Morgunblaðið - 23.12.1971, Blaðsíða 16

16
MOR<iUNBLA.ÖLÐ, FLMMTU>DAGUR 23. DEJSEEMBER 1971
Jón Arnason vid 3. umræöu fjárlaga:
Meiri hækkuná fjárlög-
um en dæmi eru um áður
í FYRRADAG fór fram 3.
umræSa um fjárlögin, sem
samþykkt voru á Alþingi í
gær, Fer hér á eftir frásögn
af hluta þessara umræðna en
vegna þrengsla í blaðinu
verður ítarlegri frásögn af
fjárlagaafgreiðslunni að bíða.
Jón Árnason (S) sagði m.a. að
í tið fyrrverandi ríkisstjórnar
hefðu þáverandi stjórnar£ind-
stæðingar oft býsnazt mjög yfir
hækkun fjárlaga og lýst því sem
spegilmynd af efnahagsástand-
inu í landinu. Nú þegar þessir
menn kæmu fram með sín fyrstu
fjárlög fælu þau í sér meiri
hækkun frá fyrri fjárlögum en
dæmi væru til áður. Samkvæmt
þeim upplýsingum sem fengizt
hefðu hjá Efnahagsstofnuninni
mætti gera ráð fyrir að tekjur
ríkissjóðs yrðu mun meiri en
gert væri ráð fyrir í tekjuöfl-
unarfrumvörpum ríkisstjórnar-
innar, jafnvel að tekjur rikis-
sjóðs myndu þrefaldast.
Með þessu væri nú stefnt að
meiri óðaverðbólgu en verið
hefði í langan tíma. Við Islend-
ingar værum nú staddir í meiri
vanda í efnahagsmálum en við
hefðum verið um langt skeið.
Ef það væri rétt, að tekjur ríkis-
sjóðs yrðu miklu meiri hefði það
enn meiri áhrif á öngþveitið í
eftiahagsmálum þjóðarinnar. Þvi
yrði að telja það nokkuð var-
hugavert að ætia nú að afgreiða
fjárlög án þess að fyrir lægju
ákveðnar niðurstöður um vænt-
anlegar tekjur rikisins á næsta
ári.
Gylfi Þ. Gíslason (A) sagði að
mönnum hefði lengi verið kunn-
ugt um að ríkisstjómin ætlaði
sér að gera miklar breytingar á
skattalöggjöfinni. Hins vegar
hefði það komið sér á óvart þeg-
ar fjármálaráðherra hefði I
ræðu sinni á mánudag lýst því
yfir, að samfara afnámi neí-
skatta yrði dregið úr niður-
greiðslum til landbúnaðaraf-
urða. Nefndi hann dæmi um það
hvernig þessi ráðstöfun kæmi
niður á kaupverði. Gera mætti
ráð fyrir að mjólk myndi hækka
um 3 krónur hver litri, eða sem
svaraði 24% og kjöt myndi
hækka um rúmar 17 krónur, eða
sem svaraði 14%. Væri augljóst
að með þessu móti væri rikis-
stjórnin að svipta launþega
þeim kjarabótum sem þeir hefðu
nýlega fengið.
Varla gæti nokkur vaffl leikið
á því, að þegar skattgreiðandi
losnar við að greiða einn skatt,
en væri um leið gert að greiða
annan nýjan, væri hagur skatt-
greiðenda ekki bættur.
Þá lagði hann til að afgreiðslu
fjárlaga yrði frestað fram yfir
áramót og jafnframt vísað til
ríkisstjómarinnar, sem gæti á
þeim tíma áttað sig betur á
þeim.
Loks sagði hann, að í raun
hefði ríkisstjómin á leynd rift
þeim kjarasamningum sem ný-
lega hefðu verið gerðir við laun-
þega.
Halldór E. Sigurðsson fjár-
málaráðherra, minnti fyrst á, að
fjárlög hækkuðu nú um 910
milljónir kr. vegna samninga urn
launakjör opinbema starfs-
manna, sem gerðir hefðu verið
í tíð fyrrverandi rlkisstjórnar.
Síðan rakti hann einstaka liði
fjárveitinga úr rikissjóði og
spurði hvort það væri vilji ein-
stakra þingmanna að þessir liðir
væru felldir niður eða þeim
breytt.
Þá vék ráðherra að samþykkt-
um þeim, sem búið væri að gera
og tillögur væru um við 3. umr.
fjárlaga. Sagði hann, að hér
væri um að ræða fjárhæð sem
næmi 780 millj. kr. Nefna mætti,
að Gylfi Þ. Gíslason hefði komið
með tiilögur við 2. umræðu f jár-
laganna um að hækka þessar
upphæðir um rúmar 200 millj.
króna, og ef allir þingmenn
hefðu verið eins röskir, hefðu
fjárlög hækkað um nær 6
milljarða.
Loks lýsti ráðherra yfir undr-
un sinni á þvi, að niðurgreiðslur
væru nú orðnar það óskabarn A1
þingis, að farið væri fram á að
fresta afgreiðslu fjárlaga til þess
að koma þeim við í auiknum
mæli. Sú frétt hefði nú einhvern
timEinn þótt sjónvarpstæk.
Sigurður Magnússon (Ab)
mælti fyrir þingsályktunartil-
lögu um iðnskóla, sem hann
ásamt Garðari Sigurðssyni ber
fram. Er í henni farið fram á
endurskoðun á lögunum um iðn-
fræðslu, þar sem m.a. verði við
það miðað, að iðnskólamir verði
reknir af rikinu einu.
Fagnaði Sigurður þeim auknu
fjárveitingum til iðnfræðslu,
sem gert er ráð fyrir í f járlaga-
frumvarpinu, og gagnrýndi jafn-
framt aðgerðarleysi fyrrverandi
ríkisstjómar i þeim málum.
Guðlaugur Gíslason (S) varp-
aði m. a. þeirri fyrirspum til
fjármálaráðherra, hvort bæði
héraðsblöðin á Suðurlandi, þ.e. í
Vestmannaeyjum og á Selfossi,
féllu ekki undir ákvæðið í fjár-
lögum, þar sem gert er ráð fyr-
ir að kaupa ákveðinn eintaka-
fjölda af héraðsblöðum.
Gunnar Gíslason (S) mælti
fyrir breytingatillögum sínum
við fjárlögin, þar sem gert er
ráð fyrir auknum fjárveitingum
til húsmæðraskólans á Blönduósi
auk fjárveitinga til skólans á
Löngumýri, m. a. til endurnýj-
unar á hitaveitu.
Sagði hann m.a., að ekki væri
víða að finna dæmi um spamað-
arráðstafanir í fjárlagafrum-
varpinu, en þó væri þær að
finna í sambandi við fjárveiting-
ar til húsmæðraskóla, en þar
væri brýn þörf ýmissa endur-
bóta. Þá kvað hann nauðsynlegt
að veita nokkurt framlag til
skólans á Löngumýri I Skaga-
firði, sem m.a. yrði notað til
þess að endurbyggja hitaveitu-
æð frá Varmahlíð.
Vænti hann þess, að forsætis-
ráðherra léði þessum tillögum
lið, enda hygði hann, að ráð-
herra bæri nú hlýrri hug til
þeirra Skagfirðinga en manna í
öðrum byggðalögum.
Ennfremur sagði Gunnar, að
nú væri sköpum skipt, þegar í
sæti fjármálaráðherra væri kom
inn sá maður, sem hvað mest
hefði gagnrýnt þau fjárlaga-
frumvörp, sem lögð hefðu verið
fram af fyrrverandi rikisstjóm.
Jón Árnason
Hefði hann þá býsnazt mikið yf-
ir hækkunum á fjárlögum frá
ári til árs og talað um þann
voða sem það hefði í för með
sér. Fyrrverandi fjármálaráð-
herrar væru nú ekki stórir karl-
ar miðað við þann sem nú sæti
I því embætti, ef miða ætti við
hækkanir á f járlögum.
Inga Birna Jónsdóttir (SFV)
mælti fyrir tiliögu sinni um
framlag til Menningar- og frið-
arsamtaka kvenna.
Matthías Bjarnason (S) mælti
fyrir breytingartillögu sem hann
ásamt fimm öðrum þingmönn-
um Sjálfstæðisflokksis ber fram
um fjárveitingu til Bygginga-
sjóðs aldraðra. Vænti hann þess,
með tilliti til þeirra undirtekta,
sem mál þetta hefði fengið á
síðasta þingi, að þingmenn
styddu þetta nauðsynjamál.
Ennfremur mælti Matthías
fyrir tillögu, sem hann bar fram,
um aukin fjárframlög til Iþrótta
kennaraskóla Islands á Laugar-
vatni. Þar væri nú aðstaða öli
LANDBÚNAÐARRÁÐHERRA
hefur skipað sjö manna nefnd
til að gera tillögur uni heildar-
áætlun um alhliða landgræðslu
og skipulega nýtingu landsins. í
erindisbréfi nefndarinnar er
henni falið að miða starf sitt við
það, að hægt verði að minnast
11 alda byggðar landsins með
heildarátaki um landgræðslu og
gróðurvemd, svo og alhliða
skipulagningu landsnytja.
mjög bágborin, jafnvel svo, að
kemnt væri í búnimgsherbergjum
og sturtuklefum.
Það væri í sjálfu sér lofsvert
að gert væri ráð fyrlr auknum
fjárveitingum til íþróttamála, að
sinu viti væri þar verið að stíga
eitt spor fram á við, en um leið
væri stigið annað aftur á við
þegar lækkað væri fjárframlag
til eina íþróttakennaraskólans á
landinu.
Loks sagði Matthías, að hann
teldi það ekki óeðlilegt að af-
greiðslu fjárlaga yrði frestað
fram yfir áramót.
Ellert B. Schram (S) mælti
fyrir breytingartillögu sinni um
aukin fjárframlög til Æskulýðs-
ráðs ríkisins. Sagði hann það
furðulegt að Aiþingi samþykkti
á einu þingi stofnun Æskulýðs-
ráðs, enda hefðu þá þingmemi
almennt verið sammála um nauð
syn þess, en síðan væri á næsta
þingi ekki gert ráð fyrir að veita
nægilegt fjármagn til þess að
stofnun þessi gæti starfað eins
og gert hefði verið ráð fyrir. I
fyrstu hefði aðeins verið gert
ráð fyrir 100 þús. kr. fjárveit-
ingu, en síðan hækkuð upp i 700
þús. kr. Fengi hann ekki séð
hvermig þessi starfsemi, sem lög-
fest hefði verið, gæti farið fram
með ekki meiri f jármögnun.
Gunnar Thoroddsen (S) mælti
fyrir tillögu sinni og Benedikts
Gröndals um að auka við tölu
heiðurslauna listamanna Krist-
manni Guðmundssyni. Rakti
hann I fáum orðum starfs- og
námsferil listamannsins.
Steinþór Gestsson (S) mælti
fyrir tillögu sinni um fjárfram-
lög til Landnáms ríkisins og auk-
inna framlaga til hafnarrann-
sókna og mælinga, þar sem gert
væri ráð fyrir 3 millj. kr. vegna
rannsókna á hafnarstæði við
Dyrhólaey.
Eysteinn Jónsson, fórseti sam-
einaðs Alþingis, er formaður
nefndarinnar, en aðrir nefndar-
menn eru; Jónas Jönsson, dei'ld-
arstjóri í landbúnaðarráðuneyt-
inu, Ingvi Þorsteinsson, náttúru
fræðinguir, Haukur Ragnarsson,
tilraunastjóri, Pálmi Jónsson, ail
þingismaður, Sigurður Blöndal,
skógarvörður, og Þorvaldur G.
Jónsson, fóðureftirlitsmaður.
Sjö manna nefnd
— f jallar um landgræðslu
og nýtingu landsins