Morgunblaðið - 30.12.1973, Blaðsíða 47

MORGUNBLAÐIÐ, SUNNUDAGUR 30. DESEMBER 1973
47
-KFUM
Framhald af bls. 45
Fjölþætt starf
I áratugi var Mánaðarblað
KFUM gefið Ut. Það kostaði víst
aðeins fáeina aura í upphafi. Und-
arlegt var líka upphaf þess. Séra
Friðrik þurfti að láta prenta
söngva. En svo var rétt pappírs-
stærð ekki til, aðeins stærri.
Renningarnir, sem skárust af,
voru nýttir undir fundarboð og
ýmsar fréttir til félagsmanna. Því
þá ekki að breyta því í blað? Það
var gert. Síðan hefur söngbók
KFUM verið gerð í stærra formi,
og fleira af því tagi komið út.
Sömuleiðis hefur ýmislegt tekið
við af Mánaðarblaðinu. Slíkt tek-
ur breytingum með nýjum þörf-
um í hverri kynslóð. Fyrir löngu
hefur félagið eignazt ágæta fjöl-
ritunarstofu, ,,þar sem gera má
hér um bil hvað sem er“ í þarfir
félagsins á þessu sviði.
í húsakynnum KFUM hefur um
langan aldur þróazt starf margra
áhugahópa, sem ýmist hafa mynd-
að sérhópa innan félags ellegar
verið sjálfstæð félög, sem KFUM
hefur skotið skjólshúsi yfir. Sem
dæmi má nefna: Samtök bibliu-
skólanna, Kristilegt stúdentafé-
lag, Kristilegt félag hjúkrunar-
kvenna, Kristniboðsflokka KFUM
og KFUK og síðast eri ekki sízt
Kristileg skólasamtök, sem síðari
árin er hiklaust ein þróttmesta,
kristilega æskulýðshreyfing á Is-
landi bæði hvað snertir lifandi
árvekni í starfi og árangur, sem
birtist i heilbrigt hugsandi kristn-
um einstaklingum. Margt af því
unga skólafólki tekur á einhverju
timabili virkan þátt í félagsstarfi
KFUM og K. — Ekki má það
gleymast, að systurfélagið KFUK
er meðaðili að mörgu því, sem
gert er, og hefur svo verið langa
hríð.
Upptalning og sundurlausar
myndir úr 75 ára sögu segja næsta
fátt. Innan rammans er lífið
sjálft. I þessum afmælisþætti er
stiklað á stóru og mörgu sleppt úr
með öllu.
En hvernig er þetta félag nú?
Hvað. er verið að gera þarna?
Hvernig fara fundir og annað
fram? Alla daga er eitthvað að
gerast í flestum húsum KFUM og
K.
Fyrir hádegi á sunnudögum er
sunnudagaskóli: Drengjadeildirn-
ar, G.D. og V.D. halda fundi, sums
staðar eftir hádegi á sunnudög-
um, annars staðar á öðrum tíma.
Unglingadeildirnar eiga sinn sér-
staka fundatíma og aðaldeildin
(A.D.) heldur sig við fimmtu-
dagskvöldin eins og i upphafi. A
sunnudagskvöldum eru fjölsóttar
almennar samkomur. Aðra daga
vikunnar eru sveitafundir eða
hinir og þessir hópar hittast. A
einum stað eru tómstundakvöld,
iþróttaæfing úti eða inni í húsinu
við Holtaveg. Kannski situr skíða-
félagið Éljagangur niðri á Amt-
mannsstíg og ráðgerir för á Hell-
isheiði, við Laugagerði er á sama
tíma dálítill hópur með trommur
og gitara að æfa kristilega söngva
í „poppstíl", einhvers staðar sitja
alvörugefnir ungir menn við að
raða saman efni í Kristilegt skóla-
blað eða U.D.-blaðið. Tilefnin eru
mörg. Unga fólkið vinnur að
þessu af áhuga og langmest í
sjálfboðavinnu. Og víst er margt
óþarfa tómstundagamanið til en
það.
A sumrin eru haldin kristileg
stórmót í Vatnaskógi og ekki má
heldur gleyma skólamótunum og
ferðalögum. í sumarbúðum í
Vatnaskógi voru um 700 piltar sl.
sumar og líklega hafa um 20.000
dvalið þar frá þvi fyrst var byrjað
1923.
A hverjum vetri eru haldnar
æskulýðsvikur og salarkynnin við
Amtmannsstíg rúma ekki alltaf
þá, sem þangað koma.
Flestir forystumenn starfsins
nú eru aldir upp í félaginu og
þekkja þar „hvern krók og kima“.
Þeir kunna því áreiðanlega til
verka. Þó mundu þeir aldrei
þakka sér árangur né atorku í
starfi. Þetta er sjálfsögð þjónusta
í riki Guðs á Islandi.
Öumdeilanleg eru góð og mann-
bætandi áhrif KFUM á bæjarlífið
liðna áratugi. Fjoldi manns hefur
notið þar hollra áhrifa í æsku,
miklu fleiri en þeir sem ílentust
sem félagsmenn. Enda hafa yfir-
75 ára
völd Reykjavíkur oft sinnis vottað
félaginu. viðurkenningu af þess-
um sökum. Um langt skeið var
ekkert annað kristilegt æskulýðs-
félag til, sem starfaði á sama hátt,
enda þótt svipað starf og áhugi
ætti að blómstra í hverjum söfn-
uði kirkjunnar. A fundum og
samkomum KFUM er oft haft
uppi til skemmtunar margt, sem
kætir og vekur. Glöð bros og
glymjandi hiátur, fjörugur leikur
og þróttmikill söngur. Allt þetta á
sífellt heima í KFUM. Þó er þetta
ekki kjarninn. KFUM á sér eink-
unnarorð: „Allir eiga þeir að vera
eitt“. En í lögum félagsins er
starfseminni lýst svo, að KFUM
vill safna saman ungum mönnum,
sem trúa á Jesúm Krist sem Frels-
ara sinn og leitast við að ávinna
aðra til sömu trúar. Þetta er
kjarni myndarinnar I rammanum
öll þessi 75 ár. Og öll þessi ár
hefur leyndardómur starfs og
árangurs verið sá, að bæði ein-
staklingar og hópar hafa verið
biðjandi menn, sem reiknuðu með
bænheyrslu Guðs og krafti. An
þess hefði þetta starf aldrei orðið
lífvænlegt.
Utan Reykjavíkur er KFUM i
Hafnarfirði og Kópavogi, á Akur-
eyri, Akranesi og í Vestmannaeyj-
um. Þarna er enn mikil saga í
mótun og heilladrjúgt starf á
ferð, sem of langt yrði að rekja
hér. En allt eru þetta afsprengi
elzta félagsins i Reykjavík. Félög-
in hafa myndað með sér Lands-
samband KFUM.
Innan íslenzku kirkjunnar hef-
ur KFUM viljað standa vörð um
hreina boðun fagnaðarerindisins.
Að sjálfsögðu varð það aldrei ann-
arrra að dæma um, hversu tekizt
hefur. Ef til vill tekst KFUM ekki
að forðast allar þær hættur, sem
fylgja því að vera sterk og þrótt-
miki) hreyfing, sem er sjálfri sér
nóg. Þó er það afmælisósk þessu
síunga 75 ára félagi til handa, að
það takist hér eftir sem hingað til.
Enginn, sem þekkir til, ímyndar
sér t.d., að KFUM vilji vera eitt-
hvert „númer" eða klofnings-
hreyfing í kirkjulífi þjóðarinnar,
til þess stendur það of traustum
rótum á evangelísk-lúterskum
grunni hinnar íslenzku þjóð-
kirkju. Innan þess ramma var því
ætlað að vera salt og ljós. Vonandi
verður svo áfram. Og þessi orð,
sem vissulega mega kallast lofs-
yrði, eru þó aðeins staðreynd, sem
ekki verður á móti mælt. Þrátt
fyrir það er svo ágæt hreyfing
aldrei hafin yfir gagnrýni. Vitan-
lega getur KFUM gert mistök.
Auðvitað gerir kristin kirkja mis-
tök. En hvorki KFUM né kirkjan
sem heild eru heldur endanlega
háð því, sem manna er, og þess
vegna er ekkert starf á þeim vett-
vangi unnið í nafni séra Friðriks
né nokkurs manns honum til veg-
semdar. Kristur er Drottinn.
Starfið er hans. Dýrðin ber hon-
um einum. Megi þessi afstaða
vera leiðarijós KFUM áfram.
Við Lækjargötuna, rétt neðan
við Amtmannsstíg, stendur stytta
af séra Friðrik Friðrikssyni, og
við kné hans er drengur. — Frá-
bær táknmynd um æskulýðsleið-
togann af Guðs náð. En um leið
áminning til afmælisbarnsins um
hið sifellda verkefni, sem aldrei
tekur enda. Leiðtogar og starfs-
menn koma og hverfa. Nöfn
þeirra innan KFUM eru orðin
mörg í 75 ára sögu. Verkefnið er
sífellt hið sama: að ávinna ís-
lenzka æsku fyrir Krist. Megi
þetta 75 ára félag haldast siungt í
því starfi í krafti hans, sem verk-
inu ræður.
Lárus Halldórsson.
— Alyktun
Framhald af bls. 35
Stjórn S.U.S. vill ennfremur
minna á, að Ríkisútvarpið á ekki
að vera tæki neinnar einnar
stjórnmálastefnu eða þjóðfélags-
kenningar. Ríkisútvarpið á að
veita upplýsingar, túlka allar
hliðar hvers máls, vera fræðandi
og jafnvel gagnrýnið, en láta
hlustendum eftir að velja og
hafna. Skoðanakynning á að fara
þar fram, en ekki skoðanamótun.
Svör við get-
raunum á bls.
22-23-24-25
Rétt svör við innlendri fréttaget-
raun eru þessi:
1) b, 2) c, 3) a, 4) d, 5) b, 6) a,
7) b, 8) d, 9) b, 10) d, 11) b, 12) a,
13) c, 14) d, 15) d, 16) a, 17) c,
18) a, 19) d, 20) a, 21) b, 22) c,
23) a, 24) b, 25) b, 26) c, 27) a,
28) c, 29) d, 30) d, 31) a, 32) c,
33) a, 34) c, 35) b, 36) d, 37) b, c
ogd, 38) d, 39) b,40) c.
myndir:
1) Goðinn leggur af stað til út-
landa með togarann Hafliða frá
Siglufirði.
2) Árásin á brezka sendiráðið í
sumar.
3) Myndin er úr nýbyggingu
Hótels Holts.
4) Danskir ljósmyndarar setja
myndavélar sínar í götuna í
Reykjavíkurhöfn til þess að mót-
mæla lélegri aðstöðu til mynda-
töku.
5) Helgi Bergs formaður Viðlaga-
sjóðs tekur við 38 lyklum að við-
lagasjóðshúsum í Eyjabyggð.
6) í Reykjavik — myndin er af bíl
Nixons Bandaríkjaforseta.
7) Lokun Austurstrætis.
8) Grænlenzk.
9) Á myndinni eru frá vinstri:
Richard M. Nixon, Frederiek ír-
ving sendiherra Bandaríkjanna ,
herra Kristján Eldjárn og Harald-
ur Kröyer sendiherra islands í
Bandaríkjunum.
10) Uhro Kekkonen Finnlands-
forseta.
Rétt svör við erlendri fréttaget-
raun eru þessi:
1—c 2—c; 3- —a; 4—d 5—b
6—d; 7—b; 8- -b; 9—a; 10—c
11—a; 12—d; 13— b; 14—b
15—a; 16—c; 17—d; 18—d
19—a; 20—c; 21—b; 22—d
23—c; 24—a; 25—a.
1) Grimsby
2) Spiro Agnew fyrrum varafor-
seti
3) Argentínu
4) Súes-skurðinn
Lausn á íþróttafréttargetraun.
1. b, 2. c, 3. c, 4. a, 5. d, 6. c, 7. a,
8. a og d, 9. d, 10. a, 11. c, 12. c, 13.
a, 14. c, 15. a, 16. b, 17. c, 18. b, 19.
c, 20. a, 21. d, 22. a, 23. a, 24. b, 25.
c.
Myndir:
1. Geir Hallsteinsson i leik við
Frakka
2. Austur-Þjóðverja hófst
3. Kfnverjarnir sem hingað komu
er leika tvíliðaleik
— Ragnar
Arnalds
Framhald af bls. 11
Gerið þér ráð fyrir, að verka-
lýðsfélögin semji á svipuðum
grundvelli og BSRB?
Verkalýðsfélögin munu Ieggja
áherzlu á minnkandi launamis-
mun og hækkun lægstu launa,
eins og BSRB gerði í'sínum samn-
ingum, en kröfugerðin er um
margt ólíkt, og ég vil því engu um
það spá, á hvaða grundvelli samið
verður.
Búizt þér við, að samkomulag
náist við Bandaríkjamenn og
NATO um endurskoðun varnar-
samningsins?
Nei, ég á ekki von á því. Mér
hefur ekki virzt, að Bandaríkja-
menn væru reiðubúnir að fallast
á stefnu ríkisstjórnarinnar um
brottför hersins á kjörtfmabilinu,
og samkomulagsgrundvöllur virð-
ist þvi ekki vera fyrir hendi.
Er þingmeirihluti fyrir upp-
sögn varnarsamningsins?
Að sjálfsögðu get ég ekkert um
það fullyrt með vissu, fyrr en á
það reynir. Það er stefna rikis-
stjórnarinnar, að náist ekki samn-
ingar við Bandarikjamenn um
brottför hersins, verði flutt þings-
ályktunartillaga á Alþingi um
heimild fyrir ríkisstjórnina til að
segja samningnum upp. Ég álít
persónulega, að þessi tillaga verði
samþykkt.
Styðjið þér útfærslu fiskveiði-
lögsögunnar í 200 mílur fyrir árs-
lok 1974?
Eins og kunnugt er hefur sendi-
nefnd tslands á fundum hafs-
botnsnefndarinnar haldið fram
þeirri stefnu fyrir hönd íslenzku
ríkisstjórnarinnar frá upphafi að
lögfesta bæri 200 sjómílna auð-
lindalögsögú sem alþjóðlega
reglu. Utfærsla fiskveiðilögsög-
unnar i 50 mílur var skref að
þessu marki, sem stigið var strax
fyrir tveimur árum, vegna þess að
við treystum okkur ekki til að
biða í mörg ár eftir niðurstöðu
alþjóðlegu hafréttarráðstefnunn-
ar. Það var einmitt kjarninn í
deilunum um landhelgismálið í
alþingiskosningunum 1971, að
fráfarandi stjórnarflokkar vildu
engar ákvarðanir taka og kölluðu
það siðleysi og ævintýramennsku
að gera það, sem gert hefur verið
í landhelgismálinu: að færa út
landhelgina með einhliða aðgerð-
um. En núverandi stjórnarflokk-
ar vildu ekki biða og tryggðu með
sigri sínum i kosningunum, að
þetta mikilvæga skref var stigið i
átt til aukinnar friðunar. Nú er
þessi margumtalaða hafréttarráð-
stefna loksins að hefjast, en hún
verður haldin í sumar í Caracas.
Stjórnarflokkarnir hafa ákveð-
ið að undirbúa með lagasetningu
útfærslu fiskveiðilögsögunnar i
200 sjómilur og flutt var stjórnar-
frumvarp um það efni í nóvember
í haust, sem sjálfsagt verður sam-
þykkt af öllum alþingismönnum.
Siðar verður svo ákveðið, hvenær
útfærslan kemur til fram-
kvæmda, enda vilja menn sjálf-
sagt sjá, hvaða stefnu hafréttar-
málin taka á alþjöðlegum vett-
vangi á síðara hluta næsta árs.
Teljið þér, að sá árangur hafi
náðst af útfærslunni í 50 mílur,
sem Islendingar vonuðu?
Við Alþýðubandalagsmenn telj-
um, að hyggilegra hefði verið að
freista þess að ná betri samning-
um við Breta en buðust okkur í
október. Hitt er annað mál, að
þrátt fyrir þessa gölluðu samn-
inga, hafa öll þau meginmarkmið
náðst, sem stjórnarflokkarnir
settu sér, þ.e. að ónýta samning-
inn við Breta frá 1961, sem var
okkur fjötur um fót, endurheimta
þannig einhliða rétt Islendinga til
útfærslu landhelginnar og
minnka verulega ásókn erlendra
veiðiskipa á fiskstofnana við
strendur landsins.
Teljið þér ríkisstjórnina styðj-
ast við starfhæfan meirihluta á
Alþingi?
Eftir að Bjarni Guðnason sner-
ist í lið með stjórnarandstæðing-
um, hefur ríkisstjórnin þann
minnsta meiri hluta, sem unnt er
að styðjast við, 31:29. Að sjálf-
sögðu getur orðið erfitt að stjórna
fjármálum þjóðarinnar og við-
halda nauðsynlegu jafnvægi i
efnahagsmálum í eitt og hálft ár,
þegar stjórnarflokkarnir hafa
ekki hreinan meiri hluta i báðum
deildum þingsins og stjórnarand-
staðan notar sérhvert tækifæri til
að koma ríkisstjórninni á kné án
tillits til málefna. En og þrátt
fyrir allt er þó þessi stjórn betur
sett en rfkisstjórnirnar í Dan-
mörku, Noregi og Svíþjóð, sem
allar skortir meiri hlutann og
verða því að skáskjóta málunum i
gegnum þingið. Við erum því
þrátt fyrir allt með meiri hluta, og
þess vegna held ég, að þetta
bjargist.
Hve lengi teljið þér, að ríkis-
stjórnin muni sitja?
Spurningin á undan fjallaði
nánast um það sama og þessi með
þeim mismun, að í síðari spurn-
ingunni gætir nokkurrrar óþolin-
mæði. Ríkisstjórnin situr að sjálf-
sögðu svo lengi sem hún hefur
meiri hluta á Alþingi, og ég trúi
ekki öðru en það verði fram til
næstu kosninga. Hitt er fremur
spurning, hvenær til þeirra verð-
ur efnt. Nú eru uppi ýmsar hug-
myndir um þingrof og nýjar kosn-
ingar. eins og oft vill verða og að
sjálfsögðu er það hugsanlegt, að
kosningum verði eitthvað flýtt.
Bjarni Guðnason gerir einmitt
allt, hvað hann getur til að knýja
fram kosningar sem fyrst, enda er
hann hræddur um, að hann sé að
missa athygli almennings, og hin-
um finn'st meiri hætta á, að f
kosningum til bæjarstjórna yrði
nýi flokkurinn hans drepinn i
fæðingu. ÞeSs vegna vill hann fá
alþingiskosningar á undan
sveitarstjórnarkosningum.
Það er hins vegar min skoðun,
að allt of snemmt sé að kalla
þjóðina til kosninga á næstunni.
Ríkisstjórnin á margt ógert áður
en til kosninga kemur, meðal ann-
ars þarf hún að gera hreint fyrir
sínum dyrum í herstöðvamálinu.
Meiri hluti stjórnarflokkanna
verður þvi að duga i vetur, og
Bjarní Guðnason verður að bíðá
rólegur, þangað'til kallið kemur.
Tími til kosninga getur varla orð-
ið fyrr en í fyrsta lagi næsta
haust.
Eg vil að lokum óska lesendum
Morgunblaðsins og landsmönnum
öllum gæfu og gengis á nýju ári.
— Spánn
Framhald af bls. 1
hefur morðið á forsætisráð-
herranum varpað á þennan mál-
stað nokkrum skugga og dregið
athyglina frá réttarhöldunum.
Lögfræðingar sakborninga
segjá, að morð forsætisráðherrans
hafi átt sinn þátt í, hve dómarnir
urðu þungir; það hafi komið í veg
fyrir, að dómarar sýndu nokkra
miskunn.
t dag verður væntanlega valinn
nýr forsætisráðherra Spánar í
stað Blancos. Er líklegast talið, að
Fernandez Miranda verði fyrir
valinu, — hann hefur gegnt emb-
ætti forsætisráðherra til bráða-
birgða frá því Blanco var drepinn.
Gleðllegt nýlt ár
og þökkum viðskiptin á liðnu ári.
Offsetprent h.f.
Smiðjustíg 11, sími 15145.
Hrólfur Benediktsson.
mQewmtm
Brautarholti 20
20 gerðir al fiugeldum
Margar gerðir
af stjörrsuljósum, blysum
og skrautblysum.
Gamlársdag opiö 9-16
* * * * Flugeldasalan,
Brautarholti 20
(Á horni Brautarholts og Nóatúns)
* Opið frá 1 0—22