Morgunblaðið - 11.05.1974, Blaðsíða 30
30
MORGUNBLAÐIÐ, LAUGARDAGUR 11. MAl 1974
Enskt lið á uppleið í
heimsókn hér á landi
Rangers sýnir áhuga
á landsliðspiltum
UNGLINGALANDSLIÐIÐ í
knattspyrnu, sem tekur f lok
þessa mánaðar þátt í úrslitum EM
unglinga í knattspyrnu í Svíþjóð,
brá sér til Skotlands yfir páskana.
Þar léku piltarnir tvo leiki og
unnu báða. Fyrst var leikið gegn
skozku unglingalandsliði áhuga-
manna og lauk leiknum 5:3. Mörk
íslands skoruðu Öskar Tómasson
(2), Árni Sveinsson, Gunnlaugur
Kristfinnsson og Hálfdán Örlygs-
son. Síðari Ieikurinn var svogegn
úrvalsliði unglinga frá borginni
Ayr og nágrenni og úrslitin urðu
4:1. Mörkin skoruðu Gunnlaugur,
Árni, Guðjón Þórðarson og
Hannes Lárusson.
Leikur íslenzku piltanna vakti
verðskuldaða athygli og „njósn-
ari“ frá Glasgow Rangers sýndi
áhuga á að bjóða þremur piltanna
I heimsókn til félagsins. Þeim
Hannesi, Öskari og Gunnlaugi.
Knapp með landsliðið?
MJÖG líklegt er, að hinn enski
þjálfari KR-inga, Tony Knapp,
muni undirbúa landsliðið i
knattspyrnu og fylgja því í
landsleikjum sumarsins. KSÍ
hefur undanfarið leitað
hófanna hjá félögunum í
Reykjavík og Keflavík, sem
hafa erlenda þjáfara á sínum
snærum. Hafa félögin yfirleitt
tekið þessari málaleitan illa og
ekki talið heppilegt fyrir
félögin, að þjálfari þeirra hefði
fleiri járn í eldinum en þeirra
eigin leikmenn. KR-ingar voru
þeir einu, sem léðu máls á
þessu og mjög líklegt er, að
hann verði ráðinn þjálfari eða
umsjónarmaður landsliðsins á
næstu dögum.
2. DEILDARLIÐIÐ YORK CITY LEIKUR HÉR ÞRJÁ LEIKI
ENSKA knattspyrnufélagið York
er væntanlegt hingað til lands í
boði Vals og Þróttar í byrjun
næstu viku. York varö í þriðja
sæti f þriðju deildinni f Englandi
og vann sér því í fyrsta skipti í
sögu félagsins rétt til að leika í 2.
deild. Forráðamenn félagsins
ákváðu aðlauna leikmönnum með
því að bjóða þeim verðlaunaferð.
Eftir að hafa ráðfært sig við
ferðaskrifstofur komu aðeins
þrjú lönd til greina, Noregur,
Spánn og ísland og á endanum
völdu leikmennirnir svo að fara
til tslands.
York City er vissulega ekki
bezta knattspyrnuliðið í Englandi
um þessar mundir, en frammi-
staða þeirra í vetur hefur verið
einstaklega góð. Eftir að hafa ver-
ið í mikilli fallhættu bæði 1972 og
1973 sneru leikmenn liðsins vörn
í sókn og félagið, sem spáð var
falli niður í fjórðu deild, er nú
kallað „spútnikklið".
I byrjun keppnistímabilsins var
York City án efa bezta liðið í
ensku þriðju deildinni og af 18
fyrstu leikjunum töpuðu þeir
aðeins einum. 1 byrjun desember
höfðu þeir leikið 10 leiki í röð án
þess að fá á sig mark og vantaði
því aðeins einn leik til að setja
met. Auk frammistöóunnar í
deildinni stóð York sig mjög vel í
deildabikarnum og sló Hudders-
field, Aston Villa og Orient út úr
keppninni, en tapaði svo fyrir
Manchester City eftir aukaleik.
Framkvæmdastjóri félagsins,
Tom Johnston, hefur ekki gert
neinar umtalsverðar breytingar
meðal leikmanna sinna að undan-
förnu. Þó hefur hann bætt þrem-
ur nýjum leikmönnum við, þeim
Chris Jones, Walsall, Ian Butler,
Hull, og Barry Lyons, Notthing-
ham Forrest. Sá síðastnefndi er
frægasti leikmaður félagsins og
sá, sem mestu fé hefur verið eytt
í, en hann var keyptur á 15 þús-
und pund — en það er met hjá
‘York City.
Félagið var stofnað 1903 og
varð atvinnumannafélag 1912.
Það var árið 1929 að York City
var tekið inn í þriðju deildina og
lék þar fram til ársins 1958. Þá
féll félagið niður í 4. deild og
hefur síðan ýmist leikið í 3ju eða
4ðu deild. En nú er sem sé í fyrsta
skipti komið að því í sögu félags-
ins, að það leiki í 2. deild.
Yfirleitt hafa ekki verið sérlega
margir áhorfendur á leikvelli
félagsins, Bootham Crescent, lág-
markið um 3 þúsund og það bezta
rúmlega 8 þúsund. Aukaleikurinn
gegn Manchester City í deilda-
bikarnum síðastliðið haust dró þó
að sér rúmlega 15 þúsund áhorf-
endur og því er spáð, að sú tala
verði ekki óalgeng hjá liðinu í 2.
deildinni næsta vetur. York City
hefur þegar vakið á sér athygli og
því er almennt spáð, að liðinu
vegni vel í 2. deildinni næsta vet-
ur.
Fyrsti leikur York City hér á
landi verður á mánudaginn gegn
Islandsmeisturum IBK. Fer sá
leikur fram í Keflavík. Á mið-
vikudaginn leikur Iiðið gegn Val
og gegn landsliði 21. mai
Viðar Guðjohnsen f glbnu við tékkneskan andstæðing sinn.
Tékkar unnu 3:2 í
júdólandskeppninni
Víkingurinn í
óánægður og
GUÐJÓN Magnússon, sem oft
hefur verið nefndur víkingurinn
f handknattleiksliði Víkings hef-
ur nú ákveðið að skipta um félag.
Mun Guðjón ekki leika f Víkings-
Vormót ÍR
VORMÖT ÍR í frjálsum íþróttum
verður háð miðvikudaginn 22.
maí n.k. og verður þar keppt í
eftirtöldum greinum: KARLAR:
100 metra, 800 metra og 3000
metra hlaup, hástökk, kúluvarp
og kringlukast. KONUR: 200 og
800 metra hlaup, langstökk.
SVEINAR: 400 metra hlaup.
TELPUR: lOOmetra hlaup.
Þátttökutilkynningar þurfa að
berast til stjórnar frjálsfþrótta-
deildar IR eigi síðar en 18. maf.
Víkingsliðinu
gengur í Val
peysunni heldur með Valsmönn-
um ef að Ifkum lætur.
I viðtaii við Morgunblaðið í gær
sagði Guðjón, að hann væri ekki
ánægður með það hvernig staðið
hefði verið að málum hjá Vík-
ingum undanfarið. Hann hefði
því talið hyggilegra að skipta um
félag heldur en að leika af hálfum
krafti með Víkingum áfram. —
Ég hefði viljað fá erlendan þjálf-
ara til Víkings, en á slíkar tillögur
var ekki hlustað. Valsmenn munu
annaðhvort ráða erlendan þjálf-
ara eða þá Hilmar Björnsson, sem
undanfarin ár hefur aflað sér
framhaldsmenntunar í Svíþjóð.
Það er erfitt að taka ákvörðun
sem þessa, en ég vona að mér
vegni vel hjá Val, þó svo að ég
verði áfram víkingur, en. leiki í
Valspeysu, sagði Guðjón að lok-
um.
Tékkar unnu íslendinga í
landskeppni í Júdó, sem fram fór
í Laugardalshöllinni í fyrrakvöld
með þremur vinningum gegn
tveimur, eftir skemmtilega
keppni. Að landskeppninni lok-
inni fór fram opin keppni í tveim-
ur flokkum, og einnig þar báru
Tékkarnir sigur úr býtum.
Tékkneska landsliðið kom hing-
að beint frá Evrópumeistaramót-
inu í júdó, sem haldið var í
London um síðustu helgi. Þeir
kepptu ekki þar í sveitakeppn-
inni, en í einstaklingskeppninni
stóðu keppendur þeirra sig með
ágætum. Þrír íslendingar: Sigur-
jón Kristjánsson, Sigurður Kr. Jó-
hannsson og Svavar Carlsen tóku
þátt í Evrópumeistaramótinu, og
stóðu sig þar vel, sérstaklega þó
Sigurður, sem komst í aðra um-
ferð.
Venjulega eru sendar 10 manna
sveitir til landskeppni, en sökum
þess, að Tékkar sendu aðeins
fimm menn til Evrópumeistara-
mótsihs gat ekki orðið af svo fjöl-
mennri keppni að þessu sinni.
íslenzka landsliðið skipuðu þeir
Halldór Guðbjörnsson, Viðar Guð-
johnsen, Sigurjón Kristjánsson,
Sigurður Kr. Jóhannsson og
Hannes Ragnarsson. Flestar
viðureignirnar voru hinar snörp-
ustu og skemmtilegustu. Sigurður
Kr. Jóhannsson vann sína glímu
næsta örugglega og kórónaði þar
með glæsilegan feril sinn á þess-
um vetri. Hefur hann keppt I fjór-
um landskeppnum og ekki tapað
glímu í þeim. Hannes Ragnarsson
fékk svo vinning út úr sínum
þyngdarflokki, en Tékkinn, sem
mætti honum, hafði meiðzt á
Evróp umeistaramótinu.
Sem fyrr greinir var háð opin
keppni að landskeppninni lokinni
og var skipt í tvo flokka um 75 kg
mörkin. 1 þyngri flokknum sigr-
aði Kostal frá Tékkóslóvakíu,
landi hans Siestek varð í öðru
sæti, Sigurjón Kristjánsson í
þriðja sæti og Kári Jakobsson í
f jórða sæti.
I léttari flokknum sigraði Tuma
frá Tékkóslóvakíu, en hinn bráð-
efnilegi Viðar Guðjohnsen
hreppti þar annað sætið. Þriðji
varð Vanék frá Tékkóslóvakíu og
fjórði Gunnar Guðmundsson.
Geta má þess, að tveír af beztu
júdómönnum landsins, Svavar
Carlsen og Sigurður Kr. Jóhanns-
son, gátu ekki tekið þátt í þessari
keppni vegna meiðsla. Svavar
meiddist á Evrópumeistaramót-
inu og Sigurður reyndar líka, þótt
hann tæki þátt i landskeppninni
við Tékka og stæði sig þar mjög
vel.
Tékkarnir glímdu einnig við B-
landslið íslands, og unnu þar 5:0
sigur. Margar viðureignir í þeirri
keppni voru hins vegar hinar
skemmtilegustu.