleg til
allra verka, en börnin óvenju-
lega samhent um að vera for-
eldrum sínum til hjálpar, jafn-
óðum og þau höfðu þroska til.
Þess var og full þörf, því að
Þuríður varð sjálf fyrir þung-
um áföllum af völdum sjúk-
dóma, svo að hún varð með
nokkurra ára millibili að ganga
undir miklar skurðaðgerðir,
fyrst 1929 og síðast fyrir nokkr-
um árum, þegar hún hafði tek-
ið mein það, er dró hana til
dauða. Þá hafði hún verið ekkja
í 13 ár, því að Sigurður bóndi
hennar dó 14. apríl 1955 og hafði
síðustu árin oft verið rúmliggj-
andi. Þrátt fyrir erfiða afkomu
framan af búskapnum og öll
þessi vanheilindi þeirra hjóna
bar aldrei á því ,að kjarkur Þur-
íðar bilaði eða hún léti til sín
heyra æðruorð, heldur sló hún
jafnan á nokkra glettni og jafn-
vel kæruleysislegt orðalag, er
sjúkdóm hennar bar á góma.
Við hjónin höfðum mjög ná-
in kynni af heimili og högum
Þuríðar allt frá 1934, er við
fluttumst í nágrennið, þvi að
bæði kom oft til minna kasta
sem læknis, en auk þess var
Jósep Magnússon svili minn
fóstbróðir Þuríðar og kona mín
og hún því kunnugar úr Reykja-
vík. Minningarorð þessi eru því
ekki mælt út í bláinn.
Þuríður átti miklu barnaláni
að fagna. Elzti sonurinn, Magn-
ús, sem búskapurinn mæddi
einkum á, er einn af duglegustu
bændum Húnavatnssýslu, og
með tilstyrk hans og yngstu
dótturinnar, Guðrúnar, eftir að
hún komst upp, breyttist Litla-
Giljá í stórbýli að ræktun og öll
um húsakosti, svo að varla voru
annars staðar meiri umskipti
sjáanleg. Hin börnin, sem að
heiman fóru, fengu líka gott
fararnesti, enda lét móðir þeirra
sér mjög annt um uppeldi þeirra
og undirbúningsmenntun.
Þuríður sóttist lítt eftir kynn-
um við óviðkomandi fólk, en
var þess tryggari þeim, sem hún
festi vináttu við, og mikia
tryggð bar þessi aðkomna kona
til ábýlisjarðar sinnar, þar sem
hún hafði skipað erfiðan hús-
móður sess með sóma í næst-
um 40 ár. Þar átti hún einnig
friðsælt ævikvöld, sem hún
varði einkutn til að prýða nýja
og stóra íbúðarhúsið sitt með
allskonar handavinnu, eftir því
sem heilsa og kraftar leyfðu.
Síðustu vikurnar lá hún í
sjúkrahúsinu á Blönduósi og
andaðist þar 16. þ.m. Með henni
féll í valinn ein af þeim mestu
kvenhetjum, sem ég hef kynnzt.
P. V. G. Kolka.
INGÓLFS-CAFÉ
GÖMLU DANSARNIR í kvöld kl. 9.
Hljómsveit GARÐARS JÓHANNESSONAR.
Söngvari BJÖRN ÞORGEIRSSON.
Aðgöngumiðasala frá kl 8. — Sími 12826
—HÖTEL BORG—
Fjölbreyttur matseðill allan daginn, alla daga.
HLJÓMSVEIT
MAGNÚSAR PÉTURSSONAR.
SÖNGKONA
LINDA CHRISTINE WALKER.
Dansað til kl. 1.
IÐIMO
Dansað í kvöld kl. 8,30—11,30.
Fjörið verður í IÐNÓ.
Verkstœðisformaður
Vel útbúið bílaverkstæði úti á landi vantar verkstæðis-
formann strax.
íbúð fylgir.
Tilboð, merkt: „Bílaverkstæði — 8410“ leggist inn á
afgr. Mbl.
Silfurtunglið
LEIKA í KVÖLD TIL KL. 1
Silfurtunglið
Opið í kvöld kl. 8—1.
Hinir vinsælu
Ponic og Einar
skcmnita — Ofsaf jör
SIGTÚN.